Aposolo 18:5 - Ka Lamana'a Monoꞌi Lu Mu Tifiꞌehina Ka Yabe

⁵ Alihi Silasiugo Timotiugo Masetonia hepa'i he'mite ai nohinalo limi'igo asaga yupahi Polu mono kaga lu epiba lu epiba huto nohuto ma luto Yuta bona'i lu epi'ehina: Yesu ma'naka luto Hu'mau le'mo ho ti'ehina bo nohibe.

Aposolo 18:5 Referans Kwoze

2 Koliti 5:14

Ya hu'ehina'mu Kilisitou ai meha'a limilata nohinauba lele'mo hetofa higo lalitigo lugufati lelito tiluta'a meni'ibe. Lali ya'ma luto keheli emilata nohune. Ai bo moneuba lali bona'i asaga kumu yabe luto fili'ehinamo ni'inagihe. To lali asaga'i ana suhi huto tafa hapatimo'mu fili'ohuta'a ya'ma keheli'ohune.

Aposolo 18:28

To ai asaga boana'magi enubulo Yuta bona'magi kaga bati mehina'a lilata nehana ana ka'anilo nona'a lu epigo ai ka'auba enali ka melugu ho fi to'ehina. To ai Yesu kumu ma'naka luto Mesiau nohibe luto Hu'mau mono kagu go'ehinaloti leka soloto enelepito higo enegekesa keheli amuya mele'ahana yabe.

Aposolo 20:21

Nani Yuta bona'i hiti fegutoga bona'i hiti lu epito lipoti epi'ohuna: Lenali foipanatini he'mite komopa'ani i gelehe hiti Hu'mamofitoga minete Yesu Kilisito Sipi Boti aitoga agoya hu emilo luto lu epi'ohube.

Aposolo 17:3

Mesiau gabu foya liloto filito aku ho tilibe luto Hu'mau le'mo ho ti'ehina. Ya'ma Yesu kumu kaga lu nolepuna boya ai Mesiau nohibe luto lu yege hago enali enegekesa keheliya i'ahana.

Aposolo 9:22

Ya lite lana Soliu lu yege ho epina kagauba amuya molo'ehina. Ya higo Yuta bona'i luga'a Tamasiko hepalugu neminanamagi kaga'a lina kehelilete topa he'ahana. To Yesu bo mana'i Mesiau nohibe luto lu epina kagauba amuya molo'ehina'mu enali Solihi nona'a lu meemi'ahana yabe.

Filipai 1:23

To loe lae nasana'mu ni'igo hena'ni hilube? Nani mone'namufi mone'namu laga nebesilata nohibe. Metogati Kilisitou nele'mo hulenogo ai hiti minose'na hiluna laga'ni nebesilago yanauba ya'ma nasana tito ni'ibe.

Aposolo 2:36

Ya hu'ehinagi asaga Isilaeli naga'magita ya'mananalo keheli bebe salune. Ya'mana Yesuhi lenali malipu yafalo hago fili'ehina, ai'i Hu'mau Sipi Bo le'mo lolo higo nohina ai Yesu Kilisitou nohibe luto, Pitau ya luto lu epi'ehina yabe.

1 Pita 5:12

Nani kaga ya'ma Silibanuhi'ya ka lu emi emi nohugo fayahi ya'ma koyoto nolepibe. Nani ai kumu ya'ma nokehelugo nalalu'nifu lamana'a lolo nohibe. Naniya Hu'mamofihi lehe'mose'na'a kehelugo legeya'a lolo nohina ya'mu lusi kaga amuya'a hiti lu huto huto lu nolepuna'mu luto lenogo'na bito lu nolepube. Ana lehe'mose'namofihi komopa'agu ule'ale hite minalo.

1 Tesalonika 3:2

To Hu'mamofihi koko pana'a lalalutifu, Timotihi ho lufugo he'mi netoto lenalitoga bilibe luto lu'ohuna. Kilisitohi ka lamana'a lulata nohina bouba monolugu lenele'mo babahi hilibe luto to lenele'mo amuya hilibe luto,

Aposolo 16:9

To ana folugu'i Masetonia bouba ma luto kehe noigo Polu bamu'i bu go'ehina: Kai hege nagamilugu igofa hoto Masetonia bona'i oto lehe'mobo.

Aposolo 16:1

Polu Tebe hepato hiti Lisitala hepato hiti heneti'ehina. Ya'mana hepato Hu'mamofitoga komopa'a emito nominana bo gi'a Timoti yabe. Ai ito'afu Yuta a'uba ana huto Hu'mamofitoga komopa'a emito nominana yabe. To ai afo'afu Giliki melugu boya.

Aposolo 15:22

To aposolo bona'i hiti to olopa bona'i hiti asaga mono bona'i hiti kaga lu monetoga melelete enali bo luga'a folagaha'aniguti enele'mo ho tinogo Atioki hepato Polunogo Banabasinogo hiti enoho lifinogo bilabe lite keheli'ahana. Ya hilete enali Yutasihi fato gi'a Basabasiu yabe lite gi helata nehana bo hiti to Silasi hiti etele'mo ho ti'ahana. Ya'mana bole asaga bona'magi bati bo neha'ibe lite lilata nehana bole yabe.

Aposolo 10:42

Filise bona'ifi to kosaba bona'ifi enali kaga'ani loko hu epalalina bo Hu'mau le'mo ho ti'ehina'mu luto loho lifigo lu yege nohone.

Aposolo 4:20

To le'ali kaga lu yege hose'nati'a mehe'milu'ina'mu yabe. Asaga'na le'ubulo huto higo bu go'ohu'inanamofihifi to le'ekesatu'i keheli'ohu'ina le'ali lu yege homofa'na hilu'ina'mu yabe.

Yoni 15:27

Lenali ya'ma foya hapi hu'ohunaguti nani hiti mineme bite mine'ahanamo ni'inagihe, lenali hiti hapa'nimu ana suko hite li huto hilana'mu yabe, luto Yesu ya lu'ehina yabe.

Yoni 10:24

Yuta bona'magi aitoga ete le'mo bego bego hite loka he'ahana: Lali loe lae nohuta henaki kana bulenogo komopati li hokolo hu letalane? Hu'mau kokulumaluguti ho lifi'ehina bo, Mesiau, ya'ma nohapi ma'naka luto lu limibo.

Yoni 3:28

Koyapa'i kaga mone ma luto lu lepi'ohunamo lenalitini akeheli'ahabe. Nani Mesia'ita menohunaya Hu'mau nele'mo kohe to etoto noho lifigo o'ohube.

Yoni 1:41

Ai yata'a buto go'afihi Simonihi sa sa huto bu goloto ma luto lu emi'ehina: Lali Mesiahi abu go'ohune, lu'ehina. Ya'ma Mesiahi ho gelehe huto Kilisito, gimofihi hapa'a Hu'mau le'mo ho ti'ehina bo, nolune.

Luku 12:50

Nani mone fi taga huse'na nanitoga huto hilibe, luto nekesa noyugube, lu'ehina. Ya nohuna yatai ana fi taga huse'na su mehenogo sipi keta nonebesibe, luto Yesu lu'ehina yabe.

Luku 16:28

Nani nogona'ni 5 magi nehana. Enali ya'mana gabu'i gise hepatoga mealabe luto Lasalasiu lipoti epilina ni'ibe.

Aposolo 16:12

To lali ya'mana hepa'i he'miloto Filipai hepalugu heneti'ohuta. Ana hepa'mo koyapa'i Lomu gamaniuba mino'ehina Masetonia kegi'alugu tauni ya'ma sipinamo fato hepa'i be ligi'ehina hepa'i yabe. Lali luga'a kana ya'mana hepato mino'ohuta yabe.

Aposolo 20:23

To ya'ma Sikalafu'uba asaga hepatoga nonehetugo kalabusi naga'i kimilabe luto gabu gilina suhi huto hi ketalabe luto lu nimigo keheli'ohube.

Aposolo 20:24

Ya luto nolimigo to nani minalufi fililufi luto ya'ma negekesa kehelito nemeha'ni su holenogo bati huto ni'inagi ya'ma Sipi Bo Yesuhi foya'a nimi'ehina Hu'ma lehe'mose'namofihi ka'a hiti ka lamana'a hiti lu yege hoto ya'ma lili'na'nimofihi su holenogo bati hilunagihe.

2 Koliti 1:19

Hu'mamofihi pana'a Yesu Kilisito ai hapa'a ya'ma nani hiti to Silasi to Timoti lali lu lepi'ohuta bo ai ya'ma kaga lu'ehina luga'a o'yo luto nohigo luga'a futu'a lolo huto o'e luto faga lilata menohibe. Asaga'i ya'ma lama'naka'a lu'ehinaloti legeya'ago ho baga ilata nohibe.

2 Koliti 11:9

To lenalitoga nohuto ana'ina mone kumu sa huto buto mone lu melepi'ohunamo ni'ibe. Nani'ni sa sa huto humofa'na nohugo Masetonia hepatogati nalalu'nigi nehetite ana'ina nimite li nabaga melelata hi'ahana. To lenalitoga ya'ma fa'mene nohuto keta'a hiti nasana mone ligo mefi lepolo'ohunamo ni'ibe. To mino lito tito aku'i ligo mefi lepalalube luto nolube.

1 Tesalonika 3:6

To yatai Timotiu lenalitogati i behe huto oto kaga'a beto hu'ehibe. Kilisitotoga keheli amuya mele'ahanamofihi to komopatini epilata nehana yamofihi lamana ka lu limi'ehibe. To lenali ya'ma lali kumu laga'a kehelilata nehanamo to lali lenali'i bu lenagalune luto kehelilata nohutamo ya'ma lenali ana suhi hite lali bu lenagalune lite kehelilata nehanamo ni'ibe. Yamofihi ka'a alu su ho'ehigo komopatigu bati huto nohune.