Aposolo 18:4 - Ka Lamana'a Monoꞌi Lu Mu Tifiꞌehina Ka Yabe

⁴ Ai asaga fuli kana'alo Yuta bona'i li nupa hite mono kaga lu keheli fa keheli hilata nehana noha'anigu tiloto Yuta bona'i hiti to Giliki bona'i hiti Yesu Hu'mamofihi lusi pana'a huto hu'ehibe, luto kaga lu epi'ehina.

Aposolo 18:4 Referans Kwoze

2 Koliti 5:11

Sipi Bomo lelesa nolinogo nohuta ni'ibe. Yamofihi keheli'ohutoti bona'magihi enegekesa lito ka lamana'a keheli emilo lu epilata nohune. Hu'mau ai hapati asaga'i bu golata nohibe. To lenali ana suhi hite hapa'ni ya'ma komopatinitu kehelilata nehafihe luto nokehelube.

Aposolo 28:23

To enali kana mone melelete ana kana'alo babu bona'i ete Polu nohina nonugu li nupa hi'ahana. Etehi hapi fito Polu kaga hapa hapa'a lu epiba lu epiba huto nohigo buto yege limi foloto sinihi gi'ehina. To ai ana huto Hu'mamofihi Kapo'amu kaga'a le'mo bati huto lu epi'ehina. To ai kaga koyapa'i lu huto huse bomagi hiti to Moseu hiti fayahi keye'ahanamofihi lu yege ho epi'ehina. To ya'ma kaga'atu enele'mo amuya moloto komopa'ani li keta mehuse hinogo Yesutoga komopa'ani emite minalabe luto lu'ehina yabe.

Aposolo 17:17

Ya higo kaga lu keheli fa keheli hilata nehana mono nonugu tiloto Yuta bona'i hiti to fegutoga bona'i luga'a Hu'mamofitoga komopa'ani emite minelata nehana bona'i hiti kenasabo bilata hu'ehina. To asaga yupahi babu boana'i hepa'i folagaha'agu limo gehesa hite minete kaga lu keheli fa keheli hilata hanalo Polu kaga lu epilata hu'ehina yabe.

Aposolo 26:28

Ya ligo Agilipau ma luto Poluhi lu emi'ehina: Yatai hupamone kana'asilo nani'i Kilisitohi bo nele'mo lolo hilube luto kai nokehelipihe?

Aposolo 19:26

Ma bo Polu nohinanamofihi hapa'a lenalitini lenubutu be gelete akehelilata nehabe. Ai silaga bona'i Efeso maga asaga'i nehana hiti to asaga Esia kegi'a bu baga iloto ma luto lu epilata nohibe: Bona'magi enayatu ana'ina meha'a lolo hite komopa'ani emilata nehanaya faga faga suhi nehabe luto lu epilata nohibe.

Aposolo 19:8

Polu Yuta bona'magi mone kaga lu keheli fa keheli hilata nehana nonugu tiloto amuya moloto ka lamana'a lu epito ikahi loebe monebe mino'ehina. Ai enali hiti kenasabo bi enohoto Hu'mamofihi Kapo'alo bilabe luto amuya kaga lu epi'ehina yabe.

Aposolo 18:13

Lali keya katiuba o'e lu'ehinagu kaga ya'ma bouba ma hepato asaga bona'i Hu'mamofihi kaga'a fato'i noenelepito enali'i kefefe suhi nohibe.

Aposolo 17:11

Enali Yuta bona'i Belia hepalugu enegekesa hokolo nehanamagi hetofana hite koyone hi'ahana. To luga'a Yuta bona'i Tesalonika nehanamagi suhi lite memine'ahana. Enali Belia bona'magi ka'atiti keheli bati hite laga'ani epesigo asaga yupahi mono buku'ani hiti lite e'ehite Polugo Silasiugo faga lila'ifi ma'naka lila'ifi lite leka so bati hite bu golata hi'ahana.

Aposolo 13:14

Enali Pega hepa'i he'milete kapo melete Atioki hepato Pisitia kegi'a bi'ahana. Ya hilete fuli yupahi kana'alo Yuta bona'magi mono nonuga tite mine'ahana.

Luku 16:31

ai: O'e luto, enali koyapa koyo'ehina kagamo mekehelise nehanagi to ana huto fili'ehina bo moneuba fili'ehinagati ho tito buto kaga lu epinogomo ka'a ana hite mekehelilana'mu komopa'ani ule'ale hite minalabe, lu emi'ehina. Yesu ya luto lu'ehina kilihe'i yabe.

Luku 4:16

Yesu Nasalete bu'ehina. Koyapa'i ai yagapana'i nohuto ya'mana hepato nohuto hofa toto olopa hu'ehina. To ai fuli kanagu asaga hulata nohina'a hapa'a huto mono nonugu Hu'mamofihi ka'a lu epilube'mu ti'ehina.

Yoni 7:35

Ya ligo Yuta bomagi ai loka hago ai loka hago hite ma lite li'ahana: Ai hiya'aga bu'ehinogo lali sa sa hilutaga'mu nolibe? Giliki nogo nehana metoga Yuta bo nehite Giliki bona'magihi hepato buto mono kaga enelepito bilube'mu nolifihe?

Aposolo 9:20

Soliu mono nohi ni'inaga bu bebe soloto Yesu kumu ma luto lu epi'ehina: Yesu ai Hu'mamofihi Pana'a nohibe.

Aposolo 14:1

To Ikoniu hepato etali ana suhi aku'i hi'aha'ina. Polugo Banabasiugo Yuta bona'magi li gehesa hilata nehana nonugu tilete ka lu yege he'aha'ina. Etali kaga amuya'a hiti le'mo bati hite lu epi'igo yege yege Yuta bona'i hiti to fegutoga bona'magi hiti ana kaga komopa'ani lu mele'ahana.

Aposolo 18:19

Enali Efeso hepalugu henetilete Pilisilanogo Akuilanogo he'mi etoto'ehina. Ya huloto Yuta bona'magi li nupa lite mono kaga beto hilata nehana nonugu ai tiloto Yuta bona'i hiti kaga lu keheli fa keheli hi'ahana.