Aposolo 18:12 - Ka Lamana'a Monoꞌi Lu Mu Tifiꞌehina Ka Yabe

¹² Ya nohigo alihi Galiohi Lomu gamani bo Gilisi melugu le'mo ho tigo minana kana'alo Yuta bona'i li nupa hite ho tilete Poluhi yato lite ka foya le'mo melelete ma li'ahana:

Aposolo 18:12 Referans Kwoze

Aposolo 18:27

Alihi Apolosiu Gilisi metoga bilube'mu nohigo Efeso Yesuhi agoya hu emi'ahana bona'magi he'mete fayahi mone Gilisi hepalugu minela bona'anitoga Apolosihi ya hepatoga be tigite le'mo bati hilo lite fayahi gete emi'ahana. Apolosiu ana hepatoga nehetiloto luga'a bona'i Hu'mau enele'mo koyone huloto komopa'ani aitoga emite minalanana ai'a epi'ehina. Enali Hu'mau enehe'mo'ehina bona'i ya'ma Yesutoga komopa'ani emi'ahanamagi Apolosiu kaba hu epoloto hetofana huto enehe'mo'ehina.

Aposolo 13:50

To Yuta bona'magi fegutoga ana'i enikibinamagi Hu'mamofihi ka kehelilata nehana hiti to hepalugu olopa bona'i hiti enekesa li baga ilete Polunogo Banabasinogo enegene mane hite etele'mo hepa'aniguti fegutoga mele'ahana.

Aposolo 13:7

Ana nagamilugu ti'ehina metoga gamani bo mone mino'ehina gi'a Segiu Polasi ekesagu fe lina bomofihi lalu'afu yabe. To ya'ma gamani bouba Soliugo Banabasiugo Hu'mamofihi kaga'a li'inogo kehelilube luto kehe i etimi'ehina.

2 Koliti 11:10

Kilisitohi ka lamana'a komopa'nigu ni'igo lama'naka nolube. Ana suhi hulata nohuna nugufa le'mo napa huto hu tegi huto noluna kapo henana'mu Akaiya kapotiniguti mone fi hekini melalana'mu yabe.

2 Koliti 9:2

Ana foya'mu komopatini topa nohago keheliloto lenigitini li ho tito lenali hapatini'mu Masetonia bonatoga ma luto lu epi'ohube: Hu'mamofihi agoya hu emise bona'i Akaiya hepatoga nehanamagi tafa kufugu mele'isi le'mo bati hilete kefahi huto hulata nohina kapo'a li huto hi'ahanamofihi ka'a ya'ma Masetonia bona'i lu noepugo bona'i luga'amagi enali amuya melete katini kehelilete ana foya'mu enipagu keta mehuse hu'ehina.

2 Koliti 1:1

Poluita nani Yesu Kilisitohi aposolo nele'mo ho ti'ehinamofita to bo mone lalalutifu hiti moneka nohutoti'a Koliti hepatoga Hu'mamofihi bona'a to Giliki melugu mine'ahana'a hiti asaga'i mineme bite ete hi'ahana lenali fayahi ya'ma koyo nolepito ma luto nolube.

1 Koliti 16:15

To nalalu'nigitabe, mone lu lepilugi kehelilo. Lenali Setefanasi to lalameha'a enali kumu ya'ma lite keheli'ahabe: Enali Akaiya hepatogati kohe tete Hu'mamofihi ka kehelilete komopa'ani li gelehe hite Kilisitotoga keheli emi'ahana. To Hu'mamofihi bona'a enalitoga kele kele foya minalune lite lilete lilata nehabe.

Romu 15:26

Enali Yelusale hepatoga Hu'mamofihi bona'a mone'amagi enumuhi meni'ina nehago Masetonia hepato bona'magi hiti to Akaiya hepato bona'magi hiti li kehelite mone efaha'ani li nupa hite nimigo nani ana efahi lito Yesusale hepatoga bilube'mu hube.

Aposolo 25:10

Ya luto loka hago Polu ka'alo nona'a lu emi'ehina: Nani nifisa ise hepa'i ni'inalo sipi Lomu gamani bomofihi bulo maga ho ti'ohube. To nani Yuta bonatoga nani foipana mone li huto mehu'ohunaya kaika akeheli bati hu'ahana.

Aposolo 17:13

Ya hago alihi Tesalonika Yuta bona'magi Polu ya huto Hu'mamofihi ka'a Belia bona'i lu noepibe lana'a keheli'ahana. Ya hilete enali ana hepatoga bite boana'i faga faga lube epibe hite enegekesagu lu pisili bite enele'mo negi nagi ne'ahana.

Aposolo 14:19

Ya nehago Atioki hepatoti Pisitia kegi'ati to Ikoniu hepatogati hiti Yuta bona'i luga'a ete babu boana'i kaga lu epigo enalitoga melelago Poluhi efa kosatu i fililete kefefe hite ya'ma nohi hepatogati fegutoga afili'ehibe lite le'mo he'mi'ahana yabe.

Aposolo 14:2

To ya hana Yuta bona'magi ana kaga komopa'anigu li memolose minanamagi fegutoga bona'i luga'a faga lu nelepibe lite enalitoga enele'mo melelete Yesutoga komopa'ani emite minana bona'i enipakafa hete faga faga nelabe lite ka epeki'ahana.

Matiu 27:19

Ya luto luloto Pailatiu ka foya nonugu kaba huto nominago liha'auba koko pana'aloga ma luto kaga malago ete lu emi'ahana: Kai foipana'a menina bomofihi gufalo ana'ina mone li huto mehubo. Nani yatai folugu'i ana hetofa bomofihi bamu'i bati mehina'a bu goloto'ni ai kumu nugufa'nigu sipi keta nebesi'ehibe.

Yemesi 2:6

Lenali salafa'amagi bu enogo he'milata nehanagi. To hiya huse bona'magi lenele'mo sibina hite ka foyagu lenele'me melelata nehabe? Enali fe'noha'ani hiti bona'magi yabe.

Romu 16:5

To etali noha'atitigu Kilisitohi naga'magi li nupa hilata nehana, nehafihe luto ya lu epilo. To nalalu'nifu sipi nebesise bo, Epanetusi nohapihe luto nolunagi lu emilo. Asaga Esia melugu bona'magi Kilisitohi keheli ule'ale huto nehana, ai kohe toto Kilisitohi kehelito yata'a huto hu'ehina bo yabe.

Aposolo 17:5

Ya hago Yuta bona'i luga'amagi enogolagu higo enipakafa helete enumuhi meni'igo kegeiyo neminana bona'i enele'mo nupa hi'ahana. Enali nonugu nonugu tauniga tilete limilete hite ete bo mone Yesonihi nohi li bego hite Polugo Silasiugo ana nonugu neha'ifi meneha'ifi lite libe tele bibe hite nehi'inogomo etele'mo fegutoto bona'magi enubulo etele'mo malalune lite yabe.

Aposolo 13:12

Ya higo gamani bouba anana huto hina bu goloto topa holoto Sipi Bomofihi kaga enelepinamofihi komopa'agu li molo'ehina yabe.

Yoni 19:13

Ya nelago Pailatiu kaga'ani kehelito Yesuhi fegutoga le'moto limito kagamofihi loko hilata hepato mone kefa hisalo mino'ehina. Anaga babu efa mele'ahanalo Hibulu kaluguti Gabata yabe nelana yalo mino'ehina.

Aposolo 13:8

Ya hina Elimasi nalisalo bo fato fato suhi lumofihi lumofihi li huto nohigo Giliki nogoguti Elimasio lite lu gelehe hi'ahana ya'ma bouba etali'i etele'mo melugu mololata hu'ehina. Ya nohuto ya'ma gamani bomofihi etali ka kehelito komopakagu li memolobo luto Elimasiu ya luloto ekesa bi'ehina yabe.

Aposolo 18:11

Ya luto lu emigo Polu Hu'mamofihi mono ka'a ana hepato enelepito minoto kufu mone yagi ikahi nayahi mone kegi'a su hoto mone kegi'a nayatogati mone heleko malago huto su hago mino'ehina yabe.

Aposolo 19:21

Alihi anana huto hu su holago Polu kapo moloto Masetonia kegi'a buto Gilisi melugu nehetiloto yagati he'mito Yelusale bilube luto ekesa keheli'ehina. Ya'ma melugu bu baga iloto'ni ana huto alihi Lomu kegi'a bilube luto lu'ehina.

2 Koliti 11:26

To kana babu luto yatama kapo buba buba humofa'na huto nohugo ko'uba nagami'uba hago filise suhi huto mino'ohuna yanamofihi gupisalo tito mino'ohunamo ni'ibe. To lubalo gumina bona'magi kofohi nemalago buto kapo molo'ohunamo ni'ibe. Yuta bona'i nani hepato bona'magi to fegutoga bona'magi nohose'na hite nehago folagaha'anigu mino baga ito mino'ohunamo ni'ibe. Sipi hepatoga buto bona'magi li gehesa hite nahalune'mu nehago mino baga ito mino'ohunamo ni'ibe. To fa'mene ka me'i ni'ina metoga hiti foya yupa kopa humofa'na huto filise'na huto mino'ohunamo ni'ibe. Hege nagamilugu ya'ma folose supofihi legegeto to mono ka faga hiti lilata nehana bona'nimagihi folagaha'anigu mino baga ito bula ola nohunamo ni'ibe.

1 Tesalonika 2:14

Lalalutigita, Hu'mamofihi yagapana'a Yuta melugu Yesu Kilisitotoga bite i ke'me'ahana enali hiti lenali hiti moneko'i lolo hite nehabe. Enalitoga huto hu'ehina suhi ana huto lenalitoga huto hu'ehina yabe. Enali bona'animagi enele'mo sibina hi'ahana ni'igo to ana hite lenali bonatini luga'amagi kalana'i mele lepelete ya hi'ahana yabe.

1 Tesalonika 2:16

Ya nehite lali fegutoga bona'i ka lamana'a lu yege hoto lu epinogo enubuto bi lalabe lite ya'ma Yuta bona'magi kapo fi hekini lalutagi lite luba ka lu limilata hi'ahana. Enali ya hiba hiba hago enali foipanamofihi gupilo melenogo kolo kolo huto tito minago yatai Hu'mamofihi ita bigo ya nasanamofihi luba'a mone enalitoga neheti'ehina yabe.