Aposolo 18:10 - Ka Lamana'a Monoꞌi Lu Mu Tifiꞌehina Ka Yabe

¹⁰ Nani kai hiti nohunagi bo moneuba kai'i mekahalina'mu yabe. Bona'i ma hepalugu babu lite nehana nani bona'ni nehabe.

Aposolo 18:10 Referans Kwoze

2 Koliti 12:9

Buka tugo ka'a ma luto lu nimi'ehina: Nani felisa'niuba kai amuya memalalata'mu yamofihi babu luto kimito kele'mo bati hulata nohibe. Nani kehe'mose nani'niuba kaitoga i bilito buto ni'inogo ana'ina mone kumu buka tilata'a meni'ibe luto lu nimi'ehina. Ya hu'ehina'mu Kilisitohi amuya'auba nani'i nele'mo amuya malalibe luto lapa mebi'ohuna yana'muko le'mo hofa toto noluto'ni negelo'ni bilata nohunagihe.

Matiu 28:20

To asaga nani lu lepi'ohuna ka lenali bite lu enelepinogo kehelite liyafa hite mege'i malalabe. To lenali kehelilo. Nani lenali hiti asaga yupahi moneka nohinogoti ma me'i su halina kanagu hiti lenali aku'i minaluta'mu yabe.

Romu 8:31

Ya'ma asaga'na hu leto'ehinamofihi hapa'a henana ni'ibe? Hu'mau to lali hiti nominenogomo kiyi'afu loho fi talina bo nohibe?

Yoni 10:16

To fato fato sipisipi yaga'ni mana bihugu menehana'a enali'i sa sa huloto enele'moto oto li nupa hu epalalube. Enali nogo'ni kehelite ete li nupa hite to kaba bo'ani moneko'isi nohigo moneko'na hite minalune'mu habe.

2 Timoti 4:22

Sipi Bouba kaitoga meha'a hiti minalibe. To Hu'mamofitogati lehe'mose'na lenalitoga mino moloto mineno.

Matiu 10:30

To lenali'iya latahatinigu nina okatiniya aleka so su ho'ehibe.

Aposolo 15:18

Ya'mana kaga koyapa'i Sipi Bouba ai'a lu hokolo hu'ehina kaga yatai hiti ai'a nolibe.

Luku 21:18

Ya hu'ehina Hu'mamofihi bulo okatiniguti moneko'isi mone fenene mehilina'mu yabe.

2 Timoti 4:17

Sipi Bouba mehi nimito nele'mo hetofa hu netoto ka lamana'a lu yege hoto lu epito lu su halane luto to fegutoga bona'magi keheli baga ilabe luto lufusa'ni amuya molo neto'ehina. To lubanamofihi bagaguti Sipi Bouba nubuto bito gulu ho neto'ehina yabe.

Matiu 1:23

Yafana'uba yagapana hiti huloto pana'i ketoto gi'a Emanueli luto malalina'mu yabe. Ya'mana gi'amofihi hapa'aya ma luto ni'ibe: Hu'ma lali hiti nominabe.

Aposolo 15:14

Hu'mau yata'a yupahi fegutoga limito enali folagaha'aniguti ai'a bona luga'a enele'mo'ehinamofihi kaga'a Simoniu alu lepi'ehibe.

Aposolo 18:9

Mone folugu'i Poluhi bamu'i hu bulo mololoto Sipi Bouba ma luto lu emi'ehina: Kai koli mehuse kaga lu hokolo huto lu epibo. Kai kosele'i nahabe luto kabaga hekini loloto meminobo.

Aposolo 18:11

Ya luto lu emigo Polu Hu'mamofihi mono ka'a ana hepato enelepito minoto kufu mone yagi ikahi nayahi mone kegi'a su hoto mone kegi'a nayatogati mone heleko malago huto su hago mino'ehina yabe.