Aposolo 17:7 - Ka Lamana'a Monoꞌi Lu Mu Tifiꞌehina Ka Yabe

⁷ To Yesoniu ya'mana bo noha'aluga enele'moto bu'ehinamagi Sisahi kaga'a ligofa helata nehite ma lite lilata nehana yabe: Kibina bo fato mone nohina gi'a Yesu yabe.

Aposolo 17:7 Referans Kwoze

Luku 23:2

Enali hapi fite ka foya li etelete ma lite li'ahana: Lali ya'ma bo bu gota ai nagatimagihi hapa'ani le'mo fato fato suhi hu'ehibe. Ai takisi sipi Lomu bo ya'ma Sisatoga mehe'milo luto laga hu letalina kaga nolina bo yabe. To ai Mesia'ita gihiti bo nohube luto lulata nohina.

Aposolo 16:21

To lali Lomu bona'magita lotiuba mege'i memalalo luto o'e lu'ehina kaga etali lu epimofa'na neha'ibe. Lali Lomu bona'i nohutago etali kaga'atiti mekeheliluta'mu yabe.

Yoni 19:12

Yesu ya noligo Pailatiu kehelito ekesa yigi yigi huto koli gofana hu'ehina. Ai ekesa kehelito gulu ho etalina'mu aku Yuta bona'magi hekele lite lu emi'ahana: Kai gulu ho etoletogo ya'ma sipi gihiti bo, Sisau, Lomu hepato nomina bo ai hiti kalalukale'i meneha'ibe. Bona'i moneuba nani sipi gihiti bo nohube lilina ya'ma Sisahi fateha'a lolo nohibe, lite li'ahana.

1 Pita 2:15

Lenali ya hilata nehana lamana'a lolo hilana yauba enabagalo hekini nolago lenali kumu negi nagi ka lilata nehana enabaga enele'mo fu li epalalabe luto ligo Hu'mau keheli molo'ehina.

Luku 10:38

Yesu koko panana'a hiti kapo melete bilete hepa'i moneto nehetigo a'i mone gi'a, Mata yabe, luto nohina a'uba Yesuhi noha'aluga le'moto bu'ehina yabe.

Aposolo 17:5

Ya hago Yuta bona'i luga'amagi enogolagu higo enipakafa helete enumuhi meni'igo kegeiyo neminana bona'i enele'mo nupa hi'ahana. Enali nonugu nonugu tauniga tilete limilete hite ete bo mone Yesonihi nohi li bego hite Polugo Silasiugo ana nonugu neha'ifi meneha'ifi lite libe tele bibe hite nehi'inogomo etele'mo fegutoto bona'magi enubulo etele'mo malalune lite yabe.

Aposolo 17:8

Ya nelago asaga boana'i hiti to gamani bo hiti ana kaga kehelilete topa hete kehe sipi sipi i'ahana.

Yemesi 2:25

To ana suhi huto koyapa'i ya'ma kapolo a'i, Lehapu ai Hu'mamofi kumu yabe luto kaga mege'i molo'ehinalo Hu'mau nubulo bati a'i nohibe luto lu'ehina. Yosuagi to bona'amagi gelehe hite me'i kosaba'i bu galabe luto enoho lifinogo Lehapu nohinaga elago ai'a Hu'mamofihi naga'i nehabe luto enele'mo nonugu moloto bona'magi bu enegete enehe lalabe luto fato kapogu enoho lifi malago bi'ahana yabe.