Aposolo 17:12 - Ka Lamana'a Monoꞌi Lu Mu Tifiꞌehina Ka Yabe

¹² Ya hilete babu boana'i etali ka'atiti komopa'anigu li pili kago to babu enigihiti Giliki ana'i to bona'i babu lite enali hiti ana hite ana kaga komopa'anigu li pili koto hi'ahana.

Aposolo 17:12 Referans Kwoze

Efeso 5:14

Yamofihi mono ka mone ma huto ni'inamo ni'ibe: Lenubu'i ke'ahana bona'i lenali ho tilo. Fili'ahanaguti aho tilo. Kilisitou ya'ma fi besa lo lepalalube'mu hibe.

Aposolo 13:50

To Yuta bona'magi fegutoga ana'i enikibinamagi Hu'mamofihi ka kehelilata nehana hiti to hepalugu olopa bona'i hiti enekesa li baga ilete Polunogo Banabasinogo enegene mane hite etele'mo hepa'aniguti fegutoga mele'ahana.

1 Koliti 1:26

Nalalu'nigitabe. Hu'mau lali hena legita bona'i elesa molo lepi'ehinamo ni'ibe? Beto hite kehelilo. Asaga bona'magihi lenali kumu hetofa kehelise'na'ani hiti keheli fe lite mine'ahana'a babu lite nehabe lite nelafiye? O'e ya menelabe. To amuya bona'i lenalitoga babu lite nehabe lite nelafi? Ya menelabe. To ana huto lenigi hite nehana'amagihi lenalitogati babu lite nehabe lite nelafi? Ya menelabe.

Aposolo 14:1

To Ikoniu hepato etali ana suhi aku'i hi'aha'ina. Polugo Banabasiugo Yuta bona'magi li gehesa hilata nehana nonugu tilete ka lu yege he'aha'ina. Etali kaga amuya'a hiti le'mo bati hite lu epi'igo yege yege Yuta bona'i hiti to fegutoga bona'magi hiti ana kaga komopa'ani lu mele'ahana.

Yemesi 1:21

Komopati filise'na to foipa nasana lilata'na yamofihi asaga'i he'mite Hu'mamofihi kaga'a komopatinigu molo'ehinamofihi li pili kete lilo. Hu'mamofihi kaga'auba lenubuto bilina nasana ni'ibe. Aimo agoya hi emilo.

Yemesi 1:10

To yogo fe'nohatini hiti bona'i lenali fe'no kumu mekeheli'ahana yana'mu lenegelo bite minalo. Fe'noho bona'magi kifina haya'a uya'i loto i helili huto limo noina suhi hite limo ilana'mu yabe.

Aposolo 13:46

Ya nelago Polugo Banabasiugo ule'ale hilete ma lite kaga li'aha'ina: Ma'naka luto lenali Yuta bona'magita Hu'mamofihi ka'a kohe toto lu nolepu'ibe. Ya hu'ina lenali Hu'mamofihi ka'a keheli he'minana to lenali minoba minoba hepa'mofihi nasana'mu melebesibe lite lago le'ali he'mi lepoloto fegutoga bonatoga nobu'ibe.

Yoni 7:17

To bo moneuba Hu'mamofihi baga'a liyafa huto mege'i malalube'mu nani lu yege nohona kagamofihi hapa'a keheli bebe salina'mu yabe. Hu'mamofihi kaga'a nolufi to nani'ni komopa'niguti tina kaga nolufi ai'a keheli sepa ilina'mu yabe.

Maki 15:43

Alimatia naga'i nohina bo, gi'a Yosefe, ai olopa mono kanisole bo nohuto, ai Hu'mamofihi kapo'a alina kana geba huto minolata nohina bo nohuto, ai lesa'a meligo buto Pailatihi nohinaga tito: Yesuhi gufa'a li nimilapiye, luto loka ho'ehibe.

Aposolo 2:47

Asaga yupahi utehi etehi Hu'mamofihi gi'a li saga hite minelata hago asaga boana'magi enugufagu bati hu'ehina yabe. To asaga yupahi Sipi Bouba boana'i luga'a enubuto bito enali folagaha'anigu molo emilata higo boana'i babu lu'ehina yabe.