Aposolo 16:9 - Ka Lamana'a Monoꞌi Lu Mu Tifiꞌehina Ka Yabe

⁹ To ana folugu'i Masetonia bouba ma luto kehe noigo Polu bamu'i bu go'ehina: Kai hege nagamilugu igofa hoto Masetonia bona'i oto lehe'mobo.

Aposolo 16:9 Referans Kwoze

Aposolo 19:21

Alihi anana huto hu su holago Polu kapo moloto Masetonia kegi'a buto Gilisi melugu nehetiloto yagati he'mito Yelusale bilube luto ekesa keheli'ehina. Ya'ma melugu bu baga iloto'ni ana huto alihi Lomu kegi'a bilube luto lu'ehina.

Aposolo 18:5

Alihi Silasiugo Timotiugo Masetonia hepa'i he'mite ai nohinalo limi'igo asaga yupahi Polu mono kaga lu epiba lu epiba huto nohuto ma luto Yuta bona'i lu epi'ehina: Yesu ma'naka luto Hu'mau le'mo ho ti'ehina bo nohibe.

Romu 15:26

Enali Yelusale hepatoga Hu'mamofihi bona'a mone'amagi enumuhi meni'ina nehago Masetonia hepato bona'magi hiti to Akaiya hepato bona'magi hiti li kehelite mone efaha'ani li nupa hite nimigo nani ana efahi lito Yesusale hepatoga bilube'mu hube.

Aposolo 20:1

To ya'ma kaga limito fililago Polu Yesuhi kaga kehelise bona'i kehe igo ago kaga luto enele'mo laga huto'a enebe tigito enalitogati he'mito bu'ehina. Ai Masetonia kapogu buto ana melugu neheti'ehina.

1 Tesalonika 4:10

Lenali ya'ma Yesuhi bona'a Masetonia metoga noto noto'i nehana bona'magihi asaga'i enele'mo bati hilata nehanaya aku'i hofa toto napa hilibe luto lenegekesa lito lu nolepune.

2 Koliti 12:7

Sipi Bomofitogati ana'ina kosaba'i bu goto moloto hu'ohunamofitoga komopa'ni ti lalibe luto nugufa meme'agu ema ufeha'a hiti nasana monetu fi'ehinamofihi Satahi kele kele pana'a moneuba ai komopa'nitu kehelinogo ti lalibe luto nayaha'ni nalapihe luto lu'ehinamo ni'ibe.

2 Koliti 11:9

To lenalitoga nohuto ana'ina mone kumu sa huto buto mone lu melepi'ohunamo ni'ibe. Nani'ni sa sa huto humofa'na nohugo Masetonia hepatogati nalalu'nigi nehetite ana'ina nimite li nabaga melelata hi'ahana. To lenalitoga ya'ma fa'mene nohuto keta'a hiti nasana mone ligo mefi lepolo'ohunamo ni'ibe. To mino lito tito aku'i ligo mefi lepalalube luto nolube.

2 Koliti 9:2

Ana foya'mu komopatini topa nohago keheliloto lenigitini li ho tito lenali hapatini'mu Masetonia bonatoga ma luto lu epi'ohube: Hu'mamofihi agoya hu emise bona'i Akaiya hepatoga nehanamagi tafa kufugu mele'isi le'mo bati hilete kefahi huto hulata nohina kapo'a li huto hi'ahanamofihi ka'a ya'ma Masetonia bona'i lu noepugo bona'i luga'amagi enali amuya melete katini kehelilete ana foya'mu enipagu keta mehuse hu'ehina.

2 Koliti 8:1

Nalalu'nigita, Masetonia hepatoga agoya hi emise bonatoga Hu'mamofihi he'mose'nauba lamana'a lu huto hu'ehina yamofihi lu lepilube.

2 Koliti 7:5

Masetonia kapogu oto neheti'ohuta mone'a labasu mebune. Ya nohigo kalana'i melete lugufamofihi luba'a hilata to komopatimofihi lelesa luse'na yanauba luga luga huto huloto lele'mo loe lae huto mino'ohutamo ni'ibe.

Aposolo 20:3

Ana kapogu ikahi loebe monebe minoto to alihi botigu tito Silia melugu bilube luto nohigo Yuta bona'magi ai kumu boga lite nehago Polu kehelito i behe huto Masetonia kapogu aku'i bilube luto bu'ehina.

Aposolo 10:30

Ya ligo Koniliasiu ka'alo nona'a lu'ehina: Ya'ma kanalo utehi noligo ologo noha'nigu minoto nunumu hu'ohuna yabe. Ya nohugo gulu gulu gukete hekolose bo mone nubuloga oto ho ti'ehina.

Aposolo 10:3

Utehi yege liyofo nohigo bamu'i bu go'ehina. Ai ana bamulugu Hu'mamofihi agelouba nonugu tito ma luto lu'ehina: Koniliasio.

Aposolo 9:38

To Lita hepa'i Yopa hepa lebato mino'ehina. Ya hu'ehigo enali Yesutoga komopa'ani melete neminana bona'magi Pitau ya huto Yopa hepatoga noabe lana'a kehelilete bo loemaletoga kaga ma lite melete etoho lifi'ahana: Ke, kai hololu luto mele'isi lalitoga obo.

Aposolo 16:10

Polu ya huto bamu'i abu golago lali mele'isi Masetonia biluta kapo'mu sa sa hu'ohuta. Hena'mugope Masetonia bonatoga ka lamana'a lu yege halo luto Hu'mau lali'i kehe noibe lutoti lu keheli'ohuta.

Aposolo 16:12

To lali ya'mana hepa'i he'miloto Filipai hepalugu heneti'ohuta. Ana hepa'mo koyapa'i Lomu gamaniuba mino'ehina Masetonia kegi'alugu tauni ya'ma sipinamo fato hepa'i be ligi'ehina hepa'i yabe. Lali luga'a kana ya'mana hepato mino'ohuta yabe.

Aposolo 19:22

Ya luto ekesa akeheliloto Timotiu yagi to Elasatu yagi etali ai'i he'mete lili'na neli'ina bole Polu etoho lifigo Masetonia melugu neba'igo ai'a Esia melugu nesi'a kana mino'ehina.

Aposolo 19:29

Ya hite, kehe napa neigo silaga bona'i ana hepatoti ho ti baga ite kehe napa ilago bila ela hite Poluhi lalu'afugo hiti kapo melete moneka nebana bole Gaiyasi hiti Alisitaka hiti Masetonia kegi'ati etayato lite hololu lite tutuma'i melete nehanalo bi'ahana.

Aposolo 27:2

Boti mone Esia hege nagamilugu bilube'mu Atalamiti hepatoti nohinagu lali buto tiloto nobuto anagu Alisitaka, Tesalonika metogati Masetonia hepato bo nohigo moneka bu'ohuta yabe.