Aposolo 16:2 - Ka Lamana'a Monoꞌi Lu Mu Tifiꞌehina Ka Yabe

² Asaga Hu'mamofihi naga'amagi Lisitala hepalugu hiti to Ikoniu hepalugu hiti Timoti kumu hetofa pana'i yabe lite fokehi lilata nehana pana'i yabe li'ahana.

Aposolo 16:2 Referans Kwoze

2 Timoti 3:15

Kai pana'i lagaso'a minoto guna molose mono bukugu lataha'agu leka solito buto mino'ahata ni'ibe. To ana kagauba kegekesa le'mo hokolo huloto Yesu Kilisito kumu keheli amuya malalane, luto Hu'mau kubuto bilina'amofihi kapogu kelepito kele'mo hetofa higo ka'a akeheli'ahane.

1 Timoti 5:10

Ai ya suhi huto lito moloto hu'ehina nasana bona'magi enali keheli'ahanamo ni'ifihe? Yagapana'a ketoto bati huto kaba hu epoloto komopa'a epi'ehinamo ni'ifihe? To aitoga bonoho bona'i e'ahago kaba hu bati hu epolo'ehinafihe? To ai'a limito minoto Hu'mamofihi yagapana'a luga'a enele'mo bati hu'ehinamo ni'ifihe? Ai bona'i ketanauba sibina hu epolo'ehina'amagihi enele'mo bati hu'ehinamo ni'ifihe? To bona'i mehi epito ya suhi ma suhi hu epolo'ehinamo hapa'a loka mika hu etetogo ana suko huto ni'inogomo gi'a fayahi pepagu kayalane.

Hibulu 11:2

Mono bona'i koyapa'i minete ho tite hi'ahanamagi keheli ule'ale hite minelata hi'ahana'a yamofihi Hu'mau bu enagago laga hulata hu'ehina yabe.

2 Timoti 3:11

To keheli'ahataya Atioki hepatoga hiti Ikoniu hepatoga to Lisitala hepatoga hiti sipi kalana'i fato fato'mofihi mele netago keke'i luse'namofihi komopa'agu mino'ohunamo ya nohugo nemege'i moloto nooto bu nogo'ahatamo ni'ibe. Ya huto mino'ohunamo ni'inaya Sipi Bouba ananaguti gulu ho netoto nubuto bi'ehina yabe.

1 Timoti 3:7

To fegutoga bona'i Hu'mamofihi ka mekeheli'ahanamagi enali ana bomofihi hapa'a kehelite hetofa bo nohibe lite lilata nehana yamofihi ai babafi lolo hilibe. Hena'mube? Hapa'a bati menohibe lite nekehelina bomo ai Satahi fi taga hu etolenogo kelefu'agu holenogo ai kumu fakupa ka linogo buya hu lalibe luto yabe.

Aposolo 16:40

Ya hago Polugo Silasiugo naga nonuguti fegutoga limilete Litiaha nonuga bi'aha'ina. Analo Hu'mamofitoga komopa'ani emite minana bona'i Hu'mamofitoga amuya melete komopatini aitogago emite minalo lite amuya kaga lu epilete he'mi epelete bi'aha'ina yabe.

Aposolo 14:21

Polugo Banabasiugo ka lamana'a Tebe hepatoga lu yege ha'igo babu bona'i luga'amagi etali kaga keheli bati hilete etemege'i mele'ahana. Ya hilete i behe hite Lisitala hepato bilete yaloti Ikoniu to yaloti Atioki hepato Pisitia kegi'a bi'aha'ina.

Aposolo 13:51

Ya hago etali etigigusagu su'atiti kisite mumusopa i tili hilete Ikoniu hepatoga bi'aha'ina.

Aposolo 6:3

Nigibo nagabose. Lenali nayahi mone kegi'a su hago mone kegi'ati loemo heleko melenogo lenali folagahatiniguti enele'mo ho tilo. Enalitoga Sikalafu'uba bai tago kaga keheli bati hi'ahago boana'magi enali kumuko nelilana bo yabe. Ya hilete ya'mana bo enele'mo melenogo ya'mana lili'na kaba hite lilabe.

1 Timoti 5:25

Ana suhi huto lamana'a bona'i luga'amagihi enehe'mose'na'ani to hetofa foya'ani hiti ahuto hulata nohibe. Mone'a suguna'i fala kito foya nolina mino lito buto ya'ma bu megalutamo ni'ibe. Aliha'a huto hu etalina'mu yabe. Yana'mu yata'a geba hutoka to enali hapa'ani keheli fe luloto yalo lataha'anilo kayahi moloto Hu'mamofihi lili'nalo enele'mo malalane.

Aposolo 1:15

Nunumu hite minana kana'a nesi'a babu luto enebe ligilago mone yupahi 120 bona'i li nupa hite minago Pitau ho tiloto ma luto lu epi'ehina:

Aposolo 14:1

To Ikoniu hepato etali ana suhi aku'i hi'aha'ina. Polugo Banabasiugo Yuta bona'magi li gehesa hilata nehana nonugu tilete ka lu yege he'aha'ina. Etali kaga amuya'a hiti le'mo bati hite lu epi'igo yege yege Yuta bona'i hiti to fegutoga bona'magi hiti ana kaga komopa'ani lu mele'ahana.

Aposolo 14:6

Ya lite lana kaga etali akehelilete ana hepa'i he'mite koli hite i minigite bite Likonia kegi'a loe tauni Lisitala hepa'i hiti to Tebe hepa'i asaga lagaso meso hepa'i ana loe tauni lebato ni'inalo bula ola hite mine'aha'ina.

Filipai 2:22

Timotiu ai minoto lito nohinamofihi hapa'a bati hu'ehigo akeheli'ahanamo ni'ibe. Ai pana'i moneuba afo'afi he'malata suhi luto ka lamana'amofihi foya'a nehe'moto li'ehina yabe.