Aposolo 16:12 - Ka Lamana'a Monoꞌi Lu Mu Tifiꞌehina Ka Yabe

¹² To lali ya'mana hepa'i he'miloto Filipai hepalugu heneti'ohuta. Ana hepa'mo koyapa'i Lomu gamaniuba mino'ehina Masetonia kegi'alugu tauni ya'ma sipinamo fato hepa'i be ligi'ehina hepa'i yabe. Lali luga'a kana ya'mana hepato mino'ohuta yabe.

Aposolo 16:12 Referans Kwoze

1 Tesalonika 2:2

To Filipai hepatoga lele'mo sibina to huli ka lu limite hilata hi'ahago yalo lenali Tesalonika bona'magita bu'ohuta akeheli'ahabe. Ya hi'ahanaya to bona'i luga'amagihi luba limilune'mu nehago Hu'mau lukesa fi hetofa hu leto'ehigo babahi huto nohuto lenalitoga Hu'mamofihi ka lamana'a lu huto huto lu lepi'ohuta.

Filipai 1:1

Nani Poluita to Timoti hiti moneka nohutoti'a Yesu Kilisitohi lili'na bona'a nohu'ibe. Lenali hepatoga bona'i Yesu Kilisitohi keheli emite mine'ahana bona'ise. Nehafihe? To Hu'mamofihi yagapana'i lolo hi'ahana bona'i to mono kaba bona'i to babafi bona'i lenalise. Nani fayahi ya'ma koyo nolepube.

Aposolo 20:6

To lali ya'ma fuli yupahi beleti nose'na yisititu lolo mehise nenana ya'ma su hago lali Filipai hepatogati botigu tito buto 5 yegegu bu'ehigo lali Toloasi hepatoga nehetiloto anaga enali nehanalo li nupa hutoti 7 yegegu mino'ohune.

Aposolo 16:21

To lali Lomu bona'magita lotiuba mege'i memalalo luto o'e lu'ehina kaga etali lu epimofa'na neha'ibe. Lali Lomu bona'i nohutago etali kaga'atiti mekeheliluta'mu yabe.

Aposolo 16:9

To ana folugu'i Masetonia bouba ma luto kehe noigo Polu bamu'i bu go'ehina: Kai hege nagamilugu igofa hoto Masetonia bona'i oto lehe'mobo.

Aposolo 16:10

Polu ya huto bamu'i abu golago lali mele'isi Masetonia biluta kapo'mu sa sa hu'ohuta. Hena'mugope Masetonia bonatoga ka lamana'a lu yege halo luto Hu'mau lali'i kehe noibe lutoti lu keheli'ohuta.

Aposolo 18:5

Alihi Silasiugo Timotiugo Masetonia hepa'i he'mite ai nohinalo limi'igo asaga yupahi Polu mono kaga lu epiba lu epiba huto nohuto ma luto Yuta bona'i lu epi'ehina: Yesu ma'naka luto Hu'mau le'mo ho ti'ehina bo nohibe.

Aposolo 19:21

Alihi anana huto hu su holago Polu kapo moloto Masetonia kegi'a buto Gilisi melugu nehetiloto yagati he'mito Yelusale bilube luto ekesa keheli'ehina. Ya'ma melugu bu baga iloto'ni ana huto alihi Lomu kegi'a bilube luto lu'ehina.

Aposolo 19:29

Ya hite, kehe napa neigo silaga bona'i ana hepatoti ho ti baga ite kehe napa ilago bila ela hite Poluhi lalu'afugo hiti kapo melete moneka nebana bole Gaiyasi hiti Alisitaka hiti Masetonia kegi'ati etayato lite hololu lite tutuma'i melete nehanalo bi'ahana.

Aposolo 20:1

To ya'ma kaga limito fililago Polu Yesuhi kaga kehelise bona'i kehe igo ago kaga luto enele'mo laga huto'a enebe tigito enalitogati he'mito bu'ehina. Ai Masetonia kapogu buto ana melugu neheti'ehina.

Aposolo 20:3

Ana kapogu ikahi loebe monebe minoto to alihi botigu tito Silia melugu bilube luto nohigo Yuta bona'magi ai kumu boga lite nehago Polu kehelito i behe huto Masetonia kapogu aku'i bilube luto bu'ehina.

Aposolo 27:2

Boti mone Esia hege nagamilugu bilube'mu Atalamiti hepatoti nohinagu lali buto tiloto nobuto anagu Alisitaka, Tesalonika metogati Masetonia hepato bo nohigo moneka bu'ohuta yabe.

Romu 15:26

Enali Yelusale hepatoga Hu'mamofihi bona'a mone'amagi enumuhi meni'ina nehago Masetonia hepato bona'magi hiti to Akaiya hepato bona'magi hiti li kehelite mone efaha'ani li nupa hite nimigo nani ana efahi lito Yesusale hepatoga bilube'mu hube.