Aposolo 16:11 - Ka Lamana'a Monoꞌi Lu Mu Tifiꞌehina Ka Yabe

¹¹ To lali Toloasiti he'mito boti monelugu tilenogo ana botiuba lele'moto buto Samotalase aelanigu tiloto o'ehina. To eteha'a lele'moto Niapolisi bu'ehina yabe.

Aposolo 16:11 Referans Kwoze

Aposolo 21:1

To lali ana bona'i enebe tigito he'mi epoloto botigu tito buto buto fu lu'ehina kapo molototi Kosu metoga neheti'ohune. To etehi anagati he'mito buto Lote metoga nehetito anagati buto Patala metoga neheti'ohune.

Aposolo 16:8

Ya higo enali Misia kegi'a be ligite Toloasi hepatoga limi'ahana.

Aposolo 20:5

Enali kohe tete bite Toloasi hepatoga legeba hite mine'ahana.

2 Koliti 2:12

Nani Kilisitohi ka lamana'a lu yege halube luto Toloasi hepatoga nonehetugo Hu'mau ai'a kapo li hokolo hu netago keheliloto'ni bo mone nalalu'nifu Taitasiu ai meago yabe luto sa sa huloto'ni negekesa loe lae higo ana hepato bona'magi nayahi epito he'mi epoloto Masetonia kapoga buto sa hilube luto bu'ohuna yabe.

2 Timoti 4:13

Alube'mu nohutokamo ya'ma yasi koli bilata nohuna gu'i ya'ma Toloasi hepatoga Kapasihi ai nonugu sigito molo'ohunamo li netoto obo. To mono lataha'a buku'nimo hiti to pepa haya'a hiti mone molo'ohunamo hiti li netoto obo.