Aposolo 15:6 - Ka Lamana'a Monoꞌi Lu Mu Tifiꞌehina Ka Yabe

⁶ Ya'mana ya lite lago aposolo bona'i hiti to olopa bona'i hiti ana kagamofihi keheli keheli hilete lu monetoga malalune lite li nupa hi'ahana.

Aposolo 15:6 Referans Kwoze

Hibulu 13:17

Kaba botinimagihi ka'ani kehelite agoya hu epite enali enigi'aluga limite minalo. Enali ya'ma lenemehatinimofihi nasana'mu kehelite babeyafalo kaba hi lepelete le'mo fu lite neminete enabasu mebilata nehabe. Ya'ma foya'animofihi hapa'amu alihi kanalo ya'ma foya lilatana Hu'mamofihi bulo li huto hilana'mu yabe. Ya hu'ehina'mu foya'ani komopa'a le'mo bati hite lilabe linogomo agoya hi epelete ya suhi ma suhi li epalalo. To lenali pelesa ilenogomo enali keke'i nelite foya lilabe. Ya hinogo ya'ma lenele'mo bati hilina nasana lenalitoga huto mehilina'mu yabe.

Hibulu 13:7

Yata'a kaba botini Hu'mamofihi ka'a lu lepilata hi'ahana enali kumu beto hite minalabe. Ya nehite mono'mofihi kapo'alo nebite fili'ahana'a enali enigiyaka'a bu goya ite minete enalitoga enemege'i melete keheli ule'ale hise'namofihi komopa'agu ya hite minelete lenekesa kehelilo.

Aposolo 15:25

Ya'mu luto lali kaga lu monetoga mololototi folagahatiguti lalalutile'i loemo etele'mo ho tiloto lenalitoga kaga lite bila'ibe luto Polunogo Banabasinogo lebesina bole lalalutigihi hiti moneka enoho lufunogo ba'ibe.

Aposolo 21:18

Kolototi etehi Polu hiti Yemesiu nohinaga bu'ohune. To mono bona'i olopa enali hiti analo mine'ahana.

Aposolo 15:4

To enali Yelusale hepato henetigo Yesuhi kaga kehelise bona'magi hite aposolo bona'i hiti to olopa bona'magi etebe tigi'ahana. Ya hago etalitoga Hu'mau etoto'ehinamofihi hapa hapa'a lu epi'aha'ina yabe.

Aposolo 6:2

Ya lago 12 aposolo bomagi luga'a boana'i enemege'i malana kehe i nupa hilete ma lite lu epi'ahana: Lali Hu'mamofihi kaga'a lu epise'na he'miloto boana'magi nose'na guna ito epimofa'na hiluta bati mehilina'mu yabe.

Matiu 18:20

To bo loefi to loegi monegifi nani nigi'nimu enekesa kehelilete moneko hepato li nupa hite minalana ya'mana hepato nani folagaha'anigu enali hiti minaluna'mu yabe.

Aposolo 11:30

Ya hilete Banabasinogo Solinogo ana efa etimigo Atioki lite bite mono olopa bona'i epi'aha'ina yabe.

Aposolo 15:2

Ya hago etali Polugo Banabasiugo etubufaluga ya hanana'mu lite logo bigo ana bona'i hiti kenasabo bite enogolagagu fibu fibu hi'ahana. Ya hilete enali Polunogo Banabasinogo hiti to luga'a bona'i etalitoga malana hiti Yelusale hepato tite aposolo bona'i hiti to olopa bona'i hiti nehanalo kaga lu bebe salabe lite enoho lifi'ahana yabe.

Aposolo 15:22

To aposolo bona'i hiti to olopa bona'i hiti asaga mono bona'i hiti kaga lu monetoga melelete enali bo luga'a folagaha'aniguti enele'mo ho tinogo Atioki hepato Polunogo Banabasinogo hiti enoho lifinogo bilabe lite keheli'ahana. Ya hilete enali Yutasihi fato gi'a Basabasiu yabe lite gi helata nehana bo hiti to Silasi hiti etele'mo ho ti'ahana. Ya'mana bole asaga bona'magi bati bo neha'ibe lite lilata nehana bole yabe.

Aposolo 16:4

Enali kapo melete tauniga nebite koyapa'i Yelusale hepatoti olopa bona'magi hiti aposolo bomagi hiti lu epi'ahana kaga Hu'mamofitoga komopa'ani mele'ahana bona'i lu epime lu epime nebite ya'mana kaga lenali mege'i melete minalo lite lu epi'ahana yabe.