Aposolo 15:5 - Ka Lamana'a Monoꞌi Lu Mu Tifiꞌehina Ka Yabe

⁵ To Felosi naga'i mone'amagi Yesuhi agoya hu emilata enali ho tite ma lite li'ahana: Ya'ma fegutoga bona'i enali enugufa'ani laga hilenogo Mosehi keya ka'a lu epinogo mege'i malalabe lite li'ahana yabe.

Aposolo 15:5 Referans Kwoze

Aposolo 15:1

Bona'i luga'amagi Yutia kegi'ati ete Atioki henetilete Yesuhi kaga'a kehelise bona'a kaga ma lite enelepi'ahana: Lenali Mosehi keya ka lu'ehina'a hite mege'i melete lenugufa laga mehilana lenugufatini li lenubuto mebilana'mu yabe, lite ya'ma kaga'ani lu epite hapi fi'ahana.

Aposolo 21:20

Enali asaga'i ya'ma kehelilete Hu'mamofihi fokehi li'ahabe. To Poluhi kaga ma lu emi'ahabe: Lalalutiga, kehelibo. Ya'ma Yuta bona'magi samahi tite Yesuhi naga'i lolo hi'ahabe. To enali koyapa keya kamu'i amuya melete ule'ale hite mege'i melelata nehabe.

Aposolo 15:24

Bo luga'a lali folagahatiguti lenalitoga bite kaga fato fato'i lu lepigo lenali'i keta lepesi'ehina lali akeheli'ohune. To lali ya'ma kaga bite lu epilo luto enoho melifi'ohune.

Aposolo 24:5

Lali ya'ma bo bu gota ai kegeiyo bo nohibe. Ai asaga kapoga hepato hepato Yuta bona'i hiti kenasabo bi enohomofa'na huto ka noepekina bo nohibe. To ai Nasalene naga'mofihi kaba bo'a nohibe.

Matiu 3:7

Yoniu Felosi bona'i to Satusi bona'i babu lite nagami'i folo letalane lite ago bu enogoloto ma luto lu epi'ehina: Lenali foipa osifa'mofihi yagapana'a, kuyu'afu lu lepigo Hu'mamofihi italuga logo bise'na alihi huto hilube'mu nohina koli falalune'mu nehabe luto ka epeki'ehina yabe.

Aposolo 5:17

To ya higo mono sipi kaba bo hiti to asaga bona'a hiti moneka mine'ahana to enali Satusi naga'magi hiti enali asaga'i enipakafa sipi he'ahana. Enali enegekesa kehelilete naga epilune lite lu keheli'ahana.

Aposolo 24:14

Ya hu'ehina ya'mana ka nani lu huto huto lu kimilube. Enali faga lite nifisa neina Kapolo mege'i moloto'ni tatatigi Hu'ma'anifu agoya hu noemuna yabe. To nani ana huto Mosehi keya kagu ge'ahana hiti to kaga lu yege holata bomagi bukugu ge'ahana kaga hiti silaga'na keheli mana nohuna yabe.

Aposolo 28:22

Ya hu'ehina kai kabagakaguti lu hokolo huto lu limilata kaga lali kehelilune. Hena'mugope asaga boana'magi enabagaguti kehelutamo ya hite ya'ma naga'magi loko hite fato nehabe lite kaga foipa'a lana'asigo nokeheluta yabe.

1 Koliti 7:18

Bona'i luga'amagi Hu'mamofihi keya'a enugufa laga hi epele'ahago Sipi Bouba elesa molo epinogo o henetilanamagi ana huto ana keya'i ya'ma Yuta bona'i enali li mehe'milabe. To bona'i luga'amagi enugufalo Hu'mamofihi keya'i meni'ilinamagihi Sipi Bouba elesa molo epinogo o henetilanamagi ana keya'a kumu ya'ma fegutoga bona'i enali buka metilabe.

Galesia 2:11

To Pitau ai Atioki hepatoga olago ai mone bati mehina suhi huto higo nani bu go bati huloto li gehesa nehago asaga bona'magihi bulo ka emeki'ohuna yabe.

Galesia 2:14

Ya hite minete ka lamana'amofihi kapogu fotogo hite mebago bu enogoloto'ni ya'ma bona'i luga'a enali enogobisalo ya'ma Pitahi ya luto lu emi'ohuna: Kai ya'ma Yuta bomo nohataya Yuta bona'i lolo huto moloto yanagu mebane. Fegutoga bona'i enali lolo hite melete nehananagu nobane. To kai henabe luto ya'ma fegutoga bona'i enali Yuta bona'i lolo hite melelete nehananagu bilabe luto lu laga hu'ahana? Ya bati mehu'ehibe luto ka emeki'ohuna yabe.