Aposolo 15:21 - Ka Lamana'a Monoꞌi Lu Mu Tifiꞌehina Ka Yabe

²¹ To asaga nohi hepato bo mone minola minola hi'ehite asaga fuli kanagu Yuta bona'i li gehesa hite kaga lu keheli fa keheli nehana nonugu Mosehi keya ka'a leka so epilata to ana ka'a lu yege holata asaga nohi hepato nehanamoya lali ya'ma akeheli'ohune luto Yemesiu lu'ehina yabe.

Aposolo 15:21 Referans Kwoze

Aposolo 13:15

Mono noto kanisole bomagi Moseu li'ehina keya ka hiti to kaga lu huto hulata bomagi fayahi ge'ahanana hiti leka selete alihi kaga ma lite Polu hiti lalu'agi hiti lu epi'ahana: Nogonamu tamu'ise, boana'magi komopa'ani li amuya malalana kaga lite e'ehitemo lenali lu hokolo hite lu epilanamo ni'ibe.

Aposolo 13:27

Enali Yelusale bona'magi hiti kaba bona'amagi hiti Yesu ai lele'mo lubuto bilina bo nohibe lite mekehelila to kaga lu yege holata bomagi asaga fuli yupahi leka selata hana kaga hiti keheliya mei'ahana yabe. Enali Yesuhi faga lite fisa inauba kaga lu yege hose bona'mofihi kaga'aniuba pa so'ehina yabe.

Luku 4:16

Yesu Nasalete bu'ehina. Koyapa'i ai yagapana'i nohuto ya'mana hepato nohuto hofa toto olopa hu'ehina. To ai fuli kanagu asaga hulata nohina'a hapa'a huto mono nonugu Hu'mamofihi ka'a lu epilube'mu ti'ehina.

Luku 16:29

Ya ligo, Abalahau ka'alo nona'a lu emi'ehina: Henabe luto ho lifilube luto, mono buku ni'ibe. Moseu koyo'ehina ka hiti, to Hu'mamofihi ka lu huto hulata bona'mo keye'ahana ka hiti ni'ina yabe. Ana kaga kehelilana'mu yabe, ligo