Aposolo 15:11 - Ka Lamana'a Monoꞌi Lu Mu Tifiꞌehina Ka Yabe

¹¹ Ya hu'ehina lali ma luto komopati emilata nohune: Ya'mana bona'i foipana'ani li he'mi epoloto ai'aloto enele'mo molo'ehina'a huto Sipi Bo Yesu lali'i ginaga fi limi'ehina'mu luto Hu'mau aku'i lele'mo'ehibe luto Pitau lu'ehina yabe.

Aposolo 15:11 Referans Kwoze

Romu 3:24

To Hu'mau ai pana'a Yesu Kilisito kumu lele'mo bati hu'ehina yalo nona'a emilutana'a meni'ibe. Ai fa'mene lele'mo bati huto foipanamofihi nagaluguti gulu fo leto'ehibe.

Taitasi 2:11

Yana'mu luto Hu'mau silaga bona'i enubuto bilube luto ya suhi huto lehe'malata nohinamofihi ali huto hu'ehibe.

Galesia 2:16

yama luto kehelilata nohune. Moseu keya ka lu'ehina ya ema keheliya iloto foya'a lelito buto minenogoti foipanati su halina'a meni'ibe. Yesu Kilisito kumu yabe luto keheli ule'ale huto foipanati meminenogo komopatigu le'mo bati hu'ehinogo minalune'mu hune. Ya luto keheliloto keya ka lu'ehina ka'amofihi foya'a lito buto minenogo foipanati meminenogo minalune luto Yesu Kilisito kumu keheli emi'ohune. Keya ka lu'ehina kamofihi mege'i melelata nehanaya Hu'mau enele'mo lamana hilina'a ya'ma meni'ibe.

2 Koliti 8:9

Lenali Sipi Boti Yesu Kilisitohi lehe'mose'namofihi akehelilata nehanamo ni'ibe. Ai sekele mamu'amofihi afo'afu lenali kumu yabe luto muhi meni'ina bo lolo hu'ehina yamofihi lenali anatu mono'mofihi yogo fe'noho suhi hilabe luto ya suhi hu'ehinagi nani ya'ma lu nolepugo lenali giyaka lite ana hite bilabe.

1 Koliti 16:23

Sipi Boti Yesu lehe'mose'na lenalitoga mino moloto mineno.

Romu 6:23

Foipanauba ai'a koko pana'magihi lili'nalo nona'a epilata nohinaya filise'na yabe. To Hu'mau fa'mene limilinamofihi ya mino kosaba huse'i ni'ibe. Ya'manamofihi Sipi Boti Yesu Kilisito hiti lele'mo hepito moneko'na liluta'mu yabe.

Romu 5:15

To etali moneko babeyafa bomale'i meneha'ibe. Hu'mau foipanati he'mi letoto lehe'malina hapa'auba Atahi foipana be ligi'ehina. Ya'ma bo Atau, foipana lilata hu'ehina ya'mu babu bona'i foipana lite fili'ahana. Aku'i Hu'mamofihi lehe'mose'nauba ya'ma foipanamofihi hapa'a abe ligi'ehina yabe. Ai bo'a moneko'isi nohina lalitoga fa'mene limi'ehina ana bo Yesu Kilisito yabe. Ai'a lehe'mose'nauba bona'magita lele'mo bati hu'ehina yabe.

Galesia 1:6

Lenali ya'ma Kilisitohi lehe'mose nasanagu molo emilabe luto elesa molo epi'ehina bomofitoga mino hepi bati hite meminese lenemegesa hi emilete fato monolugu ya'ma bite lenegekesa melete kehelilata nehabe. Nani ya'mu ya'ma nehana'amu topa hoto oho luto nolu lepolobe.

Huto Hilina Ka 5:9

Nama kosaba'i mone ma lite li'ahana: Kai bati bo nohatagi kelebe gi'ahana pepamo lito naga'i gulu foto li paka salata babeyafa huto nohane. Kai kahago filito kai golahakatu bona'i asagatoga fato fato bona'i to fato fato enonogo hiti to fato fato enugufa hiti to fato fato metoga bona'i mina fito enele'mo fato fato huto Hu'ma nohinaga enele'mo molo'ahatamo ni'ibe.