Aposolo 14:6 - Ka Lamana'a Monoꞌi Lu Mu Tifiꞌehina Ka Yabe

⁶ Ya lite lana kaga etali akehelilete ana hepa'i he'mite koli hite i minigite bite Likonia kegi'a loe tauni Lisitala hepa'i hiti to Tebe hepa'i asaga lagaso meso hepa'i ana loe tauni lebato ni'inalo bula ola hite mine'aha'ina.

Aposolo 14:6 Referans Kwoze

2 Timoti 3:11

To keheli'ahataya Atioki hepatoga hiti Ikoniu hepatoga to Lisitala hepatoga hiti sipi kalana'i fato fato'mofihi mele netago keke'i luse'namofihi komopa'agu mino'ohunamo ya nohugo nemege'i moloto nooto bu nogo'ahatamo ni'ibe. Ya huto mino'ohunamo ni'inaya Sipi Bouba ananaguti gulu ho netoto nubuto bi'ehina yabe.

Matiu 10:23

To mone hepatoti lenehenogomo lenali ana hepa'i he'mite hololu lite fato hepatoga bilo. Nani ma'naka luto lu nolepube. Lenali asaga Isilaeli hepalugu bite lili'na li baga mei'ehinogo nani aku'i aluna'mu yabe, luto Yesu lu epi'ehina yabe.

Aposolo 9:24

Ya hago Soliu ana kaga'ani akeheli'ehina yabe. Enali Yuta bona'magi ute etehi Solihi ho fililune lite hepato kapo nila nila hu'ehinalo gimi gi baga ilata hi'ahana yabe.

Aposolo 14:8

Lisitala hepalugu bo mone gigusa luga luga sibina loto fili'ehina ito'afu keto'ehigo kapo memolose minolata hu'ehina.

Aposolo 14:11

To ya higo babu boana'magi Polu li huto hu'ehinana bu gelete enali Likonia nogo'aniguti sipi kehe ilago bila ela hite ma lite li'ahana: Kilihe bona'mo suhi hite lolo hite yatai lalitoga limi'aha'ibe.

Aposolo 15:36

Alihi nesi'a kana minelete Polu Banabasihi ma luto lu emi'ehina: Le'ali koyapa'i Sipi Bomofihi kaga'a lu yege ho epi'ohu'ina bona'i le'alaluti'agi nehana hepatoga buto enebe tigimofa'na hilu'ibe. Ya hulototi'a enali bati hite nehafi to hena hite nehafi bu enagalu'ibe.

Aposolo 20:4

To ai hiti bi'ahana bona'i Belia hepato bomo, gi'a Sopata, Pilasihi pana'a, ai yagi to Tesalonika hepato bona'i loemo, etigi'atiti Alisitaka yagi Sekatasiu yagi to Tebe hepato bo mone gi'a Gaiyasi hiti to Esia meto bona'i loebe monebe enigi'ani Timotiu yagi Tikiku yagi Tolofimu yagi enaligo yabe.