Aposolo 14:5 - Ka Lamana'a Monoꞌi Lu Mu Tifiꞌehina Ka Yabe

⁵ Ya'mu lite fegutoga bona'i hiti to Yuta bona'i hiti kaba bo'ani hiti mino kelele lilete Polunogo Banabasinogo etele'mo sibina huloto efa kosatu i fililune lite lu keheli'ahana.

Aposolo 14:5 Referans Kwoze

Aposolo 14:19

Ya nehago Atioki hepatoti Pisitia kegi'ati to Ikoniu hepatogati hiti Yuta bona'i luga'a ete babu boana'i kaga lu epigo enalitoga melelago Poluhi efa kosatu i fililete kefefe hite ya'ma nohi hepatogati fegutoga afili'ehibe lite le'mo he'mi'ahana yabe.

2 Timoti 3:11

To keheli'ahataya Atioki hepatoga hiti Ikoniu hepatoga to Lisitala hepatoga hiti sipi kalana'i fato fato'mofihi mele netago keke'i luse'namofihi komopa'agu mino'ohunamo ya nohugo nemege'i moloto nooto bu nogo'ahatamo ni'ibe. Ya huto mino'ohunamo ni'inaya Sipi Bouba ananaguti gulu ho netoto nubuto bi'ehina yabe.

Aposolo 17:5

Ya hago Yuta bona'i luga'amagi enogolagu higo enipakafa helete enumuhi meni'igo kegeiyo neminana bona'i enele'mo nupa hi'ahana. Enali nonugu nonugu tauniga tilete limilete hite ete bo mone Yesonihi nohi li bego hite Polugo Silasiugo ana nonugu neha'ifi meneha'ifi lite libe tele bibe hite nehi'inogomo etele'mo fegutoto bona'magi enubulo etele'mo malalune lite yabe.

Luku 6:28

To lenele'mo sibina hilune'mu huli ka lu lepilana bona'i bebe sana ka lu neepite ana hite ka lu sibina hi ketalana bona'i enehe'moto numuna hu epolobo.

Matiu 5:44

Ya hu'ehina nani yatai aku'i lu nolepube. Fatehatini enele'mo bati nehite to lenali'i lenele'mo bati mehilana bonatoga nunumu Hu'mamofitoga hu epelenogo ai enehe'malibe.

Aposolo 13:45

Ya hago Yuta bona'magi babu boana'i li gehesa hana bu gelete siko hilete enipakafa he'ahana. Ya hilete Polu kaga nolina kaga'a li sibi hite fagalo bo nohatagi kaga meluse analo he'mibo lite bunepa i'ahana.

Aposolo 13:50

To Yuta bona'magi fegutoga ana'i enikibinamagi Hu'mamofihi ka kehelilata nehana hiti to hepalugu olopa bona'i hiti enekesa li baga ilete Polunogo Banabasinogo enegene mane hite etele'mo hepa'aniguti fegutoga mele'ahana.

Aposolo 14:2

To ya hana Yuta bona'magi ana kaga komopa'anigu li memolose minanamagi fegutoga bona'i luga'a faga lu nelepibe lite enalitoga enele'mo melelete Yesutoga komopa'ani emite minana bona'i enipakafa hete faga faga nelabe lite ka epeki'ahana.

Aposolo 14:4

To ya'ma hepato boana'i loko hilete luga'amagi Yuta bona'magi hiti komopa'ani monetoga melete minago to luga'a bona'i Polunogo Banabasinogo etalitoga melete komopa'ani monetoga melete mine'ahana yabe.

2 Koliti 11:26

To kana babu luto yatama kapo buba buba humofa'na huto nohugo ko'uba nagami'uba hago filise suhi huto mino'ohuna yanamofihi gupisalo tito mino'ohunamo ni'ibe. To lubalo gumina bona'magi kofohi nemalago buto kapo molo'ohunamo ni'ibe. Yuta bona'i nani hepato bona'magi to fegutoga bona'magi nohose'na hite nehago folagaha'anigu mino baga ito mino'ohunamo ni'ibe. Sipi hepatoga buto bona'magi li gehesa hite nahalune'mu nehago mino baga ito mino'ohunamo ni'ibe. To fa'mene ka me'i ni'ina metoga hiti foya yupa kopa humofa'na huto filise'na huto mino'ohunamo ni'ibe. Hege nagamilugu ya'ma folose supofihi legegeto to mono ka faga hiti lilata nehana bona'nimagihi folagaha'anigu mino baga ito bula ola nohunamo ni'ibe.

1 Tesalonika 2:2

To Filipai hepatoga lele'mo sibina to huli ka lu limite hilata hi'ahago yalo lenali Tesalonika bona'magita bu'ohuta akeheli'ahabe. Ya hi'ahanaya to bona'i luga'amagihi luba limilune'mu nehago Hu'mau lukesa fi hetofa hu leto'ehigo babahi huto nohuto lenalitoga Hu'mamofihi ka lamana'a lu huto huto lu lepi'ohuta.

1 Tesalonika 2:14

Lalalutigita, Hu'mamofihi yagapana'a Yuta melugu Yesu Kilisitotoga bite i ke'me'ahana enali hiti lenali hiti moneko'i lolo hite nehabe. Enalitoga huto hu'ehina suhi ana huto lenalitoga huto hu'ehina yabe. Enali bona'animagi enele'mo sibina hi'ahana ni'igo to ana hite lenali bonatini luga'amagi kalana'i mele lepelete ya hi'ahana yabe.

1 Tesalonika 2:16

Ya nehite lali fegutoga bona'i ka lamana'a lu yege hoto lu epinogo enubuto bi lalabe lite ya'ma Yuta bona'magi kapo fi hekini lalutagi lite luba ka lu limilata hi'ahana. Enali ya hiba hiba hago enali foipanamofihi gupilo melenogo kolo kolo huto tito minago yatai Hu'mamofihi ita bigo ya nasanamofihi luba'a mone enalitoga neheti'ehina yabe.