Aposolo 14:4 - Ka Lamana'a Monoꞌi Lu Mu Tifiꞌehina Ka Yabe

⁴ To ya'ma hepato boana'i loko hilete luga'amagi Yuta bona'magi hiti komopa'ani monetoga melete minago to luga'a bona'i Polunogo Banabasinogo etalitoga melete komopa'ani monetoga melete mine'ahana yabe.

Aposolo 14:4 Referans Kwoze

Aposolo 28:24

Luga'a bona'magi ya luto lu epina kaga keheli komopa'anigu nemalago to luga'amagi keheliya kalesa hi'ahana yabe.

Aposolo 19:9

Ya lina kaga luga'a bona'magi keheli komopa'anigu memelelete silaga boana'magi enubugu Sipi Bomofihi Kapo'a lu sibina hi'ahana yabe. Ya lago Polu nohe'mi epoloto pana'alobo'a enele'moto buto asaga yupahi Tilanuhi ka enelepilata nonugu tito kaga lulata hu'ehina yabe.

Aposolo 14:14

Ya hilune'mu nehago Banabasiugo Polugo ana kaga kehelilete gukete'atiti hegege nehite etali ana boana'magi folagaha'anigu hololu lite bite ma lite kehe i'aha'ina.

1 Koliti 9:5

Aposolo luga'a enali to Sipi Bomofihi gonamu tamu'a hiti to Pita enali ana'i yagapana'ani hiti mono foyalo bilata nehago nose'na epilata nehabe. To lali ana suko huto lihati hiti mono foya lilutamoya nose'nati menimilana yamofihi bati hilifihe? Bati mehilibe.

Aposolo 13:2

Ya hite, enali komopa'ani Sipi Bomofitoga emite nunumu nama lite nose'na mo site nehago Sikalafu'uba oto ma luto lu epi'ehina: Lenali Banabasinogo Solinogo etele'mo ho tinogo nani lu etoto'ohuna lili'nalo bila'ibe.

Yoni 7:43

Ya lite Yesu kumu lilete ana bona'i minanamagi loko hi'ahana yabe.

Luku 2:34

Simioniu lusa gi etimito ma luto pana'mofihi ito'afitogo Malia lu emi'ehina: Kehelibo. Ma pana'i ai babu Isilaeli bona'i luga'a enele'mo melugu malalina'mu yabe. To ai ana huto babu bona'i luga'a enele'mo ho tilina'mu yabe. To ai Hu'mamofitogati mone babeyafa'a legi huto huto minalina'mu yabe. Analo'i babu bona'magi ka sibina'a li etalana'mu yabe.

Aposolo 13:45

Ya hago Yuta bona'magi babu boana'i li gehesa hana bu gelete siko hilete enipakafa he'ahana. Ya hilete Polu kaga nolina kaga'a li sibi hite fagalo bo nohatagi kaga meluse analo he'mibo lite bunepa i'ahana.

Aposolo 13:50

To Yuta bona'magi fegutoga ana'i enikibinamagi Hu'mamofihi ka kehelilata nehana hiti to hepalugu olopa bona'i hiti enekesa li baga ilete Polunogo Banabasinogo enegene mane hite etele'mo hepa'aniguti fegutoga mele'ahana.

Aposolo 14:2

To ya hana Yuta bona'magi ana kaga komopa'anigu li memolose minanamagi fegutoga bona'i luga'a faga lu nelepibe lite enalitoga enele'mo melelete Yesutoga komopa'ani emite minana bona'i enipakafa hete faga faga nelabe lite ka epeki'ahana.

Aposolo 14:5

Ya'mu lite fegutoga bona'i hiti to Yuta bona'i hiti kaba bo'ani hiti mino kelele lilete Polunogo Banabasinogo etele'mo sibina huloto efa kosatu i fililune lite lu keheli'ahana.

Aposolo 14:19

Ya nehago Atioki hepatoti Pisitia kegi'ati to Ikoniu hepatogati hiti Yuta bona'i luga'a ete babu boana'i kaga lu epigo enalitoga melelago Poluhi efa kosatu i fililete kefefe hite ya'ma nohi hepatogati fegutoga afili'ehibe lite le'mo he'mi'ahana yabe.

1 Tesalonika 2:14

Lalalutigita, Hu'mamofihi yagapana'a Yuta melugu Yesu Kilisitotoga bite i ke'me'ahana enali hiti lenali hiti moneko'i lolo hite nehabe. Enalitoga huto hu'ehina suhi ana huto lenalitoga huto hu'ehina yabe. Enali bona'animagi enele'mo sibina hi'ahana ni'igo to ana hite lenali bonatini luga'amagi kalana'i mele lepelete ya hi'ahana yabe.