Aposolo 14:2 - Ka Lamana'a Monoꞌi Lu Mu Tifiꞌehina Ka Yabe

² To ya hana Yuta bona'magi ana kaga komopa'anigu li memolose minanamagi fegutoga bona'i luga'a faga lu nelepibe lite enalitoga enele'mo melelete Yesutoga komopa'ani emite minana bona'i enipakafa hete faga faga nelabe lite ka epeki'ahana.

Aposolo 14:2 Referans Kwoze

Aposolo 13:50

To Yuta bona'magi fegutoga ana'i enikibinamagi Hu'mamofihi ka kehelilata nehana hiti to hepalugu olopa bona'i hiti enekesa li baga ilete Polunogo Banabasinogo enegene mane hite etele'mo hepa'aniguti fegutoga mele'ahana.

Aposolo 17:5

Ya hago Yuta bona'i luga'amagi enogolagu higo enipakafa helete enumuhi meni'igo kegeiyo neminana bona'i enele'mo nupa hi'ahana. Enali nonugu nonugu tauniga tilete limilete hite ete bo mone Yesonihi nohi li bego hite Polugo Silasiugo ana nonugu neha'ifi meneha'ifi lite libe tele bibe hite nehi'inogomo etele'mo fegutoto bona'magi enubulo etele'mo malalune lite yabe.

Aposolo 14:19

Ya nehago Atioki hepatoti Pisitia kegi'ati to Ikoniu hepatogati hiti Yuta bona'i luga'a ete babu boana'i kaga lu epigo enalitoga melelago Poluhi efa kosatu i fililete kefefe hite ya'ma nohi hepatogati fegutoga afili'ehibe lite le'mo he'mi'ahana yabe.

Aposolo 13:45

Ya hago Yuta bona'magi babu boana'i li gehesa hana bu gelete siko hilete enipakafa he'ahana. Ya hilete Polu kaga nolina kaga'a li sibi hite fagalo bo nohatagi kaga meluse analo he'mibo lite bunepa i'ahana.

Aposolo 17:13

Ya hago alihi Tesalonika Yuta bona'magi Polu ya huto Hu'mamofihi ka'a Belia bona'i lu noepibe lana'a keheli'ahana. Ya hilete enali ana hepatoga bite boana'i faga faga lube epibe hite enegekesagu lu pisili bite enele'mo negi nagi ne'ahana.

Aposolo 18:12

Ya nohigo alihi Galiohi Lomu gamani bo Gilisi melugu le'mo ho tigo minana kana'alo Yuta bona'i li nupa hite ho tilete Poluhi yato lite ka foya le'mo melelete ma li'ahana:

Yoni 3:36

Bo moneuba Hu'mamofihi Pana'a komopa'a emito gi'a liyafa hilina bati huto minoba minoba hilina'mu yabe. To bo moneuba Hu'mamofihi Pana'a kaga'a keheli meemilina to mege'i memalalina ya'ma Hu'mau hima muhi fi etenogo minoba minoba hepa'i melilina'mu yabe.

Aposolo 1:15

Nunumu hite minana kana'a nesi'a babu luto enebe ligilago mone yupahi 120 bona'i li nupa hite minago Pitau ho tiloto ma luto lu epi'ehina:

Aposolo 14:4

To ya'ma hepato boana'i loko hilete luga'amagi Yuta bona'magi hiti komopa'ani monetoga melete minago to luga'a bona'i Polunogo Banabasinogo etalitoga melete komopa'ani monetoga melete mine'ahana yabe.

Aposolo 14:5

Ya'mu lite fegutoga bona'i hiti to Yuta bona'i hiti kaba bo'ani hiti mino kelele lilete Polunogo Banabasinogo etele'mo sibina huloto efa kosatu i fililune lite lu keheli'ahana.

1 Tesalonika 2:14

Lalalutigita, Hu'mamofihi yagapana'a Yuta melugu Yesu Kilisitotoga bite i ke'me'ahana enali hiti lenali hiti moneko'i lolo hite nehabe. Enalitoga huto hu'ehina suhi ana huto lenalitoga huto hu'ehina yabe. Enali bona'animagi enele'mo sibina hi'ahana ni'igo to ana hite lenali bonatini luga'amagi kalana'i mele lepelete ya hi'ahana yabe.