Aposolo 14:16 - Ka Lamana'a Monoꞌi Lu Mu Tifiꞌehina Ka Yabe

¹⁶ To ma'naka luto koyapa'i Hu'mau asaga boana'i enemeha'anilo he'mi epalago bila ela hite fato fato'i mine'ahana.

Aposolo 14:16 Referans Kwoze

Aposolo 17:30

Koyapa'i kaga keheli bati mehuse kanagu yatai kana'alo li huto nehanamofihi li huto nehanamofihi li huto hilata hi'ahana Hu'mau bu go he'mi'ehina yabe. To yatai ai asaga bona'i ma luto lu noepibe: Lenali foipana li huto nehana he'mi su helete komopatini i gelehe hilo.

1 Pita 4:3

Afetoga ema kanagu Hu'mamofihi mekeheli'ahana bona'magi enali laga'a kehelite ana'ina lilata nehana suhi hite lenali mine'ahana yabe. Ya'mu mine'ahana yauba kosele'i melepoho'ehina. Lenali mokolo hise nasana hiti ana'mu lenegekesa yigi yigi hite minete ekesa nagami'i nelete negi ne'ahana yabe. Ya nehite nagami'i nose'namofihi lenegelo nebite ya'mu li nupa hite minete silaga'namu lenegelo nebite laga mehina suhi hite lenegelo bi'ahana yabe. Lugefa bu gete lipite ibe ligi abe ligi hite mine'ahanamo ni'ibe, yamofihi he'milune ya nasana li'ahana lite nehago kana'a yatama lite mine'ahanamo ni'ibe. Aku'i molo emite ya suhi mehilo.

Efeso 2:12

Ana kanagu lenali Kilisito hiti hepite memine'ahana ni'ibe. To Yuta bona'i enali fulilo meminese lenali fa'mene ino bano mine'ahana. To Hu'mau ai'a bonatoga lu molo epolo'ehina kaga alihi le'mo huto hilina ka yabe luto lu molo epolo'ehina kaga lenalitoga lu memalago lenali fegutoga bona'i fa'mene mine'ahana yabe. Lenali Hu'mamofihi mekehelise nehite ai lele'mo bati hilibe lite mekehelise minete ma melugu fa'mene sibina hite mine'ahana ni'ibe.

Romu 1:28

Hu'mau ana bona'i yege yege'na enalitogati he'mi'ehigo enali ya'ma Hu'mamofi kumu lusi kaga ni'ina ya'ma mekehelite pelesa ite enegekesa keheli'ahana fato fato'i ya'ma mege'i nemalabe. Bati mehina supo hite neminabe.

Romu 3:25

Hu'mau pana'a Yesu Kilisito ho lifigo malipu yafalo fili'ehinamo'mu bona'magi aitoga komopa'ani neeminogo ai enele'mo bati hilina'mu yabe. Koyapa'i Hu'mau foipa bona'i enegeba huto foipana'ani bu go falaga falaga moloto osahi meepise fa'mene mino'ehina.