Aposolo 13:6 - Ka Lamana'a Monoꞌi Lu Mu Tifiꞌehina Ka Yabe

⁶ Etali asaga kegi'a Saipalasi metoga hege nagamilugu ti'ehinanalo bite Pefosi hepato heneti'aha'ina. Pefosi hepato nalisalo bo moneuba fato fato suhi lumofihi lumofihi li huto hulata nohina bo nohigo bu ge'aha'ina. Ai Yuta bo nohina kaga lu huto huto bo nohube nolibe. Ai ana bomofihi gi'a Bayesu yabe.

Aposolo 13:6 Referans Kwoze

Matiu 7:15

Lenali fagalo lu yege hose bomagihi kaba hu bati hilo. Enali sipisipi yagamofihi gufa'a gukete li hekelelete lenalitoga elata nehabe. Ya hi'ahana enali komopa'anigu lopi kala suhi hite nehanago lenali'iya lenehete salu kite nalana'mu yabe.

1 Yoni 4:1

Komopa'ni nolepuna bona'ise. Sikalafu'uba lele'mo babahi higo lulata nohune lite lilata nehana bona'i asaga'magitoga ka'a ya'ma sibigopa mekehelilo. Kaga'a mone ya'ma Hu'mamofitogati ni'ifi meni'ifi keheli fotogo hilune lite kaba hilo. Ka'a leli'ali bona'i fagamofihi silaga'i huto hilete babu li'ahana ni'ibe.

2 Koliti 11:13

Bona'i ya hana'amagihi aposolo faga fagamofihi to mono ka foyamofihi faga faga'a lite minete, Kilisitohi aposolo'a lali'i babeyafa'a lolo hilata nehabe.

Maki 10:46

To enali bite Yeliko hepatoga nehetite mine'ahabe. To ana hepatogati, Yesu pana'alobo'amagi hiti babu bona'magi hiti he'mite bite nebago bu pisi lu'ehina bouba gi'a Batimeusi, Timeusihi pana'a yagi, ana bouba me kapo beletoga'a minoto bona'i ukimi ukimi huto mino'ehibe.

Matiu 24:24

To faga faga Mesiagi to faga faga kaga lu yege hose bo babu lite nehetilete Hu'mau enele'mo eto hu'ehina bona'a enimi'i malalune lite babeyafana lumofihi lumofihi fato fato'i li huto hilana'mu yabe.

Matiu 16:17

Ya ligo Yesu lu emi'ehina: Simonio, kai Yonihi pana'a yale. Kai kegelo bibo. Ma melugu bo moneuba ya'ma lamana kaga mekelepi'ehinagi Afo'nifu kokulumalugu nohinauba ai'a kelepi'ehigo ya'ma kaga nolane.

Huto Hilina Ka 19:20

To akafu yagakafa ai hiti to faga faga mono ka loli'ali bo ai ya'ma akafu yagakafamofihi bulo topa hose nasana suhi huto li'ehina bo hiti naga'i etimi'ahana yabe. Ya'ma faga faga mono ka loli'ali bo ai koyapa'i akafu yagakafamofihi meha'a enalapusa fi emi'ahana bona'i to akafu yagakafamofihi omiha'a enogobisalo fayahi ge'ahanamagi hiti topa hose foya'atu enali'i komopa'ani le'mo sibi sibi hu'ehina. Yana bo hiti to akafu yagakafa hiti enele'moto logo'a hiti nagami hefunugu kala efahi logo loto nohinagu ya'ma he'mi etatogo mefilise hite limi'aha'ina.

2 Timoti 3:8

Koyapa'i Mosehi kanagu bo loemo etali etigi'atiti Yanego Yapelego etali ya'ma Mosehi ka hega he'aha'ina ya ana etali suko hite ma'asi lu kimi'ohuna bona'i enali komopa'ani haya kolo'ehina mono'mofihi kapo'a nehe'mite negi nete sibi lolo nehana.

Aposolo 13:8

Ya hina Elimasi nalisalo bo fato fato suhi lumofihi lumofihi li huto nohigo Giliki nogoguti Elimasio lite lu gelehe hi'ahana ya'ma bouba etali'i etele'mo melugu mololata hu'ehina. Ya nohuto ya'ma gamani bomofihi etali ka kehelito komopakagu li memolobo luto Elimasiu ya luloto ekesa bi'ehina yabe.

Aposolo 13:13

Polu yagi to bona'i luga'a ai hiti kapo malanamagi hiti enali Pefosi hepatogati he'mite sipi botigu tilete Pega hepato Pamifilia kegi'a bi'ahana. Ya nehago Yoni Makiu he'mi etoto to Yelusale hepatoga i behe huto bu'ehina yabe.