Aposolo 13:3 - Ka Lamana'a Monoꞌi Lu Mu Tifiꞌehina Ka Yabe

³ Ya ligo enali nose'na mo site minete nunumu hi etetelete enayaha babeyafa hite lusana etimilete etoho lifigo bi'aha'ina yabe.

Aposolo 13:3 Referans Kwoze

Aposolo 6:6

Enali ya'mana bo li nupa hite ete aposolo bona'magi naga'magi enubulo ho tigo enali ana bomagihi enugufalo enayahi li saga hite melelete nunumu hi epelete lusana epi'ahana lusa gi epele'ahana.

2 Timoti 2:2

Silaga bona'magihi enubulo minoto kaga silaga'i fi lehe toto lu lepi'ohunamo yamofihi bona'i luga'amagi kumu kehelite amuya mele'ahana bona'i nehinogo ana kagaya lu hetofa hu epeletogo ana suhi hite bona'i lug'a kaga enelepilabe.

1 Timoti 4:14

Kohe toto ya'ma ka lu huto huto bona'i kaga'ani kai kumu li'ahanalo ya'ma mono olopa bona'i luga'a enali enayahi latahakalo melete lusa negi ketago hetofa Sikalafu'uba mono'mofihi amuya'a fi hele hu keto'ehinamofihi lamana'a sibi hu laligi mino hetofa huto kaba huto minobo.

Aposolo 13:2

Ya hite, enali komopa'ani Sipi Bomofitoga emite nunumu nama lite nose'na mo site nehago Sikalafu'uba oto ma luto lu epi'ehina: Lenali Banabasinogo Solinogo etele'mo ho tinogo nani lu etoto'ohuna lili'nalo bila'ibe.

3 Yoni 1:8

Lali bona'i ya hana'amagihi enehe'moto enele'mo bati hulenogo ka lamana'a i tili tele hilina foyamofihi moneko foyalo bona'i lolo hilabe luto lu leto'ehinamo ni'ibe.

1 Timoti 5:22

Bona'i luga'a enali kumu mono foya lilabe luto li aku metose lataha'anilo kayahi moloto lusa gi epalane. Enali foipanauba kai kugupisalo ti laligi kaika komopaka kegekesa kaba hitogo komopaka gulu gulu linogo minalane.

Romu 10:15

To Hu'mau kaga'a lu yege hose bona'i ho melifinogo kaga tili tele mehinogo kiyi'afu ana kaga lu enelepilibe? Yana'mu mono bukugu fayahi ge'ahanamo ni'ibe: Enali kapo melete hekili hekili hite hetofa kaga'a lite neana bona'magihi enigigusalo soso hu epoloto gepohi lilune.

Aposolo 14:26

To Atalia hepatoti botigu ti'igo botiuba etele'moto Atioki bu'ehina. Koyapa'i ya'ma hepatoti Yesuhi kaga'a kehelise bona'magi Hu'mamofihi kaba hu etototo amuya etiminogo mono foya lila'ibe lite ai yanugu etele'mo mele'ahana. To etali ana mono foya li baga ilete i behe hite aku'i ana hepato e'aha'ina yabe.

Aposolo 14:23

To asaga Yesuhi kaga'a kehelise bona'magi folagaha'aniguti kaba bo'ani mone enele'mo ho tila ho tila hi'aha'ina. Etali nose'na mo site minete nunumu hu epelete Sipi Bomofitoga komopa'ani molo emite minanamofihi yanugu enele'mo molo'ehina yabe.

2 Timoti 1:6

Anana'mu keheliloto'ni lu'ohuna ka'a ya'ma aku'i kehelilane Nani koyapa'i nayahi latahakalo molo'ohugo lusa negi ketago Hu'mamofihi mono ka'amofihi amuya fi hele hu keto'ehinamofihi ya'ma kaba hu bati huto amuya moloto minomo tito minetogo logo libi suhi huto lolo hino.

Aposolo 15:40

Ya neha'igo Polu Silasihi le'moto nobigo lalu'agi ma lite li'ahana: Hu'mau kaba hu letoto letehe'menogo biliyo, lite li'ahana.

3 Yoni 1:6

To enali foto hepatogati kaitoga neheti'ahana bona'magi Yesuhi bona'amagihi enogobisalo ya'ma komopakatu enehe'molata nohata'mu kofokehi lilata nehabe. To nebinogomo kai ya suhi huto Hu'mamofihi ka'a leli'ali nehana'mu yabe luto minomo buto enehe'moto enoho lifitogo bilana yanauba lamana'a lolo hilibe.

Aposolo 9:17

Ya luto lulago Ananiasiu buloto ana nonuga tiloto Solihi gufalo yahi li'ehina. Ya huloto ya'ma luto lu'ehina: Solio nalalu'niga. Sipi Bouba noho lifigo noobe. Maga nooto kapogu bu go'ahata bo Yesu ai'a yabe. Kai kubuka aku'i i gili nohinogo Sikalafu'i kaitoga limilibe luto nani'i noho lifi'ehibe.

Luku 2:37

Alihi baha'a fililago ai fa'mene mino'ehina. To yatai kufu'a 84 nominabe ya nohuto'a sipi mono nohi hepato menohe'mina litana'i yabe. To ai nose'namofihi mo sito to nunumu huto minoto Hu'mamofihi yege fito to mono lili'na'a fuliga hiti folugu'i hiti lito minolata hu'ehina.

Aposolo 1:24

Ya hilete yalo enali nunumu ma lite hi'ahana: Sipi Bo, kai asaga bomagihi komopa'anigu bu go fulu tise bo nohane. To yamu'i, Sipi Botimaka, ma bo loeguti hiya bouba ya'mana hepa'i lito lili'na lilifi kai lelepibo. To Yutasiu kapo'aga bilube'mu nohuto aposolo lili'na he'mi'ehinana'a ana lili'na kosaba bo lilinamo ni'ibe.

Aposolo 13:4

Sikalafu'uba ya huto etoho lifigo bilete etali Selusia hepato heneti'aha'ina. Selusia hepatoti sipi botigu ti'igo ana botiuba etele'moto Saipalasi metoga hege nagamilugu ti'ehinaga bu'ehina yabe.