Aposolo 13:16 - Ka Lamana'a Monoꞌi Lu Mu Tifiꞌehina Ka Yabe

¹⁶ Polu ho tito yahi tiloto ma luto kaga lu epi'ehina: Isilaeli bona'ni hiti to fegutoga bona'i asaga'i Hu'mamofitoga komopatini emite neminanamagita nani liluna kaga kehelilo.

Aposolo 13:16 Referans Kwoze

Aposolo 12:17

Ya nehago Pitau sipi kaga melilo luto yatu babeyafa hu'ehina. Ya huloto Sipi Bouba naga nonuguti le'mo fegutoga molo'ehina kaga lu epi'ehina. Lenali ya'ma kaga lite bite Yemesi hiti lalalutigi hiti lu epi baga ilo. Ya luto lu epiloto Pitau fegutoga limito fato hepatoga bu'ehina yabe.

Aposolo 13:26

Abalahahi tata'agita to ma fegutoga bona'i hiti Hu'mamofihi agoya hu emilata nehanamagita nalalu'nigitase. Hu'mamofihi kaga'auba lali'i lele'mo lubuto bilibe lu'ehinana alimi'ehibe.

Aposolo 10:2

Ai mono ka mege'i nomalana bo yabe. Ai hiti lalameha'a hiti asaga'i Hu'mamofitoga enemehi emite mine'ahana. Yuta bona'i luga'a enumuhi meni'ina bona'i Koniliasiu enehe'molata nohuto Hu'mamofitoga amuya moloto nunumu hulata hu'ehina.

Huto Hilina Ka 2:29

Sikalafu'uba Hu'mamofihi yagapana'a li gehesa hi'ahana ya'ma kaga ya luto lu noepina ya'ma enegekesa hokolo hinogo keheliya ite kehelilabe.

Huto Hilina Ka 2:17

Sikalafu'uba Hu'mamofihi yagapana'a li gehesa hi'ahana ya'ma kaga ya luto lu noepina ya'ma enegekesa hokolo hinogo keheliya ite kehelilabe. Luga'amagi mono kagu ule'ale hite bite Satahi luba'a be ligilana'a ya'ma fala kito nose'na legeya'a mana yabe luto kokulumaguti limi'ehina nose'na epilube'mu hube. To kala efahi hapa'a ya'ma eto eto huto epilenogo yalo'i gi'a fayahi kosaba'i minenogo efapofihi afo'afu ai'asigo kehelilube'mu hibe luto nolibe.

Huto Hilina Ka 2:11

Sikalafu'uba Hu'mamofihi yagapana'a li gehesa hi'ahana ka'amofihi lu noepina ya'ma enegekesagu hokolo hilina'amagi ya'ma keheliya ite kehelilabe. Luga'amagi enali helebole hite bite Satahi luba'a be ligilana'amagi ya'ma alihi fililata nasanauba aku mone enele'mo sibina mehilibe luto nolube.

Huto Hilina Ka 2:7

Sikalafu'uba Hu'mamofihi yagapana'a li gehesa hi'ahana ka'a lu epito lu noepina ya'ma enegekesa hokolo hinogo keheliya ite kehelilabe. Luga'a enali mono ka amuya melete bite Satahi luba'a be ligilana'amagi ya'ma mefilise minoba minoba hilatanamofihi legeya'a Hu'mamofihi foya'agu biha'a ni'ina ya'ma nalabe luto keheli epilube luto nolube.

Aposolo 22:22

Polu ya luto beto hu epologo kehelite mine'ahabe. To ai ya'ma fegutoga bona'magi kumu ka noligo ana'asi enali nogo sipi melete ma li'ahana: Ana bomo ho filibo. Metoga mefilise minalina bati mehibe. Ho filibo.

Aposolo 21:40

Gimi bomagihi kaba bo: Alubo luto, ligo Polu hakalo minoto yaha'a li saga higo to enali kaga lege'nago ai Hibulu nogoguti ma luloto lu epi'ehina:

Aposolo 19:33

To Yuta bona'magi mone bomofihi Alekasata gi'a yabe folagaha'anigu le'mo malago binana'mu lite luga'a bona'magi ai kaga hapa'a nohibe lite fisa i'ahana. Ya hago Alekasatau yaha babeyafa huto kaga'anilo nona'a lu epilube'mu hu'ehina.

Aposolo 13:46

Ya nelago Polugo Banabasiugo ule'ale hilete ma lite kaga li'aha'ina: Ma'naka luto lenali Yuta bona'magita Hu'mamofihi ka'a kohe toto lu nolepu'ibe. Ya hu'ina lenali Hu'mamofihi ka'a keheli he'minana to lenali minoba minoba hepa'mofihi nasana'mu melebesibe lite lago le'ali he'mi lepoloto fegutoga bonatoga nobu'ibe.

Aposolo 10:35

Ai'i agoya hu emite bebe sana suhi hilata nehana bona'i asaga'i nupa bofi safa bofi Hu'mau keheli bati hu epololata nohibe.

Aposolo 3:12

Ya hago Pitau bu enogoloto kaga ma luto ana boana'i lu epi'ehina: Isilaeli Naga'ise. Hena hibe lite ya'manalo lenekesa yigi babu nelabe? Lenali hena'mu le'ali'i bulu'i nehe'ahabe? Etali'atiti amuya'atitiloti ma bo lusa gi eta'igo kapo nemalabe lite nekehelifihe? O'e, ya huto meni'ibe.

Aposolo 2:22

Lenali Isilaeli bomagita ya'ma kaga kehelilo. Nasalete bo Yesuhu kaga lu lepilube'mu nohube. Ya'mana bomofihi yato Hu'mau amuya lili'na emigo li'ehina hiti topa hose'na hiti to babeyafana hiti li huto huto lenali folagahatigu bu'ehina, ya Hu'mau ho lifi'ehina bo nohibe lite lenali bu go bati hilabe luto yabe.

Aposolo 2:14

Ya lago Pitau hiti to nayahi luga luga su hoto nigigusagati mone heleko malago nehana aposolo naga'i hiti asaga'i ho tilete kehe sipi iloto kaga lu hokolo huto asaga boana'i ma luto lu epi'ehina: Lenali Yuta bona'i hiti to asaga boana'i lenali Yelusale ete li gehesa hite nehanamagita nani kaga mone'ya lilube'mu nohunagi kehelilete ya'mananamofihi hapa'a keheli bati hilabe.

Luku 1:50

Le'mo fuluna'auba asaga bona'i manuga minana agoya hu emi'ahanamagi enalitoga mino baga i'ehibe. To ya huto buto yagapana'magitoga buto enali yagapana'magitoga buloto analo ya humo buba buba hilina'mu yabe.

Matiu 11:15

Ai ekesa'a ni'ilina bouba keheli bati hino.

Luku 23:40

Ya ligo mone malipu yafalo luga'aga he'ahana bouba ana ka'a keheliloto ma luto ka emeki'ehina: Kai ai hina suhi luto kagabu noginaya kai Hu'ma kumu koli mehapihe?

Luku 1:22

Alihi Sekalaiyau mono nonuguti leheko limito boana'i kaga lu meepi'ehina ya higo enali fegutoga geba hite minana boana'i ma lite akeheli'ahana: Ai mono nonuga tinamoga bame kafi ana'ina mone bu go'ehibe. Ya lite nehago ai bagaguti kaga meluse yatuko babeyafa hu'ehina. To baga'a hepito mino'ehina.