Aposolo 13:1 - Ka Lamana'a Monoꞌi Lu Mu Tifiꞌehina Ka Yabe

¹ Atioki hepalugu Hu'mamofihi kaga'a mege'i melete neminana boana'magi folagaha'anigu kaga lu yege holata bo luga'a hiti to kaga enelepise bo hiti mine'ahanamagi enigi'ani Banabasi yagi Simioni fato gi'a Nupa Bo yabe lilata hana bo yagi to Lusiu, Sailini hepato bo yagi Manaeni ai Helotihi gamanilo hofa to'ehina bo yagi to Soliu yagi hite mine'ahana yabe.

Aposolo 13:1 Referans Kwoze

Aposolo 4:36

Ya hite minanagu bo mone mino'ehina ai gi'a Yosefe. Enali aposolo naga'magi Banabasio lite fato gi mele'ahana. Ya'mana gimofihi hapa'aya ma luto ni'ibe, ai amuya kaga lu epito enekesa bilata bo yabe. Ai Libai nagaluguti Saipalasi hepato bo yabe.

Aposolo 15:35

Polugo Banabasiugo ya'ma Atioki hepalugu kana mone'a mine'aha'ina. Etali hiti to bona'i luga'amagi hiti kaga enelepila to Sipi Bomofihi ka lamana'a lu yege hela hite mine'ahabe.

Galesia 2:9

Ya hulago Yemesiugo Pitaugo Yoniugo mono'mofihi enikibina bo nehafihe lite keheli'ahana yamagi Hu'mau pa sose foya'alo le'mo hetofa hu'ehibe lite nani kumu ya lite keheli'ahana. Kehelilete lalalutifu yabe lite Banabasi hiti le'eyanugu li'ahana. Ya hilete lenali fegutoga bona'magitoga Hu'mamofihi foya nelinogo laliti Yuta bona'magitoga nelinogo huto minalune lite lu mele'ahana.

Aposolo 13:9

Ya nohigo Soliu mone gi'a Polu aitoga Sikalafu'uba bai tolago ai ana bomofihi bulu'i holoto lu emi'ehina:

Efeso 4:11

To hetofana limi'ehinamofihi hapa'a ma ni'ibe. Kilisitou lehe'mose'na'a fato fato'na limi'ehina ni'ibe. Lali luga'a aposolo lele'mo molo'ehinamo ni'ibe. To luga'a ai ka'a lu yege holata bo, to luga'a ya'ma ai'a ka leli'ali bo, to luga'a babafi minete ya'ma ka lamana'a lu ha'i fise bo, to luga'a mono kaba bo, lele'mo molo'ehinamo ni'ibe. Ana fato fato lili'nalo lehe'mose'na'a limi'ehina ni'ibe. To hena'mube? Lali Hu'mamofihi bona'a nohutamagita lili'natilo lele'mo amuya nohutamagita lele'mo hofa to su halibe luto yabe.

Aposolo 15:32

Yutasiugo Silasiugo etali kaga lu yege holatamale'i kaga yatamalo lu epite enalalu'anigihi koli mehilo lite enele'mo amuya mele'aha'ina.

Luku 3:1

Sipi Lomu bo Taibiliasi 15 kufu'a kana kaba hu'ehinalo gamani bo Ponitiasi Pailati, ai Yutia melugu bona'magihi kohe toto kaba huto mino'ehina. To ya'mana kanalo Heloti ai kohe toto Galili kegi'a sipi kaba bo mino'ehina. To go'afu Filipi ai Itulia to Telekonaitisi kegi'a yata'a kaba bo mino'ehina. To gamani bo Laiseniasi ai Abilini kegi'a kaba huto mino'ehina.

Filipai 4:22

Ma hepato bona'i Hu'mamofihi yagapana'a lolo hi'ahana bona'i yege yege'i to Lomu kaba bomofihi kele kele pana'i Yesutoga komopa'ani emi'ahana'a hiti keketini li lepelelata nehabe.

Galesia 2:13

Ya huloto buto lelito ola lelito bula nohigo Yuta bona'i luga'a lalu'agi ana suhi hite kenetufa'ani loe hiti bona'magihi suhi lite Pitahi le'mo laga hina'a hago Banabasiu enalitoga molo emito enali suhi huto lesa lu'ehina.

1 Koliti 9:6

To nani hiti Banabasi hiti le'alisigo le'eyatu foya lilata nohutoti'a nose'nati'a lilata nohu'ibe. Enali suhi huto le'ayatu lili'na melise naluta lu laga hu le'ete'ahana yamofihi bati huto ni'ifiye? Mehu'ehibe.

Romu 16:21

To nani hiti moneka lili'na nolu'ina bouba, Timotiu, lenali nehafiye luto noligo nani nokoyobe. To nalalu'nigi Yuta bona'magi enigi'ani Lusiugi Yesonigi Sosipatagi ana hite nehafiye lite nelago nokoyobe.

Aposolo 21:9

Ai pa'a yafana'i loebe loebe ana hite Hu'mamofihi kaga'a lu yege hose nehana enali anaga mine'ahabe.

Aposolo 19:6

Ya nehago Polu lataha'anilo yahi noligo enalitoga Sikalafu'i limigo fato fato nogo hite Hu'mamofihi ka'a ana nogoguti li'ahana.

Aposolo 11:30

Ya hilete Banabasinogo Solinogo ana efa etimigo Atioki lite bite mono olopa bona'i epi'aha'ina yabe.

1 Tesalonika 5:20

Hu'mamofihi bagaguti ka lu'ehina kehelinogo ya'ma melimino.

Aposolo 12:25

To Banabasiugo Soliugo mono foya lili'na Yelusale neli'ina su holago Yoni Makihi le'mete i behe hite e'aha'ina yabe.

Aposolo 9:1

To Soliu Hu'mamofihi boana'a aitoga komopa'ani emite mino hetofa hi'ahana enoho fililube luto lusiga lu'ehina. Ya huloto sipi mono nohi kaba bo'a nohinalo bu'ehina.

Matiu 27:32

Enali kapo melete nebite Sailini metoga bo gi'a Simoni ai'i be gelete fitu fo etete Yesuhi he'moto malipu yafa'a kofi etobo lago ai kofi he'mo'ehina.

1 Koliti 11:4

Bo moneuba ai lataha'alo kakili'i bi'ohuto Hu'mamofitoga ka lilinafi to Hu'mamofihi ka lu huto huto hilinafi ai Kilisitohi le'mo laba hilina nasana lolo hilube'mu hibe.

1 Koliti 13:2

To nani Hu'mamofihi ka lu huto huto hulata bo lolo huto huto'ni Hu'mamofihi suguna ka'a yamofihi keheli su ho'ohuto'ni to Hu'mamofihi kamofihi nekisa mokisa'a hiti keheli su hoto nohuto'ni to nani linogo kosa mone li sibi hu he'milibe luto keheli ule'ale hu'ohuto'ni niginaga mefise fa'mene minotita fa'menena lolo hutine.

1 Koliti 13:8

Eniginaga fise nasana ya'ma su mehose minoba minoba hilina'mu yabe. Hu'mamofihi baga'aguti lu huto hulata ka yamofihi su halina'mu yabe. To fato enonogoguti lulata nasana ya'ma su halube'mu hibe. To kaga fato fato'mofihi hapa'a kehelilatana hiti ya'ma su hoto fenene hilina'mu yabe.

1 Koliti 14:29

To Hu'mamofihi bagaguti kaga ya'ma bona'i loemofi, loebe monebefi enali lu huto hite lilune'mu nehinogomo, luga'amagi enali nekehelite kaga'ani loko hite kehelilana'a legeso hite minalabe.

1 Koliti 14:32

Hu'mamofihi bagaguti kaga lu huto hilana bomagi lu huto hilana'mu kaba hite minalabe lite li'ahanamo ni'ibe.