Aposolo 12:9 - Ka Lamana'a Monoꞌi Lu Mu Tifiꞌehina Ka Yabe

⁹ Ya ligo Pitau ya'mana hasaguti he'mito agelo mege'i lifito bu'ehina ya hu'ehina agelouba ma'naka luto ya'mana nohu netabe luto mekeheli'ehina fa'mene bamu'i bu nogobe luto ekesa keheli'ehina.

Aposolo 12:9 Referans Kwoze

Hibulu 11:8

Abalahau keheli ule'ale huse bo mino'ehina Hu'mau kehe ito ai me'i mone enali felisa fe'nohi minalibe luto kele'mo bati hilugi kai mekagati he'miloto mone kegi'a buto minalane luto kaga lu moloto lu emigo keheli emito me'i magafi hiya'agafi lu'ehina ya'ma mekehelise fa'mene agoya hu emito bu'ehina yabe.

Aposolo 26:19

Kibina bo, Agilipao. Nani ya'ma luto kokulumaguti nubulo hinamofihi ka'a pelesa mei'ohube.

Aposolo 10:3

Utehi yege liyofo nohigo bamu'i bu go'ehina. Ai ana bamulugu Hu'mamofihi agelouba nonugu tito ma luto lu'ehina: Koniliasio.

Aposolo 11:5

Nani Yopa hepalugu nunumu nohunagati bamu'i mone ma huto bu go'ohube. Sipi sa nekisa'a loegi loegi ni'inalo naga'i gi hepi'ahanana kokulumaluguti limito nani nugufalo mino'ehibe.

Aposolo 10:17

To Pitau hena huse bamu'i bu gofi luto ekesa yigi babu lu'ehina. Ya nohigo Koniliasiu enoho lifi'ehina bona'i Pita nohina nohi sa sa hite be gelete bite kasihi fegutoga mine'ahana.

Aposolo 9:10

Hu'mamofitoga komopa'a emito minolata hina bo mone Tamasiko hepalugu mino'ehina gi'a Ananiasi. To bamulugu Sipi Bouba: Ananiasio luto kehe i'ehina. Ya ligo Ananiasiu lu emi'ehina: Sipi Bo, nani ma nohube.

Yoni 2:5

Ya ligo koko pana'amagihi Yesuhi ito'afu ma luto lu epi'ehina: Lenali ai kaga lu lepilinamofihi mege'i malalo.

Aposolo 12:8

Ya higo agelouba ma luto lu emi'ehina: Gilimika noito kigigusagu suka bibo. Pitau agelouba lina suhi hu'ehina. Ya nohigo yatama guketeka i besoga bibe huloto nemege'i moloto obo.