Aposolo 12:8 - Ka Lamana'a Monoꞌi Lu Mu Tifiꞌehina Ka Yabe

⁸ Ya higo agelouba ma luto lu emi'ehina: Gilimika noito kigigusagu suka bibo. Pitau agelouba lina suhi hu'ehina. Ya nohigo yatama guketeka i besoga bibe huloto nemege'i moloto obo.

Aposolo 12:8 Referans Kwoze

Matiu 3:11

Lenali komopatini i gelehe hana'mu luto nani fa'mene nagamitu nofolo lepolobe. Ya nohunaya ai bo mone nani nemegesalo alina bouba ai Sikalafu'i to logo'a hiti folo lepalalina'mu yabe luto Yoniu lu epi'ehina.

Luku 12:37

To kaba bo'aniuba oto koko panana'a bu enagalina enubu'i mekese geba hite nehinogomo yalo ana koko pana'alobo enofokehi halabe. Nani lu nolepube. Sipi bouba ai'a kata'a li hupa mone huto hepiloto'a to gilimi'a iloto hitalo enele'mo moloto ai'a nose'na gabu ito epilina'mu yabe.

Aposolo 12:7

Ya hago ana folugu'i agelo bo moneuba Pitau nohina naga nohi hasagu huto higo fana meha'auba i besalo baga i'ehina. Ya huloto ana agelouba Pitahi gi'na'alo le'mo kule kule huto le'mo ho tiloto lu emi'ehina: Kai mele'isi ho tibo. Ya noligo ana'asilo gi yato gi'ahana seni naga'i gulu hoto melugu limo i'ehina yabe.

Aposolo 12:9

Ya ligo Pitau ya'mana hasaguti he'mito agelo mege'i lifito bu'ehina ya hu'ehina agelouba ma'naka luto ya'mana nohu netabe luto mekeheli'ehina fa'mene bamu'i bu nogobe luto ekesa keheli'ehina.

Maki 6:9

To letigigusagu'na bitetiti, to letugupisalo naku'i moneko moneko biliyo. Loemo loemo bila'ina'a meni'ibe. Ya hite bilo, luto lu epi'ehina.

Aposolo 8:26

Hu'mamofihi agelo'auba Filipihi ma luto lu emi'ehina: Kai ho tito Yelusaleti bu'ehina kapolo giyaka lito yofo'i mobuloto Gasa hepatoga limibo. Ya'mana kapo ka melugu bu'ehina kapo yabe.

Aposolo 27:23

Nani Hu'mamofihi lalu'afita nohuto'ni asaga yupahi komopa'ni aitogago emito minolata nohuna bo nohube. Ya'mu luto yatai folugu'i Hu'mamofihi agelo'auba nani nemetoga ho ti'ohuto ma luto lu nimi'ehina: