Biblia Todo Logo
Bib sou entènèt

- Piblisite -




Aposolo 12:7 - Ka Lamana'a Monoꞌi Lu Mu Tifiꞌehina Ka Yabe

7 Ya hago ana folugu'i agelo bo moneuba Pitau nohina naga nohi hasagu huto higo fana meha'auba i besalo baga i'ehina. Ya huloto ana agelouba Pitahi gi'na'alo le'mo kule kule huto le'mo ho tiloto lu emi'ehina: Kai mele'isi ho tibo. Ya noligo ana'asilo gi yato gi'ahana seni naga'i gulu hoto melugu limo i'ehina yabe.

Gade chapit la Kopi




Aposolo 12:7
37 Referans Kwoze  

Ya hilago ana folugu'i Sipi Bomofihi agelo'auba naga gegisa li hokolo huloto aposolo bona'i enele'mo fegu toloto ma luto lu epi'ehina:


Ya neha'igo ana'asilo sipi imima'i liloto naga noho lukesa asaga'i li kule kule hu baga i'ehina. Ya nohuto naga noho kasihi asaga'i mele'isi i hokolo hu baga noito nagalugu minana bona'magi enayanugu gi'ahana naga'i asaga'i gulu ho baga i'ehina.


Ya ligo Koniliasiu ka'alo nona'a lu'ehina: Ya'ma kanalo utehi noligo ologo noha'nigu minoto nunumu hu'ohuna yabe. Ya nohugo gulu gulu gukete hekolose bo mone nubuloga oto ho ti'ehina.


Yamofihi mono ka mone ma huto ni'inamo ni'ibe: Lenubu'i ke'ahana bona'i lenali ho tilo. Fili'ahanaguti aho tilo. Kilisitou ya'ma fi besa lo lepalalube'mu hibe.


Ya hi'ahana Hu'mau ya'mana bo aku'i le'mo ho ti'ehibe. Ai gabu gigo fili'ehinana asaga'i li he'mi su ho'ehibe. Hena'mugope kene mala malauba ya'mana bomofihi gufa'alo meligo yabe.


Ya hu'ehigo enali enekesa yigi fato fato hilete negi nagi nete nehago bo loemo ana lebato ho ti'aha'ina to etali gukete'atitiuba fi besa lo baga i'ehina yabe.


To Hu'mamofihi agelo'a ana yaga kabalo bo nehanalo Sipi Bomofihi fana mehena'a hiti nehetigo enali ana sipisipi yaga kabalo bo lusina hite koli hi'ahana.


Ya nelago ana'asilo Sipi Bomofihi agelo'auba Helotiu Hu'mamofihi gi li saga huto fokehi mehana'mu luto ho filigo limito ko'ehina. Ya higo ginihi ipa'aguti henilete gufa'a ne su hago fili'ehina yabe.


Soliu kapo moloto buloto Tamasiko hepa kasito heneti leba notago kokulumaluguti libi tegina moneuba fi besa lolito oto le'mo bego hu'ehina.


To nani agelo mone kokulumaguti limigo bu go'ohuna. Ai amuya'a legege huto mino'ehina to fana meha'auba melugu i besa lago bu go'ohuna.


Ya luto agelomagihi lu meepi'ehinamo ni'ibe. Agelo silaga'i enali meha'a hiti Hu'mamofihi kele kele'a nehanaya bona'i enubuto bilatanamagihi enehe'mete enele'mo bati hilabe luto Hu'mau enoho nolifibe.


To Helotiu yago'a yabe luto Pitahi Yuta bona enubulo le'mo ho tilube'mu hu'ehina folugu'i gimi bo loemale'i folagaha'atitigu Pitau ko'ehina. To enali sipi seni nagatu gilo gite yato gite hite he'mi etelete folugu'i kaba gimi gilata nehana bomagi kasito gimi gite mine'ahana yabe.


Enali abilago Hu'mamofihi agelo'auba Yosefehi bamu'i hu bulo mololoto ma lu emi'ehina: Ho tito pana'i hiti ito'afi hiti etele'moto koli huto Iyipi melugu buto nohitogo alihi nani lu kiminogo'ni alane. Helotiu pana kumu sa huto halina'mu yabe.


Ya higo agelouba ma luto lu emi'ehina: Gilimika noito kigigusagu suka bibo. Pitau agelouba lina suhi hu'ehina. Ya nohigo yatama guketeka i besoga bibe huloto nemege'i moloto obo.


Swiv nou:

Piblisite


Piblisite