Aposolo 12:6 - Ka Lamana'a Monoꞌi Lu Mu Tifiꞌehina Ka Yabe

⁶ To Helotiu yago'a yabe luto Pitahi Yuta bona enubulo le'mo ho tilube'mu hu'ehina folugu'i gimi bo loemale'i folagaha'atitigu Pitau ko'ehina. To enali sipi seni nagatu gilo gite yato gite hite he'mi etelete folugu'i kaba gimi gilata nehana bomagi kasito gimi gite mine'ahana yabe.

Aposolo 12:6 Referans Kwoze

Aposolo 21:33

To gimi bomagihi kaba'aniuba buto Poluhi naga'i emito seni naga'i loemotu sa gibo luto gimi bona'magihi lu epito le'mo'ehibe. To boana'magihi ma luto enoloka habe: Ya'ma bo ki'afube? To hena hu'ehibe? luto enoloka ho'ehina.

Hibulu 13:6

Ya luto lu'ehina yana'mu lali amuya lilototi mono bukugu fayahi keye'ahana kaga ma luto lilutagi: Sipi Bouba ai nele'mo bati hulata nehe'mose bo nohinagihe. Nani ana'ina yana'mu koli mehiluna'mu yabe. Bona'i enali hena hite nele'mo sibina hilabe? Yanamofihi nelesa melilina'mu yabe.

2 Timoti 1:16

To Sipi Bouba ai Onesifolu ai lalameha'a ginaga fi epino. Hena'mube? Nani ma naga nonugu mino'ohunalo ai lesa meligo kana'amu kana'amu oto nipagu keta hu'ehina li hetofa hu neto'ehinamo ni'ibe.

Efeso 6:20

To nani ana huto hetofa ka lamana'a kumu yabe luto Hu'mamofihi kaga leli'ali hulata bo naga nonugu nohunaya Hu'mau lu netalina ka nelesa melinogo lu huto hilibe lite nani kumu Hu'mamofitoga kehe ilo.

Aposolo 28:20

To ya'ma kagasi'mu luto lenali'i kehe i nupa huto lu nolepube. Nani lenali'i bu lenogoto kaga lu lepilube luto yabe. To asaga lali Isilaeli bona'magita geba nohutanamofihi ya'ma Hu'mau le'mo ho ti'ehina bo, Mesiahi nani komopa'ni emito nohuto geba nohube. Ya'mana'mu luto ma seni naga'uba yatai nayanugu ma ina i'ehibe.

Aposolo 5:23

Lali naga noho kasito nehetito bu gota kasiha'a amuya melete loki helete kaba bo kasito gimi gi baga ite mine'ahabe. Ya huloto lali kafe sigito bu gota anagu bona'i memine'ahana afele su he'ahana. He'ahago bu goloto noone.

Matiu 28:4

To gimi bomagi ai'i be gelete sipi koli hite afoya foya ilete enubu neta neta bite melugu ke'ahana.

Aposolo 12:5

Ya higo Pitau nagalugu nohigo gimi bomagi kaba hi'ahana. Ya'mu lite enali Yesuhi komopa'ani emite minana bona'magi Hu'mau he'malibe lite amuya melete nunumu hi ete'ahana yabe.