Aposolo 12:4 - Ka Lamana'a Monoꞌi Lu Mu Tifiꞌehina Ka Yabe

⁴ Helotiu Pitahi yato lito naga nonugu le'mo molo'ehina. Ya huloto loegi loegi gimi bomagihi kaba hi etela hi etela hilabe enali enayanugu he'mito'ehina yabe. Pasa nose'na kana'a su holenogo alihi Yuta bona'i enali enubulo le'moto bilube luto Heloti keheli'ehina.

Aposolo 12:4 Referans Kwoze

Luku 22:33

To Pitau ma luto lu emi'ehina: Sipi Bo, nani kai hiti buto nagalugu moneka bilu'ibe luto loloba huto nohube. To kai hiti moneka fililu'ibe luto loloba huto nohube.

Luku 21:12

Ya hu'ehina ya'mana asaga'na huto mehu'ehinogo yata'a lenegene mane hite lenele'mo sibina hilana'mu yabe. Enali mono nonugu lenele'mo melete naga'i lepilana'mu yabe. Enali nani nigi'ni li melugu malalune lite lenele'mo gihiti bo enubulo hiti gamani bona enubulo hiti bite ka foya lilana'mu yabe.

Aposolo 4:28

Enali asaga'i monekolugu li nupa hilete asaga'na koyapa'i li huto hilabe luto amuya kaga lu'ahata ai anana huto hilina'mu yabe.

Aposolo 4:3

Ya hilete enali etayato lite naga ite sinihi agilube'mu nohigo nonuga etele'me mele'ahana yabe.

Yoni 21:18

Nani ma'naka lu nokumube. Koyapa'i kai neheya kola nohutoka gu kata hiti letika hiti biloto hepa'i fato fato'i bula ola hu'ahata kai'naka ni'ibe. To alihi oyafa loloto mone kanagu kayaka su toloto nohitogo bona'magi naga'i kimite hepa'i monelugu mebilube'mu nohilata anaga kaimofihi kele'mete bilabe.

Matiu 26:5

Ya hu'ehina ya'mana suhi asaga bona'i li nupa hite nose'na nete minelata kanalo ya mehilune. Ya hiluta asaga boana'magi luba li huto hilana'mu yabe lite sumi ka li'ahana.

Matiu 24:9

Yalo bomagi lenayato lite nagalugu lenele'mo melenogo kosele lili'na lilenogo alihi lenoho fililana'mu yabe. To nani kumu lite asaga boana'magi lenipakafa halana'mu yabe.

Aposolo 8:3

Soliu ai amuya mololoto Yesuhi bona'magihi le'mo sibina hilube'mu nohube luto lu'ehina. Bona'magi noha'aniluga tiloto limiloto nohuto Yesutoga komopa'ani emite minana bona'i kefefe ho lito limi limi fegutoga huloto bo hiti ana'i hiti nagalugu enele'mo molo'ehina yabe.

Aposolo 5:18

Enali aposolo bona'i enayato lite sipi naga nonugu enele'me mele'ahana yabe.

Yoni 19:23

To gimi bomagi Yesu malipu yafalo nili nekatu hete'ani gu kata'a lite guna ite loebe loebe mele'ahago gimi bona'i mone'isi mone'isi lilube lite li'ahana. To Yesuhi yatama naku'a ai'a li meheti'ehina kata hetofana ni'ibe lite,

Maki 14:1

To yalo ana kanagu, sipi mono bomagi to mono ka enelepise bomagi hiti Yesuhi suguna huto naga'i emito ho fililune lite mine'ahabe. To ana kanagu, Yuta bona'magi asaga'i sipi mono yupapo hapi filune'mu hite minete: Loe yupahi su holenogo naga'i emilune lite kana mele'ahabe. Hena'mube? Ana loe yupahi, mono yupahi yagi, sipi nose'na loemo laita hilata nehana kana yabe. Mone nose'na kana Pasa yabe nelana, ya'ma koyapa Hu'mau enubuto bu'ehina yupa kumu yabe. To mone nose'na kana enali beleti nose'na'ani yisiti hiti lolo mehise fa'mene nenana ya'ma yupa kumu yabe.

Aposolo 12:3

Ya hinanalo Yuta bona'magi be gelete enegelo sipi bigo Helotiu bu goloto Pitahi nagalugu le'mo molo'ehina. Yisiti komopa'agu meni'ina Beleti Nelata nehana kana'agu Helotiu ya'manana li huto hu'ehina yabe.

Aposolo 12:5

Ya higo Pitau nagalugu nohigo gimi bomagi kaba hi'ahana. Ya'mu lite enali Yesuhi komopa'ani emite minana bona'magi Hu'mau he'malibe lite amuya melete nunumu hi ete'ahana yabe.