Aposolo 12:3 - Ka Lamana'a Monoꞌi Lu Mu Tifiꞌehina Ka Yabe

³ Ya hinanalo Yuta bona'magi be gelete enegelo sipi bigo Helotiu bu goloto Pitahi nagalugu le'mo molo'ehina. Yisiti komopa'agu meni'ina Beleti Nelata nehana kana'agu Helotiu ya'manana li huto hu'ehina yabe.

Aposolo 12:3 Referans Kwoze

Aposolo 24:27

To ya'ma bo, Felikiu ai Yuta bona'magi nani kumu laga lebesina bo nohibe lilabe ya luto enalitoga mololoto Poluhi naga nonugu he'mi etago mino'ehina. Yalo loe kufu kana'a bulago Felikiu ana hepa'mofihi kaba huse lili'na he'mito buto ana gamani lili'na mone lilube'mu bu'ehina. Yalo'i fato kaba bo mone'mofihi gi'a Posiasi Fesitasiu ya'ma Sisalia hepato nehetito mino'ehina.

Yoni 12:43

Enali Hu'mau foke ka lu epi'ehina'a nesi'asi epesigo to noto noto bona'magi enofoke ka lu epi'ahana ya'mana sipi epesi'ehina'mu yabe.

Aposolo 25:9

Ya ligo Fesitasiu Yuta bona'magi bati bo yabe lite nofokehi halabe luto ekesa keheliloto enalitoga moloto Poluhi loka ho'ehina: Ya'ma kifisa neina kaga Yelusale hepato me'animoya anaga tito nani nubulo ho titogo ka foya li ketalabe luto nokehelipihe?

Galesia 1:10

Ka noluna ya'ma bona'magi bu gete laga'a kehelilabe luto nolufihe? O'e. Hu'mau ai'a bu genogo bati hilibe luto ya'ma nolube. Nani ya'ma bona'magi nani kumu kehelinogo tilibe luto foya ya'ma nolufihe? O'e, to nani bona'magi nani kumu laga epesilina'mu sa sa nohufiye? O'e, Ya'ma hutita Kilisitohi kele kele bo'a lolo huto meminotita'mu yabe.

Aposolo 20:6

To lali ya'ma fuli yupahi beleti nose'na yisititu lolo mehise nenana ya'ma su hago lali Filipai hepatogati botigu tito buto 5 yegegu bu'ehigo lali Toloasi hepatoga nehetiloto anaga enali nehanalo li nupa hutoti 7 yegegu mino'ohune.

1 Tesalonika 2:4

Hu'mau bu logoto laga besigo ya'ma hetofa kaga'ni keheli fotogo hu'ohuto lu lepilabe luto lele'mo eto hulago ya'ma ana ka nolune. Bona'i luga'amagi kehelite linogo bati hilibe luto meni'ibe. Hu'mau ai komopatigu bu go fulu tise bouba keheli'ehinogo lamana hilibe luto nolune.

Yoni 21:18

Nani ma'naka lu nokumube. Koyapa'i kai neheya kola nohutoka gu kata hiti letika hiti biloto hepa'i fato fato'i bula ola hu'ahata kai'naka ni'ibe. To alihi oyafa loloto mone kanagu kayaka su toloto nohitogo bona'magi naga'i kimite hepa'i monelugu mebilube'mu nohilata anaga kaimofihi kele'mete bilabe.

Yoni 19:11

Yesu ka nona'alo lu emi'ehina: Kai amuya hiti bo nohapi? Afo'nifu yana amuyanaka kimi'ehina ni'ibe. Ai'asigo kaba hu netago nahalata'mufi gulu ho netalata'mu kaika meni'ibe. Miya bouba lu laga menohigo to ya'ma bouba kayanugu nele'mo molo'ehina bo ai'a foipa nasana'mu kebe ligi'ehina yabe.

Matiu 26:17

Yeye mebise beleti nelata nehana kana'alo yata'a Yesuhi koko pana'a aitoga elete ma lite loka he'ahana: Asaga'na hiya'alo li loloba hu keto'ehinogoti kai Pasa nose'na nalane?

Aposolo 4:13

Pitaugo Yoniugo etali koli mehise amuya melete kaga lu yege ha'ina enali bu ge'ahana. To etali babafi bomale'i memina'ina fa'mene bole neha'ibe lite kanisole bomagi akeheli'ahana. Ya'mu lite enali kaba kanisole bomagi enekesa yigi babu lilete ma lite akeheli'ahana, koyapa'i etali Yesuhi mege'i melete moneka mine'ahana yabe.

Aposolo 2:14

Ya lago Pitau hiti to nayahi luga luga su hoto nigigusagati mone heleko malago nehana aposolo naga'i hiti asaga'i ho tilete kehe sipi iloto kaga lu hokolo huto asaga boana'i ma luto lu epi'ehina: Lenali Yuta bona'i hiti to asaga boana'i lenali Yelusale ete li gehesa hite nehanamagita nani kaga mone'ya lilube'mu nohunagi kehelilete ya'mananamofihi hapa'a keheli bati hilabe.

Aposolo 12:4

Helotiu Pitahi yato lito naga nonugu le'mo molo'ehina. Ya huloto loegi loegi gimi bomagihi kaba hi etela hi etela hilabe enali enayanugu he'mito'ehina yabe. Pasa nose'na kana'a su holenogo alihi Yuta bona'i enali enubulo le'moto bilube luto Heloti keheli'ehina.