Aposolo 12:11 - Ka Lamana'a Monoꞌi Lu Mu Tifiꞌehina Ka Yabe

¹¹ Ya higo Pitahi huto hu etananalo ekesa i hokolo hu'ehina. Ya higo ma luto keheli'ehina: Ma'naka luto Sipi Bouba agelo'a ho lifigo oto Helotiu amuya malago to Yuta bona'magi hiti enali nahalune'mu nehanamagi enayanuguti nele'mo gulu fabe.

Aposolo 12:11 Referans Kwoze

2 Pita 2:9

Ya hu'ehina'mu Sipi Bomofihi hapa'a ahuto hibe. Ai ya'ma Hu'mamofihi ka lite neminana bona'i enimi'i mololata nasana'agu minenogo enubuto bilata bo amuya'a hiti nohibe. To Hu'mamofihi ka'a meni'ina'a enali'i kana'a sipi yupahi guna molo epilube luto naga'i epilata bo amuya'a hiti nohibe.

Aposolo 5:19

Ya hilago ana folugu'i Sipi Bomofihi agelo'auba naga gegisa li hokolo huloto aposolo bona'i enele'mo fegu toloto ma luto lu epi'ehina:

Luku 15:17

To alihi ekesa'a hokolo higo ma luto lu'ehibe: Ke. Afo'nifihi lili'nalo bona'magi henaki'a nose'na nelete mone'a nehe'mibe? Asaga'i ya nehanagi to nani kau'na gofa nonahago mana hepatoga nofulube.

Aposolo 12:7

Ya hago ana folugu'i agelo bo moneuba Pitau nohina naga nohi hasagu huto higo fana meha'auba i besalo baga i'ehina. Ya huloto ana agelouba Pitahi gi'na'alo le'mo kule kule huto le'mo ho tiloto lu emi'ehina: Kai mele'isi ho tibo. Ya noligo ana'asilo gi yato gi'ahana seni naga'i gulu hoto melugu limo i'ehina yabe.

Hibulu 1:14

Ya luto agelomagihi lu meepi'ehinamo ni'ibe. Agelo silaga'i enali meha'a hiti Hu'mamofihi kele kele'a nehanaya bona'i enubuto bilatanamagihi enehe'mete enele'mo bati hilabe luto Hu'mau enoho nolifibe.

Aposolo 24:27

To ya'ma bo, Felikiu ai Yuta bona'magi nani kumu laga lebesina bo nohibe lilabe ya luto enalitoga mololoto Poluhi naga nonugu he'mi etago mino'ehina. Yalo loe kufu kana'a bulago Felikiu ana hepa'mofihi kaba huse lili'na he'mito buto ana gamani lili'na mone lilube'mu bu'ehina. Yalo'i fato kaba bo mone'mofihi gi'a Posiasi Fesitasiu ya'ma Sisalia hepato nehetito mino'ehina.

Aposolo 25:9

Ya ligo Fesitasiu Yuta bona'magi bati bo yabe lite nofokehi halabe luto ekesa keheliloto enalitoga moloto Poluhi loka ho'ehina: Ya'ma kifisa neina kaga Yelusale hepato me'animoya anaga tito nani nubulo ho titogo ka foya li ketalabe luto nokehelipihe?