Aposolo 11:13 - Ka Lamana'a Monoꞌi Lu Mu Tifiꞌehina Ka Yabe

¹³ Ya hunogo koyapa'i Koniliasihi nonuga agelouba tiloto ma luto kaga mone ma luto lu emi'ehina: Kai koko panaka Yopa hepatoga enoho lifitogo bo mone'mofihi gi'a Simoni Pita yabe luto sa huto le'mete alabe. Yana agelomofihi kaga'a Koniliasiu lu nimi'ehina yabe.

Aposolo 11:13 Referans Kwoze

Aposolo 12:11

Ya higo Pitahi huto hu etananalo ekesa i hokolo hu'ehina. Ya higo ma luto keheli'ehina: Ma'naka luto Sipi Bouba agelo'a ho lifigo oto Helotiu amuya malago to Yuta bona'magi hiti enali nahalune'mu nehanamagi enayanuguti nele'mo gulu fabe.

Aposolo 10:22

Ya ligo enali lu emi'ahana: Koniliasiu sipi gimi bouba loho lifigo o'ohune. Ai Hu'mamofitoga komopa'a emito nominago Yuta bona'magi koyone hine emina bo yabe. Kai kaga lu emitogo kehelilibe luto Hu'mamofihi agelo'a moneuba Koniliasihi nonuga bilane luto kehe igo noone.

Aposolo 9:43

Pitau Yopa hepalugu bo moneuba yaga gufa'atu gukete hetilata nohina gi'a Simoni hiti ai noha'agu babu kana mino'ehina yabe.

Hibulu 1:14

Ya luto agelomagihi lu meepi'ehinamo ni'ibe. Agelo silaga'i enali meha'a hiti Hu'mamofihi kele kele'a nehanaya bona'i enubuto bilatanamagihi enehe'mete enele'mo bati hilabe luto Hu'mau enoho nolifibe.

Aposolo 9:36

Yopa hepato Hu'mamofitoga komopa'a moloto nominana a'i mone mino'ehina. Ai gi'a Tabita ana gi'amofihi hapa'a Giliki kaguti Tokasi. Ai asaga yupahi enumuhi meni'ina bona'i enehe'moto enele'mo bati hulata nohina a'i yabe.

Aposolo 9:38

To Lita hepa'i Yopa hepa lebato mino'ehina. Ya hu'ehigo enali Yesutoga komopa'ani melete neminana bona'magi Pitau ya huto Yopa hepatoga noabe lana'a kehelilete bo loemaletoga kaga ma lite melete etoho lifi'ahana: Ke, kai hololu luto mele'isi lalitoga obo.

Aposolo 9:42

Ya hu'ehinamofihi kaga'a lu yege hago asaga Yopa kegi'a bu baga igo babu boana'magi Hu'mamofitoga komopa'ani melete mine'ahana yabe.

Aposolo 11:12

Ya hago kekesa loe lae meyigito mana bo enemege'i bubo luto Sikalafu'uba lu nimi'ehina yabe. Ya hulago Sisaliati Hu'mamofitoga komopa'ani emite neminana bo luga'amagi hiti Koniliasihi nonuga moneka buto ti'ohuta yabe.

Aposolo 11:14

Ai mono kaga lu lepilenogo ya'mana kagalo kaika hiti lalamehaka hiti kehelilete Hu'mamofitoga komopatini emilabe, agelouba ya luto lu emi'ehina.