Aposolo 10:43 - Ka Lamana'a Monoꞌi Lu Mu Tifiꞌehina Ka Yabe

⁴³ Asaga'i kaga lu yege hose bomagi Yesu ai kumu kaga ma lite li'ahana. Enali aitoga komopa'ani malalanamagihi foipana'ani ai gi'alo linogoti li he'mi epalalibe.

Aposolo 10:43 Referans Kwoze

Aposolo 2:38

Pitau ka'anilo ma luto lu epi'ehina: Lenali mone'isi mone'isi komopatini i gelehe hilete Yesuhi gilo nagami'i falalana lenali foipanatini li he'minogo Hu'mamofitogati amuyana Sikalafu'a lepilibe.

Romu 10:11

Yanamofi kumu enali mono bukugu fayahi keye'ahana: Bona'i moneuba Hu'mamofitoga keheli ule'ale huto komopa'a emiloto lesa meluse hetofana huto minalibe.

1 Pita 1:11

Enali ya'ma huto hilina kana'a sa sa hi'ahana, Hu'mau ya'ma Kilisitohi ho lifilina kana henaki yupahi huto huse kanagu huto hilibe lite sa sa hi'ahana. To Kilisitohi meha'a yauba komopa'anigu molo epalago enali ya'ma lenali kanagu yabe lite keheli'ahabe. Lenali kanagu Kilisitou huto huloto yalo keke'i luse'namofihi gupisalo tito fililina yalo ho tito sekele mamu'a lilina'mu yabe lite keheli'ahabe.

Romu 5:1

Lali Hu'mamofihi keheli ule'ale hutogo ai lele'mo bebe so'ehibe. Yana'mu Sipi Boti Yesu Kilisitou lalitoga hu'ehinanamu'i Hu'mau yatai lele'mo fulu nohibe.

Romu 8:1

Yatai bona'magi Yesu Kilisitotoga hiti hepite minago moneko'na nehana yanamofihi Hu'mau enifisa meilina to osahi meepilibe.

Yoni 5:24

Nani ma'naka lu nolepube, kene'i moneuba nani ka'ni kehelito li pili koto'a to noho lifi'ehina bomofitoga komopa'a malalina yanauba mino bati huto minoba minoba huse'na ya'ma li'ehibe. To ai ka foya melilina filise'namofihi be ligito aku'i mino kosaba huse'i ali su hoto nominabe.

Romu 8:34

Kiyi kiyi'afu lifisa iloto ka foya lilube'mu nohibe? Yesu ai'asigo lali kumu fililoto ho tito aku Hu'mau lamaga'aga le'mo'ehigo nominabe. Analo nominoto lali kumu Hu'mamofihi amuya loka holata nohibe.

Aposolo 26:22

Ya hana ya'mana kana'agu Hu'mau nehe'molata higo mino'ohuna. Ya'mu luto nani maga ho ti'ohuto bona'i lagaso'afi to napa'afi mone'ago hite nehanamagi enubulo nani kaga'ni lu noepube. Ma noluna kagaya koyapa'i kaga lu yege hose bomagi hiti Moseu hiti huto hilibe lite li'ahana'a nani ana huto lu noepube.

Aposolo 26:18

To kai enubu'ani li gili gili huto metepunaguti fana mehenagu enele'mo nomoloto Sataha amuya'aguti Hu'mamofihi kapo'agu enele'mo malalane. Ya hitogo enali komopa'ani nanitoga niminogo foipana'ani kele li epelenogo Hu'mau enele'mo eto higo nehana bona'magi folagaha'anigu hepa'ani lilabe.

Aposolo 15:9

Ai lali'i fato suhi nohu letoto enali'i mone fato suhi mehu epolo'ehibe. Enali komopa'ani aitoga emigo ya hanalo nona'a foipana'ani li he'mi epolo'ehibe.

Aposolo 3:16

To le'ali Yesutoga komopati'a moloto le'emehi emi'ohu'ibe. Ya'mu luto Yesuhi gi'auba ma gigusa sibina nohina bomofihi le'mo amuya nomalago lenali kehelilete bu go bati nehabe. Yesutoga komopati'a emito le'emehi emi'ohu'ina Hu'mamofitogati le'alitoga o'ehinauba ya'ma amuyana hetofana aitogati oto lenali lenubulo huto nohigo asaga'i bu go baga neibe.

Yoni 20:31

Yesu ya'mana sipi lili'na li'ehinamofihi kaga lu lenelepi'ehina'a fayahi koyo'ehinago kehelite Hu'mamofihi Pana'a nohinaya to le'mo ho ti'ehina bo, Mesia nohinaya lenali ya'ma keheli ule'ale hilana'mu to aitoga agoya hu emilenogo mino kosaba huse'na lepilina'mu yabe.

Maki 16:16

To bo moneubafi moneuba ana ka kehelito agoya hu nimito nagami falalina bo, ai'i buto bilunagihe. To bo moneubafi moneuba kehelito agoya hu menimilina bomofihi nani gumi'i hoto le'mo he'milunagihe.

Huto Hilina Ka 19:10

Ya luto lu nimigo nalapusa fito lipi emilube luto nohugo o'e noluto ma luto lu'ehina: Ya melubo. Nani kele kele bo kalalukafita kigiboka Yesu lu hokolo hu'ehina ka'a li pili kete lilata nehana bo enali enalalu'anifita nohube. Kai Hu'mamofihi aigo ya'ma lipi emilane, luto lu'ehina. Yesu lu hokolo hu'ehina kauba mono ka leli'ali bona'i enele'mo babahi higo mono ka lilata hi'ahanamo ni'ibe luto lu'ehina.

Galesia 3:22

Ya hu'ohutaya lali melugu bona'magita asaga'i foipanamofihi amuya nagalugu nohutogo yamofihi hapa'a mono bukuguti li huto hite mele'ahanamo ni'ibe. Ya hulago yana'mu ya'ma Yesu Kilisito kumu luto keheli ule'ale huto agoya hu emutogo lenubuto bilube luto lu molo leto'ehina yamofihi legeya'a liluta ahuto ni'ibe.

Hibulu 13:20

Fulu husemofihi afo'afu, Hu'mau ai Sipi Boti Yesu ai'a golaha'atu lele'mo bati huto ule'ale hu letoto minolatana ya'ma minoba minoba mu tifise'namofihi ka'a li huto hina'mu yabe luto sipisipi yagamagihi kaba bo'ani lolo hu'ehina bo fili'ehinaguti le'mo ho tito ho lifi'ehina bo nohigi,

Kolose 1:14

To ai'a pana'auba Yesu golaha'aloti lalimo mina fito foipanati i pa so leto'ehina bo nohibe.

Efeso 1:7

Kilisitou aiya golaha'atu mina fi letoto foipana nagaluguti gulu ho letalibe luto foipanati li he'mi letalibe luto fili'ehinamo ni'ibe. Ya'mu Hu'mau lalitoga mehi limise'na'a sipi nohina keheli'ohune.

Romu 6:23

Foipanauba ai'a koko pana'magihi lili'nalo nona'a epilata nohinaya filise'na yabe. To Hu'mau fa'mene limilinamofihi ya mino kosaba huse'i ni'ibe. Ya'manamofihi Sipi Boti Yesu Kilisito hiti lele'mo hepito moneko'na liluta'mu yabe.

Aposolo 3:18

Ya hi'ahana koyapa'i Hu'mau kaga mone ma luto kaga lu yege hose bomagihi enabagalo lu'ehina, Mesia'nifu ai gabu gise'na li kofilibe. Ya lu'ehinalo lenali ya'ma suhi li huto hi'ahanauba ana kaga baga i'ehibe.

Yoni 1:45

To Filipiu bo mone Natanielihi sa sa huto bu goloto ma luto lu emi'ehina: Koyapa'i Moseu ma bomofi kumu keya kagu go'ehinamo lali abu go'ohune. Ai Nasalete hepatoti Yosefehi pana'a yabe.

Luku 24:47

To ai gi'alo Yelusale hepatoti hapi filete kaga'a lite noto noto bona'i asaga kapoga lu yege henogo ai gi'alo komopa'ani i gelehe hilete foipana'ani'guti mino bati hinogo Hu'mau foipana'ani li he'mi epalalibe.

Romu 3:21

To yatai lali keya kauba lele'mo bati mehigo bu go'ohuna yabe. Hu'mau yuhufa lele'mo bati husemofihi hapa'a lelepi'ehina. Koyapa'i Moseu hiti to kaga lu yege hose bona'magi hiti anana'mu fayahi keye'ahana.