Aposolo 10:4 - Ka Lamana'a Monoꞌi Lu Mu Tifiꞌehina Ka Yabe

⁴ Ya ligo Koniliasiu bu goloto koli huto loka ho'ehina: Sipi Bo, hena hibe? Ya ligo agelouba Koniliasihi lu emi'ehina: Asaga hetofa foya suhi nohatana'mu luto Hu'ma ekesu mehago nunumuka keheligo bati hu'ehibe.

Aposolo 10:4 Referans Kwoze

Filipai 4:6

Ana'ina mone'namofihi mone'namofihi kehelinogo lenuluhaya metino. Ana'ina'mu sa sa nehitemo Hu'mamofitoga kaga lite ana'ina'mu kehe ite fokehi linogo li huto hu lepinogo lite minalo.

Hibulu 6:10

Hu'mau ai'a mone li sibina huto ya huto menohibe. Lenali ai kumu yabe lite foya'a lite komopatini minalanamofihi lamana'a yamofihi Kilisitohi yagapana'a enele'mo bati hite lenemehi emite enehe'malata nehanamo yamofihi ai'a yana'mu ekesu mehalina'mu yabe.

Aposolo 10:31

Ya huloto ma luto lu'ehina: Koniliasio. Asaga bona'i enumuhi meni'inamagi enehe'moto enele'mo bati hulata nohatamolo Hu'mau nunumu ka akeheli'ehibe.

Huto Hilina Ka 8:4

Ya nohigo agelo ai yaha'a su to'ehinaguti lokiya tu'a hiti yanauba mono bona'i enali Hu'mamofitoga nunumu lite neminana'amagihi molo emi epalago Hu'mamofitoga ti'ehina.

Filipai 4:18

Yatai ya'ma ana'ina li huto hite mele nete su he'ahana bai toto ni'igo yamofi kumu kehelilabe luto lenofokehi luto fayahi ya'ma koyoto nolepube. Epapolotikou ai'ya lenalitogati ana'ina lito oto nimilago ya'ma fe'noha'ni hiti bo lolo nohube. Lenali ana'ina lolo hi nete'ahanamofihi kehelugo Hu'mamofihi kuguhi keye neemigo tu'a lamana'a nobigo kehelito yauba ai laga besina nasana lolo hibe.

Hibulu 13:16

Hetofa foya lilatana agoyana hiti to fe'nohi guna ite epilune lite lenegekesa kehelite minalo. Hu'mau ai'a yanamofihi kehelito bu go laga nohigo mamufa gi emilata nasana suhi huto legeya'a lolo hulata nohibe.

Luku 1:29

Maliau ai ya'mana ka keheliloto lataha'a keta hu'ehina. Ipa'agu ekesa yigito ma luto lu'ehina: Ya'ma ka hena ka ni'ibe? luto ligo,

Matiu 26:13

Nani ma'naka luto lu nolepube, asaga noto noto kapoga ma a'uba li huto hinanamofihi hetofa kaga'a lu yege halabe, ya hilete enali enekesa yigi emite ai kumu'i enekesu mehalibe.

Aposolo 22:10

To nani loka ho'ehina: Kibina bo'nio, nani hena hilube, lugo Sipi Bouba lu nimi'ehina: Ho tito Tamasiko nohi hepalugu tiletogo kaika hilatanamofihi Hu'mau kaga molo keto'ehina'a asaga'i lu hokolo hu ketalabe.

Luku 24:5

Enali ana ana'i enelesa'ani ligo koli hilete melugu lipi gehesa i baga i'ahana. Ya nehago etali ana ana'i lu epi'aha'ina: Lenali hena hibe lite fili'ahana bona'magi hepalugu aho ti'ehina bomofi kumu'i sa sa nehabe?

Aposolo 3:4

Ya ligo Pitaugo Yoniugo ana bo bu go fiya ilete ma luto Pitau lu emi'ehina: Le'ali'i bu le'egobo.

Aposolo 14:9

Ya'ma bouba Polu lina kaga'a kehelito mino'ehina. Ya higo Polu ana bo bu go bati hu'ehina kaga'a komopa'agu li molo'ehigo gigusa'a le'mo bati hilube luto keheli'ehina.