Aposolo 10:3 - Ka Lamana'a Monoꞌi Lu Mu Tifiꞌehina Ka Yabe

³ Utehi yege liyofo nohigo bamu'i bu go'ehina. Ai ana bamulugu Hu'mamofihi agelouba nonugu tito ma luto lu'ehina: Koniliasio.

Aposolo 10:3 Referans Kwoze

Aposolo 3:1

Mone yupahi Pitaugo Yoniugo utehi yege limito sili sili noligo nunumu hilata kanalo sipi mono nohi ni'inaloga ti'aha'ina.

Aposolo 5:19

Ya hilago ana folugu'i Sipi Bomofihi agelo'auba naga gegisa li hokolo huloto aposolo bona'i enele'mo fegu toloto ma luto lu epi'ehina:

Hibulu 1:14

Ya luto agelomagihi lu meepi'ehinamo ni'ibe. Agelo silaga'i enali meha'a hiti Hu'mamofihi kele kele'a nehanaya bona'i enubuto bilatanamagihi enehe'mete enele'mo bati hilabe luto Hu'mau enoho nolifibe.

Hibulu 1:4

Ai buto minoto agelo enebe ligi su ho'ehina yamofihi legegeto ya'ma Hu'mau emi'ehina gi'auba agelomagihi enigi'ani be ligito tigo mino'ehina gi'a li'ehina.

Aposolo 27:23

Nani Hu'mamofihi lalu'afita nohuto'ni asaga yupahi komopa'ni aitogago emito minolata nohuna bo nohube. Ya'mu luto yatai folugu'i Hu'mamofihi agelo'auba nani nemetoga ho ti'ohuto ma luto lu nimi'ehina:

Aposolo 11:13

Ya hunogo koyapa'i Koniliasihi nonuga agelouba tiloto ma luto kaga mone ma luto lu emi'ehina: Kai koko panaka Yopa hepatoga enoho lifitogo bo mone'mofihi gi'a Simoni Pita yabe luto sa huto le'mete alabe. Yana agelomofihi kaga'a Koniliasiu lu nimi'ehina yabe.

Aposolo 10:30

Ya ligo Koniliasiu ka'alo nona'a lu'ehina: Ya'ma kanalo utehi noligo ologo noha'nigu minoto nunumu hu'ohuna yabe. Ya nohugo gulu gulu gukete hekolose bo mone nubuloga oto ho ti'ehina.

Aposolo 10:19

Pitau ana bamu'mofihi hapa'amu ekesa yigiba yigiba nohigo Sikalafu'uba ma luto lu'ehina: Kai kehelibo. Loegi monegi bomagi kai kumu lite sa nehabe.

Aposolo 10:17

To Pitau hena huse bamu'i bu gofi luto ekesa yigi babu lu'ehina. Ya nohigo Koniliasiu enoho lifi'ehina bona'i Pita nohina nohi sa sa hite be gelete bite kasihi fegutoga mine'ahana.

Aposolo 9:10

Hu'mamofitoga komopa'a emito minolata hina bo mone Tamasiko hepalugu mino'ehina gi'a Ananiasi. To bamulugu Sipi Bouba: Ananiasio luto kehe i'ehina. Ya ligo Ananiasiu lu emi'ehina: Sipi Bo, nani ma nohube.

Aposolo 9:4

Ya higo Soliu melugu limito koloto nogo'a moneuba ma luto noligo keheli'ehina: Solio, Solio. Kai henabe luto negene mane ito nonahane?

Luku 2:13

Kaga agelouba lu epi su nohago ana baga'a hiti babu agelomagi kokulumaluguti ete'ani Hu'mamofitoga fokehi hete nama ma lite li'ahana:

Luku 1:11

To Hu'mamofihi agelo'a yahi lamaga'aga tu lokiya fi emise'nalo ho tito nohigo Sekalaiyau bu go'ehina.

Matiu 27:46

Yege alimi falalina kana'a nohigo Yesu sipi kehe ito ma luto lu'ehina: Eli, Eli, lema sabakatani? Ai ya'mana kaga ma luto lu gelehe nohune: Hu'ma'nigabe, Hu'ma'nigabe, kai hena'mu nohe'mi netane?

Aposolo 10:9

Eteka'a enali kapo melete bite Yopa hepa lebato henetigo Pitau fuligaha kana'alo nohupitalo minoto nunumu hilube'mu ti'ehina.