Aposolo 10:23 - Ka Lamana'a Monoꞌi Lu Mu Tifiꞌehina Ka Yabe

²³ Ya lite lago Pitau lu epi'ehina: Nonuga tilo. Lali koloto yago etehi bilune. Ya luto ligo kelete eteka'a ho tilete kapo melete nebago Yopa bona'i luga'amagi enemege'i melete bi'ahana yabe.

Aposolo 10:23 Referans Kwoze

Aposolo 11:12

Ya hago kekesa loe lae meyigito mana bo enemege'i bubo luto Sikalafu'uba lu nimi'ehina yabe. Ya hulago Sisaliati Hu'mamofitoga komopa'ani emite neminana bo luga'amagi hiti Koniliasihi nonuga moneka buto ti'ohuta yabe.

Aposolo 10:45

Yuta bona'i Hu'mamofitoga komopa'ani emise bona'i luga'a Yopa hepatoti Pitahi mege'i e'ahanamagi fegutoga bona'magitoga Hu'ma fokehena Sikalafu'i epina be gelete topa he'ahana yabe.

1 Pita 4:9

Lenali kosele'i melepehenogo bonoho bona'i ya suhi hite kehelite enebe tigite nohatinigu enele'mo melenogo tite minalabe.

Hibulu 13:2

To ka'i logo lili bona'i enebe tigite nohatiniluga enele'mo malalune lite kosele'i meleneheno. Luga'amagi enali bonoho bona'i atilo lite enele'me mele'ehite agelo nehana'muya enali mekeheli'ahana.

2 Koliti 8:21

Lali nasana lolo hutogo Sipi Bouba ai'asigo kehelinogo bati hilibe luto ni'igopa bona'magita ana hite kehelilenogo fotogo hilibe luto lilata nohune.

Aposolo 10:33

Ya'mu luto kaitoga mele'isi enoho lufugo bi'ahanamo kai bati huto a'noane. To Sipi Bouba lu kabagalo melenogo lilata kaga lali kehelilune luto Hu'mamofihi bulo li gehesa huto nohune luto Koniliasiu Pitahi lu emi'ehina yabe.

Aposolo 10:29

Ya luto lu'ehigo nani kaga'a pelesa meise ai nogo'a liyafa huto noobe. Ya'mu luto nani yatai lenoloka nohobe. Lenali hena hibe lite nani'i kehe i'ahabe?

Aposolo 9:42

Ya hu'ehinamofihi kaga'a lu yege hago asaga Yopa kegi'a bu baga igo babu boana'magi Hu'mamofitoga komopa'ani melete mine'ahana yabe.

Aposolo 9:38

To Lita hepa'i Yopa hepa lebato mino'ehina. Ya hu'ehigo enali Yesutoga komopa'ani melete neminana bona'magi Pitau ya huto Yopa hepatoga noabe lana'a kehelilete bo loemaletoga kaga ma lite melete etoho lifi'ahana: Ke, kai hololu luto mele'isi lalitoga obo.

Aposolo 1:15

Nunumu hite minana kana'a nesi'a babu luto enebe ligilago mone yupahi 120 bona'i li nupa hite minago Pitau ho tiloto ma luto lu epi'ehina:

Aposolo 9:36

Yopa hepato Hu'mamofitoga komopa'a moloto nominana a'i mone mino'ehina. Ai gi'a Tabita ana gi'amofihi hapa'a Giliki kaguti Tokasi. Ai asaga yupahi enumuhi meni'ina bona'i enehe'moto enele'mo bati hulata nohina a'i yabe.

Aposolo 28:15

To Lomu hepato ligibo lagabomagi ya hite neabe lite lali kumu lana'a akeheli'ahana. To enali lali'i legeba hite eba eba hite Apiasi Maketi hepato Kalina Nohi Loegi Monegi ni'inalo nehetilete lali'i lebe tigi'ahana. Ya hago Polu bu enogoloto gufa'agu laga gofa higo Hu'mamofihi gelo bi emi'ehina yabe.