Aposolo 10:22 - Ka Lamana'a Monoꞌi Lu Mu Tifiꞌehina Ka Yabe

²² Ya ligo enali lu emi'ahana: Koniliasiu sipi gimi bouba loho lifigo o'ohune. Ai Hu'mamofitoga komopa'a emito nominago Yuta bona'magi koyone hine emina bo yabe. Kai kaga lu emitogo kehelilibe luto Hu'mamofihi agelo'a moneuba Koniliasihi nonuga bilane luto kehe igo noone.

Aposolo 10:22 Referans Kwoze

Aposolo 11:14

Ai mono kaga lu lepilenogo ya'mana kagalo kaika hiti lalamehaka hiti kehelilete Hu'mamofitoga komopatini emilabe, agelouba ya luto lu emi'ehina.

Aposolo 10:2

Ai mono ka mege'i nomalana bo yabe. Ai hiti lalameha'a hiti asaga'i Hu'mamofitoga enemehi emite mine'ahana. Yuta bona'i luga'a enumuhi meni'ina bona'i Koniliasiu enehe'molata nohuto Hu'mamofitoga amuya moloto nunumu hulata hu'ehina.

3 Yoni 1:12

To Temetelihi hapa'a ya'ma bona'i silaga'i bati huto yabe lite lago kehelune. To mono kapogu mololago ai hapa'a huto hu'ehina'a hetofana ni'ibe. Nani ana huto hapa'a bati hulata nohina abu go'ohube. To ka'a ya'ma lamana'a lulata nohina'a akeheli'ahane.

2 Pita 3:2

To lenali mono ka leli'ali bona'i Hu'mau enele'mo ho ti'ehinamagi koyapa'i fono ka fono ka li'ahana ka hiti to lenali'i aposolo bona'magi Sipi Boti lubuto bilata bouba lu'ehina kamo lu lepi'ahana ka ya keheli bati hite kehelite minalabe luto nolube.

Hibulu 12:23

to ai yagapana'a lamana'a enigi'ani kokulumalugu koyo molo'ehina'a enali enegelo bite li nupa hite minanalo bu neheti'ahabe. Ya nehite asaga bona'i hapa'animu foipana'animu guna molo epalalina bo, Hu'mau nohinalo ime ime neheti'ahana. To lamana hite mine'ahana bona'i buto i segito minolata'nagu enele'mo molo'ehina'a enali suhi hite molo emi'ahanamo ni'ibe.

Hibulu 11:2

Mono bona'i koyapa'i minete ho tite hi'ahanamagi keheli ule'ale hite minelata hi'ahana'a yamofihi Hu'mau bu enagago laga hulata hu'ehina yabe.

Hibulu 10:38

Bona'ni lamana hi'ahanamagi enali keheli ule'ale hite minete mino kosaba'i lilete minoba minoba hilabe. To luga'amagi enali he'mite i behe hite bilana'a ya'ma enali kumu kehelugo laga'ni menebesilina'mu negelo mebilube.

1 Timoti 3:7

To fegutoga bona'i Hu'mamofihi ka mekeheli'ahanamagi enali ana bomofihi hapa'a kehelite hetofa bo nohibe lite lilata nehana yamofihi ai babafi lolo hilibe. Hena'mube? Hapa'a bati menohibe lite nekehelina bomo ai Satahi fi taga hu etolenogo kelefu'agu holenogo ai kumu fakupa ka linogo buya hu lalibe luto yabe.

2 Koliti 5:18

Ana nasanamofihi legeya'a ya'ma Hu'mamofihi nasanago ni'ibe. Lali koyapa'i ai fatehe bona'a mino'ohutaya ai'a ya'ma Kilisito kumu luto lele'mo fulu hulago ai'a bona'a nominone. To ya huto lali bona'i luga'a ya'ma ana huto enele'mo fulu hilina ka'a lu epilabe luto lu limi'ehinamo ni'ibe.

Romu 1:17

To ya'ma hetofa ka lamana'auba foipa bona'i Hu'mamofihi bu'alo enele'mo bati hilina ya'ma lelepi'ehina yabe. Hapa'a henana ni'ibe? Yata'a hiti to aliha'a hiti bona'magi Yesutoga komopa'ani emite nehago enele'mo bati hilina. Ya'ma ka lamana'a hapa ni'ibe. To koyapa'i mono bukugu fayahi ge'ahana ma ni'ibe: Bona'i moneuba Hu'mamofitoga keheli ule'ale huto agoya hu emigo, ya'ma bomofihi Hu'mau bebe sose bo nohibe luto mino kosaba huse'na emilina'mu yabe.

Aposolo 24:15

To Hu'mau ana'ina mone li huto hilube lu'ehinamofihi enali'ani geba hite nehago nani ana huto keheli komopa'nigu molo'ohuto geba nohube. To bona'i sibina'afi to mana'afi fili'ahanagati Hu'mau aku'i enele'mo ho tilina'mu ya'ma geba nohube.

Aposolo 22:12

To bo mone mono'i mege'i malalata bomo, ai'a gi'a Ananiasi yabe ai kumu asaga Yuta bona'magi fokehi nelina bo ai anaga mino'ehina.

Aposolo 10:33

Ya'mu luto kaitoga mele'isi enoho lufugo bi'ahanamo kai bati huto a'noane. To Sipi Bouba lu kabagalo melenogo lilata kaga lali kehelilune luto Hu'mamofihi bulo li gehesa huto nohune luto Koniliasiu Pitahi lu emi'ehina yabe.

Aposolo 10:6

To ai Simoniu yaga gufa'atu gukete hetilata bo hege nagami beletoga nominana bo hiti moneka neha'ibe.

Aposolo 6:3

Nigibo nagabose. Lenali nayahi mone kegi'a su hago mone kegi'ati loemo heleko melenogo lenali folagahatiniguti enele'mo ho tilo. Enalitoga Sikalafu'uba bai tago kaga keheli bati hi'ahago boana'magi enali kumuko nelilana bo yabe. Ya hilete ya'mana bo enele'mo melenogo ya'mana lili'na kaba hite lilabe.

Yoni 17:20

To enali kumuko menolube. Bona'i luga'amagi pana'alobo'nimagihi ka lamana'amu mege'i melelata hite nanitoga keheli ule'ale hilana bona'i enali kumu kaitoga koloka nohobe.

Yoni 17:8

To kaga lu moloto nimi'ahata ya'ma lu epugo yalo'i akeheli su he'ahabe. To kaika noho lifitogo kaitogati limi'ohuna'a ya'ma keheli ule'ale hi'ahabe.

Yoni 13:20

Ma'naka lu nolepube. Enali nani ho lifi'ohuna bomofihi be tigilana enali ana suhi hite nani nebe netigibe. To ana huto nani nebe tigilana bona'magi enali ya'ma noho lifi'ehina bo Afo'nifu be netigibe.

Yoni 6:68

Ya luto enoloka hago Simoni Pitau ka'alo nona'a lu'ehina: Sipi Bo, lali kiyi'afitoga biluta'mu nolane? Minoba minoba huse'na episemofihi kaga'a kaitogago ni'ibe.

Yoni 6:63

Sikalafu'uba ai'a aku'i bona'i enele'mo kosaba hulata nohibe. Fa'mene lugufauba nesi'asi lehe'molata nohibe. Ya'ma nani noluna kagaya mino kosaba huse'na hiti Sikalafu'i hiti nina ninamofihi lu nolepube.

Yoni 5:24

Nani ma'naka lu nolepube, kene'i moneuba nani ka'ni kehelito li pili koto'a to noho lifi'ehina bomofitoga komopa'a malalina yanauba mino bati huto minoba minoba huse'na ya'ma li'ehibe. To ai ka foya melilina filise'namofihi be ligito aku'i mino kosaba huse'i ali su hoto nominabe.

Luku 23:50

To bo mone mino'ehina ai gi'a Yosefe. Ai sipi hepa'i mone Yuta melugu nina hepa'i gi'a Alimatia hepato bo yabe. Ai kanisole nohuto komopa'a bati huto ni'igo bebe soto koyone huto nominana bo.

Luku 2:25

To yalo bo mone Yelusale hepato mino'ehina gi'a Simioni yabe. To aiya bati huse bo to Hu'mamofihi agoya hu emise bo yabe. Ai Isilaeli bona'magi enubuto bilina bo'mu geba huto mino'ehina. To Sikalafu'i hiti Simionitoga mino'ehina yabe.

Maki 8:38

To bo moneubafi ya'ma ka mekehelise foipa nehana kanagu nani kumu to ka'nimu megesa hu nimilenogo, nani Kokulumaguti limi'ohuna Bomofita, alihi ana huto nemegesa hu emito minalube. Nani alihi afo'nifu nele'mo bati hulenogo to fana meha'ni besa lago nohuto'ni to hetofa agelomagi hiti aluna kanagu nani ana bo'mu nemegesa hu emito minalube. Yesu ya luto lu epi'ehina yabe.

Matiu 1:19

Maliahi baha'a Yosefeu, ai bati bo, to ai Maliahi ya hu'ahane luto le'mo buya mehu'ehina. Ai legeso huto fala kito suguna'i Maliahi he'mi etalube luto keheli'ehina.

Matiu 2:12

To bamulugu Hu'mau hu enubulo mololoto Heloti nohinaga mebilo luto lu epigo enali fato kapoga bite hepa'aniga neheti'ahana yabe.

Luku 9:26

To bo moneuba nani kumu to kaga'ni enelepise'namo'mu lesa linogo to megesa hu niminogo aliha'a Kokulumaguti limi'ohuna Bo hiti Hu'ma hiti agelo'amagi hiti ya'ma fana mehenaguti alana yupahi ana bomofihi nemegesa hu noemito minalube.

Aposolo 10:21

Ya lulago Pitau ya'mana bo nehanalo limiloto ma luto lu epi'ehina: Nani kumu sa sa nehanamo maga nohube. Lenali henabe lite e'ahabe?

Aposolo 10:30

Ya ligo Koniliasiu ka'alo nona'a lu'ehina: Ya'ma kanalo utehi noligo ologo noha'nigu minoto nunumu hu'ohuna yabe. Ya nohugo gulu gulu gukete hekolose bo mone nubuloga oto ho ti'ehina.

Huto Hilina Ka 14:10

enali ekesa bai nagami tegi huto Hu'mamofihi ita bise'na'a ni'ina fa'mene nagami'i hiti li sibi sibi mehuse ipakafa halina lapeluguti epinogo nalabe. Ya hilete hetofa agelo lamana'amagi to sipisipi nala'a enali enubulo hiti to kala efahi logogu lolenogo keligu li binogo limite nehite enagabu neginogo kehelite minalina'mu yabe.