Aposolo 10:11 - Ka Lamana'a Monoꞌi Lu Mu Tifiꞌehina Ka Yabe

¹¹ Ai kokuluma'i i hokolo nohigo analugati sipina mone nasana kata legi huto nekisa'alo loegi loegi ni'inalo naga'i luga luga gi hepila gi hepila hite sa gi'ahanana melugu limi'ehina.

Aposolo 10:11 Referans Kwoze

Efeso 3:6

Suguna kamofihi hapa'a ma luto ni'ibe. Ka lamana'a molo'ehinamofihi legeya'a ya'ma fegutoga bona'i lenalitoga to Yuta bona'i enalitoga moneko babeyafalo koguna moneko'i lolo huto nehinogo Yesu Kilisito kumu yabe luto Hu'mau Yuta bonatoga lu molo epolo'ehina lenali li hetofa hite lilabe luto lu'ehinamo ni'ibe.

Yoni 1:51

To Yesu ma luto lu epi'ehina: Nani ma'naka luto lu nolepube, kokuluma'i hokolo nohinogo Hu'mamofihi agelo'amagi Kokulumaguti limi'ehina Bomofilo tila limila nehinogo lenali bu galana'mu yabe.

Huto Hilina Ka 19:11

Ya noligo nani nubu bu golago buto kokuluma hokolo nohigo hosi yaga koholi mone bu go'ohuna. Ya nohugo megesa'alo mino'ehina ai gi'a keheli ule'ale huse lina'a huto minolata hu'ehina to lama'na ka lulata hu'ehina yabe. Ai kaga'ani loko hilata foya to luba'a hiti foya li sibi mehuse fotogo huto bo lilata nohibe.

Huto Hilina Ka 11:19

Enali ya lite fokehi lilago kokulumatoga Hu'mamofihi sipi mono noha'a hokolo hulago lu mu tifise'namofihi kaga'a bokisi yamofihi sipi mono nohi komopa'agu huto hu'ehina. To kopisi'na li melebeya nohigo to nogo'ani nela to kokililika babu nolina to imima'i noligo sipi ko'i hogisopa legeya'a i'ehina yabe.

Huto Hilina Ka 4:1

Nani ana'ina ya hu tegi huto bu goloto nubu ego saga huto bu go'ohuna. Kokulumagu kafe mone hokolo hu'ehigo bu go'ohuna ya'ma nogo'a yata'a huto higo keheli'ohuna ya'ma pikuli ya suhi huto huto huloto ma luto lu nimi'ehina: Kai malo tito minoto ana'ina huto hilina'a ya'ma kelepinogo'ni bu galatagihe.

Kolose 3:11

To Hu'mau ya nohu lepalago fato fato bona'i meminese moneko bona'i nehabe. Mone Yuta bona'i to mone fegutoga bona'i meni'ina. Ana huto enugufa laga hise bona'i to laga mehise bona'i meni'ina. To naga'i emite koko hise bona'i to naga'i melise bona'i meni'ina. Bona'i hapa'ani fato fato'na ni'inaya ya'mana fa'menena ni'ibe. Kilisitou ai lali fato fato bona'i asaga'i lele'mo moneko babeyafa hu'ehina. Ai bona'i yege yege'na lele'mo moneka hu'ehina. To ana huto ai yege yege bonatoga minalibe.

Efeso 1:10

Alihi kana'a huto hulenogo Kilisitou ana'ina asaga'i kokulumagu nehanamagi to melugu nehanamagi li nupa napa huto lataha'a lolo hilibe luto ai hiti moneko'na hite minalabe luto lu'ehina.

Galesia 3:28

To ya hu'ehina'mu Yuta bona'i nehana to fegutoga bona'i nehana, kele kele'i yagapana'i lolo hite tina'a limina'a hite mine'ahana, fa'menego minelata hi'ahana boana'i fato hite minelata hi'ahana. Yamofihi su ho'ehigo yatai lenali asaga'i Yesu Kilisitotoga bite hepite moneko koguna lolo hi'ahabe.

Galesia 2:15

Lali ya'ma fegutoga bona'i sibigopa minelata nehana bona'i huto mehune. Yuta bona'i huto hu'ohutaya,

Romu 9:4

Hena'mube? Enali Hu'mau enele'mo ho ti'ehina bona'i nehabe. Ai enali'i mehuba hina'a pana'ni nehabe luto to sipi fana meha'agu enele'mo molo'ehina. Ai agoya hu niminogo'ni kaba hu lepalalube ya'ma kaga luto lu molo'ehina. Ai ana huto keya ka lu epito molo'ehina. Enali Hu'mamofihi gi'a liyafa huse hapa lamana'a keheli'ahana. Ai enalitoga alihi le'mo huto hilina ka hetofana lu molo'ehinamofihi kehelite li'ahana.

Romu 1:16

Hetofa ka lamana'a keheli fe lu'ohunogo nelesa'ni melu'ehibe. Hu'mamofihi kaga'a amuya ka hiti ninauba bona'magi Yesutoga komopa'ani nemalanamagihi asaga'i ya'ma enubuto bilina'mu yabe. Ana kagauba Yuta bonatoga kohe toto buloto yalo fegutoga bonatoga buto enele'mo bati hilina'mu yabe.

Aposolo 7:56

Ya huloto Sitifeniu lu epi'ehina: Bu galo. Kokuluma'i i hokolo nohigo Hu'mamofihi yahi lamaga'aga koyapa'i Kokulumaguti limi'ehina Bo nohigo bu nogobe.

Yoni 12:32

To enali meluguti nele'mo saga hilenogo nani babu boana'i nanitoga enele'mo moloto kefefe hilunagihe.

Luku 3:21

Asaga boana'i nagami felete nehago to Yesu ana huto nagami fololoto nohuto nunumu nohigo kokuluma'i hokolo hu'ehina.

Matiu 8:11

Lenekesu meheno. Asaga'i yege notinagati noliminagati fato fato hepatogati ete'ani Hu'mamofihi kapo'alo Abalahagi, Isakagi to Yakopugi li nupa hilete minete'ani nose'na nalabe.

Aposolo 10:12

Ana sagu yagakafa lumo lumofi osifa'ifi lopi namafi fato fato'i mino'ehina.

Aposolo 11:5

Nani Yopa hepalugu nunumu nohunagati bamu'i mone ma huto bu go'ohube. Sipi sa nekisa'a loegi loegi ni'inalo naga'i gi hepi'ahanana kokulumaluguti limito nani nugufalo mino'ehibe.