Aposolo 10:1 - Ka Lamana'a Monoꞌi Lu Mu Tifiꞌehina Ka Yabe

¹ Bo mone Sisalia hepato mino'ehina. Ai gi'a Koniliasi. Ai Lomu gimi bouba 100 gimi bomagi kaba'ani mino'ehina. Ya hu'ehina gimi bomagi nupa hi'ahanamofihi gi'a Itali yabe lite he'ahana.

Aposolo 10:1 Referans Kwoze

Aposolo 27:1

Botigu tito Itali hepalugu bilune lite enali lu bati hilago Poluhi hiti to luga'a nagalugu nehana bona'i hiti Yuliasiu Lomu gimi bomagihi kaba'ani ai ya'ma sipi gihiti bomofihi luba bona'amagi yabe lite enigi helata hanamagihi enayanuga bi'ahana.

Matiu 27:27

Enali Lomu gamanimofihi gimilo bomagi Yesuhi le'mete gamani nonuga le'mete netigo gimi bo ana nonuga babu lite nehana ete le'mo bego hi'ahana.

Aposolo 8:40

To Filipiu Asitoti hepalugu huto hu'ehina. Ai hepato hepato bula ola huto ka lamana'a lu yege homofa'na hu'ehina. Ya huloto alihi Sisalia hepalugu heneti'ehina yabe.

Aposolo 27:43

Ya hago gimi bomagi kaba'aniuba Poluhi le'mo buto bito he'malube'mu ekesa keheliloto lenali enoho mefililo luto laga hu epolo'ehina. To asaga bona'i nagamilugu nogosa ite keheli'ahana'a nukuma nete kehetoga kohe tete bilo, luto enoho lifi'ehina.

Aposolo 25:1

Analo Fesitasiu loegi monegi yupahi mino koloto alihi Yelusale hepatoga bu'ehina yabe.

Matiu 27:54

Gimi bomagihi sipi bo'ani analo minoto Yesuto kaba hu'ehina hiti to luga'a bona'i hiti imima'i linana hiti to asaga huto hinana be gelete enelesa'ani gofa ligo ma lite li'ahana: Ma'naka luto ma boya Hu'mamofihi Pana'a nohibe.

Aposolo 27:31

Ya nehago Polu bu enogoloto gimi kaba bomofihi to bona'a hiti ma luto lu epi'ehina: Enali botigu kaba hite humofa'na hilata nehana bomagi ma sipi botigu meminalana lenali lenugufatini li lenubuto mebilana'mu yabe.

Aposolo 25:13

Alihi kanagu kibina bo Agilipa hiti to liha'a Benisi hiti Fesitasihi Sisalia hepato ete be tigi'aha'ina.

Aposolo 23:33

Enali Poluhi Sisalia hepato le'mete bilete ai hiti faya hiti gamani bomofihi emi'ahana.

Aposolo 23:23

Ya huloto gimi bomagihi kaba'aniuba loe gimi bole kehe iloto ma luto lu etimi'ehina: Gimi bo 200 yamagi enele'mo loloba nehite hosi yaga gupisalo bo 70 yamagi neenele'mete to hiso bo 200 yamagi enele'mete utehi sininugu Sisalia hepato bilabe.

Aposolo 22:25

Ya luto lu epigo gimi bomagi le'mete bite nonugu tite sa gi etago Polu mone kaba bo yanugu ho ti'ehinamofihi loka ho'ehina: Nani Lomu bona'i nohunagi foipana'ni ni'ifi meni'ibe henabe ka foya meli'ahago osahi nimilatagihe?

Aposolo 21:8

Koloto etepo anagati he'mito buto Sisalia hepatoga nehetito kaga lamana'a lu epilata bo, gi'a Filipi yabe, ai'a noha'agu ti'ohune. Ya'mana bo koyapa kanagu Yelusale hepalugu mono bona'magi ai'a hiti to lalu'afu 6 enali hiti enele'mo ho ti'ahana.

Yoni 18:12

To gimi bomagi hiti to kaba bo'aniuba Yesuhi naga'i emite to Yuta gimi bona'i hiti le'mete bite

Yoni 18:3

Ya huto kehelito ai sipi mono noto kaba bona'magi to Felosi bona'magi enali gimi bona'i luga'a to mono noto lili'na bona'i luga'a hiti enoho lifigo Yutasiu enele'moto bu'ehina. Enali emita'i lite to kunufa libi'mo hiti lamu hiti ligi besa lelite kapogu melete foyalo bilana'mu yabe.

Luku 7:2

To Lomu hepato gimi bomagihi kaba bo'animofihi koko pana'a mone mino'ehina. Ya higo ana gimi bo'auba ai hetofa pana'ni yabe luto le'mo bati hu'ehina yatai ana koko pana'a sipina besito afilise'na hu'ehinalo Yesu ana hepalugu heneti'ehina yabe.

Maki 15:16

Gimi bo'amagi Yesuhi le'mete bite ya'ma sipi kaba bomofihi nopo, Gamani Nohi yabe, ana nonugu le'mete bi'ahabe. To enali enalalu'ani mone luga'amagihi kehe igo ago li nupa hi'ahana.

Aposolo 10:24

Enali kapo melete bite kapogu nohi mone kelete eteka'a Sisalia hepalugu heneti'ahana. To Koniliasiu naga'a yagi to gufalo lalu'agi luga'a hiti ai hepa'alo enele'mo nupa higo enegeba hite mine'ahana yabe.

Aposolo 21:31

To enali Poluhi ho fililune'mu nehago Lomu gimi bomagihi kaba'ani bo Yelusale hepatoga sipi luba nehabe lite lu emigo keheli'ehina.