Aposolo 1:7 - Ka Lamana'a Monoꞌi Lu Mu Tifiꞌehina Ka Yabe

⁷ Ya lite loka hago Yesu ma luto lu epi'ehina: Ana suhi huto hilina yupa hiti to kana'a hiti molosemofihi nani Afo'nifugo keheli'ehibe. To ya yupahi huto hilibe lite lenali mekehelilana'mu yabe.

Aposolo 1:7 Referans Kwoze

Matiu 24:36

Anana huto hilina yupahifi to kana'afi bo moneuba mekeheli'ehibe, kokulumalugu agelouba ana huto mekeheli'ehibe, to nani Hu'mamofihi pana'a nani'ni hiti ana huto mekeheli'ohube. Hu'mau aisigo anasi ana kana'a keheli'ehibe.

Maki 13:32

To Yesu mone ka hiti ma luto lu epi'ehina: Ya'ma huto hilina kana asaga bona'magi menekehelibe. Kokulumaga agelomagi enali hiti menekehelibe. To nani Hu'mamofihi pana'amofita menokehelube. Afo'nifu, Hu'mau ai'asigoko keheli'ehina yabe.

Maki 10:40

To ya'ma lamaga'nigago soga'nigago minala'inamofihi ya'ma nani foya'ni meni'ibe. Afo'nifu, Hu'mau ai le'mo bati hu etoto'ehina bomale'i luga luga'ni minala'ibe. Yesu ya lu etimi'ehina yabe.

Efeso 1:10

Alihi kana'a huto hulenogo Kilisitou ana'ina asaga'i kokulumagu nehanamagi to melugu nehanamagi li nupa napa huto lataha'a lolo hilibe luto ai hiti moneko'na hite minalabe luto lu'ehina.

Luku 21:24

Sipi emitauba enohoto nalina'mu yabe. Fateha'animagi naga'i epite enele'mete bite fato bona folagaha'anigu he'mi epalalana'mu. To fatoga bona'magi enigi'aniuba Yelusale hepa'i ilenogo aku'i fato bona'magi enehete enele'mo nehe'mite enali'ani minalana'mu yabe. Enali Hu'mau molo'ehina kanagu minete to kana su holenogo he'milabe.

2 Timoti 3:1

Kaga mone'ya ma luto keheli bati hubo. Kana'a su halube'mu nohinogo foipana nasana huto huto sipi'a hilube'mu ketana napa'a huto hilina'mu yabe.

1 Timoti 6:15

Ai kana'a huto hilina'a leba talinamo ni'ibe. Hu'mau lulenogo huto hu lamana hilina'mu yabe. Hu'mau ai'a mino kikipa hoto nominanamofihi laga'namofihi kaba bo'a moneko'isi nohibe. Ai hetofa enikibina gihiti bomagihi sipi bo'ani aito kaba bomagihi sipi bo'ani moneko'i nohibe.

Aposolo 17:26

Koyapa'i moneko bo lolo hu'ehinaguti nupa bo safa bo fato fato'i noto noto'i bite mino baga ino luto enoho lifigo analo analo mine'ahana yabe. Ai'a yata'a kana'a molo epoloto ya hepato bila bila hilo luto me'i enemeto enemeto epi baga i'ehina.

Matiu 20:23

Ya la'igo Yesu lu etimi'ehina: Ma'naka lite letali nani ya'ma nagami konuguti nala'ina'mu yabe. Ya hila'ina ninaya moneuba nayahi lamaga'aga minenogo moneuba nayahi soga'aga minenogo hila'inamofihi hapa'aya nani nasana'ni meni'ibe. Ya'mana kefa hisalo luga'a bona'magihina yabe luto, nani afo'nifu li loloba hu epolo'ehina yabe.