Aposolo 1:6 - Ka Lamana'a Monoꞌi Lu Mu Tifiꞌehina Ka Yabe

⁶ Aposolo naga'magi Yesu hiti bite li nupa hite minelete ma lite loka he'ahana: Sipi Bo, yatai ya'ma kana'alo Isilaeli kapo aku'i li kosaba hilata ni'ifihe?

Aposolo 1:6 Referans Kwoze

Luku 19:11

Yesu lina kaga kehelina bona'i bame ka mone luto lu epi'ehina. Hena'mugope ai Yelusale hepa'i lebato oloto nominago enali Hu'mamofihi Kapo'a yatai ma'asi huto hilina'mu yabe, lite nekeheligo yabe.

Luku 17:20

Felosi bona'i luga'amagi Hu'mamofihi Kapo'a hiya yupahi huto hilina ni'ibe, lite Yesuhi loka he'ahana. Ya lago Yesu ka'anilo ma luto lu epi'ehina: Hu'mamofihi Kapo'a alina yupahi boana'magi enubu'anitu'i be megalana'mu yabe.

Matiu 24:3

Yesu Oliba kosagu nohigo koko panana'amagi suguna'i ete ma lite loka he'ahana: Hiya yupahi ya'ma asaga'na huto hilina ni'ibe? Hena huse kana yata'a huto hinogo, to yatai ma me'i su nohenogo kai alube'mu nohane luto liluta ni'ibe?

Luku 22:29

To Afo'nifu ai Kapo'a nani'i nimi'ehina ana suhi huto Kapo'a nani lenali'i nolepube.

Matiu 17:11

Ya lago Yesu lu epi'ehina: O'yo, ma'naka nelabe. Elaiyau asaga'na oto li loloba hilube'mu yata'a kohe toto o'ehina yabe.

Matiu 20:21

Ya nohigo Yesu ma luto loka ho'ehina: Henanaka'mu nokebesibe? Ya ligo ai Yesuhi ma luto lu emi'ehina: Ma pana'ni loemo neha'ina kai alihi gihiti bo lolo nohitogomo moneba kayahi lamaga'aga minenogo moneuba kayahi soga'aga minenogo hila'ibe lutoka kaga molobo lu'ehina.

Yoni 21:21

Ya'ma loka ho'ehina bomofihi nohigo Pitau bu goto Yesuhi lu emi'ehina: Sipi Bo, mana bomofihi henana hu etalibe?

Maki 9:12

Ya lago, ai ka'anilo nona'a ma lu epi'ehina: Ma'naka. Elaiya yata'a oloto asaga'na le'mo bati hilibe luto mono kagu akeye'ahana ni'ibe. To Kokulumaguti limilina Bomomu'i henana keye'ahana ni'ibe? Ai kumu ma lite li'ahanamo ni'ina: Bona'magi enemegesa hi emite luna lana asaga'i hi etelenogo gabu'a sipina gilina'mu yabe. Ai kumu ya luto mono fayanugu keye'ahanamo ni'ibe.