Aposolo 1:17 - Ka Lamana'a Monoꞌi Lu Mu Tifiꞌehina Ka Yabe

¹⁷ Koyapa'i Yutasiu ai lali hiti moneka minototi ai hiti ya'mana lili'na moneka li'ohuta yabe luto Pitau lu epi'ehina yabe.

Aposolo 1:17 Referans Kwoze

Aposolo 21:19

Polu enebe tigito'a kaga'a asaga'i lu epito ya'ma Hu'mau fegutoga bona'i hetofa hu epolo'ehina'a ya'ma Poluhi foya'a li'ehina'mu asaga'na yamofihi kaga lu epi'ehina yabe.

Aposolo 20:24

Ya luto nolimigo to nani minalufi fililufi luto ya'ma negekesa kehelito nemeha'ni su holenogo bati huto ni'inagi ya'ma Sipi Bo Yesuhi foya'a nimi'ehina Hu'ma lehe'mose'namofihi ka'a hiti ka lamana'a hiti lu yege hoto ya'ma lili'na'nimofihi su holenogo bati hilunagihe.

Yoni 17:12

Enali hiti minota yupahi ya'ma nanitoga enele'mo molo'ahata bona'i ya'ma kaika kigika nimi'ahata yamofihi amuya'auba ya'ma kagakaloti enehe'moto nohugo yamofihi kaba huse'nakagu mine'ahana. Ya hilago kaba hu epoloto nohugo haya mekele'ahana yabe. To mono bukugu keye'ahanamofihi kaga mone ule'ale hilibe luto logo hepa'mofihi nasana bo, ai'a moneko'isi ya'ma fakene huto huto hu'ehina.

Maki 3:19

To Yutasi ai Kelioti kapoguti bo yabe. Ana bouba ai alihi Yesuhi gutunu ka fateha'amagihi lu epi'ehina bo yabe. Enaligo enele'mo ho ti'ehina yabe.

2 Koliti 5:18

Ana nasanamofihi legeya'a ya'ma Hu'mamofihi nasanago ni'ibe. Lali koyapa'i ai fatehe bona'a mino'ohutaya ai'a ya'ma Kilisito kumu luto lele'mo fulu hulago ai'a bona'a nominone. To ya huto lali bona'i luga'a ya'ma ana huto enele'mo fulu hilina ka'a lu epilabe luto lu limi'ehinamo ni'ibe.

2 Koliti 4:1

Hu'mau ai keke'i luse'namu foya'a yamofihi lu leto'ehinamo ya'ma to komopatigu keta mehina'mu kosele'i kasele'i mehone.

Aposolo 12:25

To Banabasiugo Soliugo mono foya lili'na Yelusale neli'ina su holago Yoni Makihi le'mete i behe hite e'aha'ina yabe.

Luku 22:47

Yesu kaga noluto babu bona'magi neago Yutasiu, aposolo nagaluguti moneuba kohe to epalago e'ahana. Ai Yesuhi nu kiloto ya'ma bo yabe luto enelepilube'mu Yesu nohinalo o leba to'ehina.

Luku 6:16

To Yutasi ai Yemesihi pana'a. To Yutasi Isikelioti ai aliha'a minoto Yesuhi fateha'amagihi epi'ehina yabe.

Matiu 10:4

To Simoni ai fato gi'a Seloti yabe. To Yutasi fato gi'a Isikelioti, ai Yesuhi mi'i moloto fateha'amagihi epi'ehina yabe.