Aposolo 1:16 - Ka Lamana'a Monoꞌi Lu Mu Tifiꞌehina Ka Yabe

¹⁶ Nogonamu tamu'nimagita lenali kehelilo. Koyapa'i monolugu fayahi mone nina Sikalafu'uba Tebitihi bagalo lu huto hu'ehina yabe. Ai Yutasi kumu lu'ehina, ya'ma bouba ai Yesuhi halana bona'magihi kapo'ani li hokolo hilina'mu yabe. Ya lite fayahi ge'ahana ana suhi ahu'ehibe.

Aposolo 1:16 Referans Kwoze

Yoni 13:18

Nani lenali kumu asaga'i menolube. Enele'mo ho ti'ohuna'amofihi akeheli'ohube. Koyapa'i mono bukugu fayahi ge'ahana ya'ma lama'naka lu huto hilinamo ni'ibe: Nose'na noto mino'ina bouba gigusatu la'misa nefi'ehibe.

Aposolo 1:20

Yalo Pitau lu'ehina: Ya'ma fayahi namamo lise bukugu ni'ina, ai ma luto yabe. Ai noha'a yu'nohi mineno. Bona'i mone ana nonugu memineno. To mone hiti ma luto ni'ina yabe. Bo moneuba ai hepa'i lito nona'a lili'na alino.

Matiu 26:56

Ya hu'ehinaya kaga lu huto huto bomagi mono kagu fayahi ge'ahanalo pa salina'mu yabe. Ya luto ligo Yesuhi koko pana'a tili tele hite koli fele su he'ahana yabe.

Matiu 26:54

Nani ya hilunaya Hu'mau fayanugu go'ehinamofihi mana'a hiya'a huto huto hilinabe? Monolugu ma lite ge'ahana yabe, asaga'na ya'ma suhi luto huto hilina'mu yabe.

Matiu 26:47

Yesu kaga luto nohigo Yutasiu 12 Yesuhi koko pana'a mino'ehinauba Yesu nohinalo neheti'ehina. Ya nohigo babu bona'i mege'i melete yanamagi emita'i yatamana nelite osahi ko nefite bululu hite e'ahana. Ya'mana bona'i enali sipi mono bona'i hiti to soga bona'magi enoho lifigo e'ahana yabe.

1 Pita 1:11

Enali ya'ma huto hilina kana'a sa sa hi'ahana, Hu'mau ya'ma Kilisitohi ho lifilina kana henaki yupahi huto huse kanagu huto hilibe lite sa sa hi'ahana. To Kilisitohi meha'a yauba komopa'anigu molo epalago enali ya'ma lenali kanagu yabe lite keheli'ahabe. Lenali kanagu Kilisitou huto huloto yalo keke'i luse'namofihi gupisalo tito fililina yalo ho tito sekele mamu'a lilina'mu yabe lite keheli'ahabe.

Maki 14:43

Yesu ya noligo, ana'asi aposolo bo moneuba, gi'a Yutasi, ai hiti babu bona'magi hiti muki osahi to emita osahi kofite neabe. Enali sipi mono bomagi to mono ka enelepise bomagi hiti to olopa mono bomagi hiti enoho lifilago ete neheti'ahana yabe.

2 Pita 2:21

Bona'i ya'amagi enali kapo lamana'a mekehelise minatita ya bati hatita'mu yabe. To kapo lamana'alo kehelilete yalo aku'i Hu'mau lu molo epolo'ehina kaga lamana'amofihi enemegesa hu emite i behe hite ete kosaba kapo he'mite tafa'a kapolo nebago ya'ma bati mehu'ehina sibina hulata nohibe.

Aposolo 23:6

To luga'a kanisole bo Satusi yagi to luga'a kanisole Felosi yagi hite Polu bu enogoloto ai kehe ito ma luto lu epi'ehina: Nalalu'nigita. Nani afo'nifu Felosi bo nohigo nani'ni hiti ana huto Felosi bo nohube. Nani bona'i fililete aku'i ho tilana kaga'a lu noepuna ana kagamu'i lite lenali yatai ka foya neli netabe.

Aposolo 23:1

Polu kanisolemagi enubugu bu go fiya i'ohuto ma luto lu epi'ehina: Nalalu'nimagita. Nani ana'ina mone li sibina mehuse Hu'mamofihi bu'alo kapo molomofa'na huto nugufa'nigu laga higo minomo tito tito yatai hiti ana nohube.

Aposolo 22:1

Lenali afo'nigi nogona'nigi nalalu'nigitase. Kaga'nimofihi hapa'a lu lepilunagi keheli'ehilo.

Aposolo 15:7

Enali kenasabo bite kaga lumupa ilago Pitau ho tiloto ma luto lu'ehina: Nalalu'nigitase. Koyapa kanagu nani'i fegutoga bona'magitoga ka lamana'a lu yege ho epilenogo enali ana kaga kehelite li komopa'anigu malalabe luto Hu'mau lenali folagahatiniguti nele'mo ho ti'ehina lenali keheliya i'ahabe.

Aposolo 13:38

Ya hu'ehinagi nalalu'nigita lenali keheli bati hilo. Lenalitoga kaga ma luto lu yege nohone. Ya'mana bouba ai asaga foipatini li he'mi su holoto lenele'mo lenubuto bi'ehibe.

Aposolo 13:15

Mono noto kanisole bomagi Moseu li'ehina keya ka hiti to kaga lu huto hulata bomagi fayahi ge'ahanana hiti leka selete alihi kaga ma lite Polu hiti lalu'agi hiti lu epi'ahana: Nogonamu tamu'ise, boana'magi komopa'ani li amuya malalana kaga lite e'ehitemo lenali lu hokolo hite lu epilanamo ni'ibe.

Aposolo 7:2

Ya luto loka hago Sitifeniu lu emi'ehina: Nogo'nigita afo'nigita kehelilo. Hu'mau fana meha'a hiti bouba koyapa'i tatatifu Abalahau Halani hepato mebu'ohuto Mesopotamia hepato minana kana'aluga nehetito bulo hu'ehina.

Aposolo 2:37

Asaga boana'magi ya'mana kaga kehelilete enali enelesa'ani ligo Pita hiti to luga'a aposolo pana'magitoga ma lite enoloka he'ahana: Ligibo lagabose. Ya lanago lali hena hiluta ni'ibe?

Aposolo 2:23

Koyapa'i Hu'mau ai'a ekesa yigito mololoto ai ya'mana bo Yesuhi lenali lenayanugu molo'ehina yabe. To enali kaga li gofa hose bomagihi enayanugu meleletetini malipu yafalo hago fili'ehina yabe.

Yoni 19:36

Bona'magi Yesuhi ya'ma asaga'i hi ete'ahana koyapa'i mono bukugu fayahi keye'ahana'mu ana huto hu'ehina: Felisa'a moneko'isi li gofa mehi etalabe, koyo'ehinana hiti

Yoni 10:35

Ya'ma lali mono kaga keye'ahana lamana ka ni'igo mino lito bu'ehina kaga ni'ibe. Hu'mau ka'a lu epi'ehina'a enali kumu nani suhi hite mine'ahabe luto Hu'mau lu'ehina.

Luku 22:47

Yesu kaga noluto babu bona'magi neago Yutasiu, aposolo nagaluguti moneuba kohe to epalago e'ahana. Ai Yesuhi nu kiloto ya'ma bo yabe luto enelepilube'mu Yesu nohinalo o leba to'ehina.

Maki 12:36

Koyapa'a Tebitiu Hetofa Sikalafu'uba lu emi'ehina ka ya'ma luto ma lu'ehina: Sipi Bo Hu'mau nani Sipi Bo'ni ma lu emi'ehina: Kai lamaga'nilo minotoka, to nani fatehakamagihi enoho su holenogo melugu minelenogo kai kigigusakatu enemegesa'anilo kifita ilane.

Aposolo 28:25

Enali'ani fato fato enegekesa yigilete bula ola hilune'mu nehago Polu kaga mone ma luto lu epi'ehina: Tatatifihi Aisaiyahi kaga lu yege holata bomofihi bagalo Sikalafu'uba ma'naka luto ma luto lu emi'ehina yabe:

Aposolo 28:17

Alihi nohi loegi monegi koloto Polu ana hepato Yuta kaba bona'i kehe i tulu hu'ehina. Ana bona'i enali ete li nupa hilago ma luto lu epi'ehina: Nigibo nagabose. Lali bonati enele'mo sibina hula to tatatigitogati lilata nohuta suhati mone li sibina mehu'ohunamo ni'inamo Yelusale hepalugu nagalugu nele'me melelete Lomu bona'magi enayanugu nele'mo mele'ahabe.

Aposolo 15:13

Etali ka'atiti ali su hela'igo Yemesiu ho tito lu'ehina: Nani liluna kaga kehelilo, nalalu'nigita.

Matiu 26:14

Ya'mana yupahi Yesuhi koko pana'a 12 nehanaguti Yutasi Isikelioti yabe lite gi nemalana bouba sipi mono nopo kaba bonatoga gutunu ka ma luto buto lu epi'ehina:

Yoni 17:12

Enali hiti minota yupahi ya'ma nanitoga enele'mo molo'ahata bona'i ya'ma kaika kigika nimi'ahata yamofihi amuya'auba ya'ma kagakaloti enehe'moto nohugo yamofihi kaba huse'nakagu mine'ahana. Ya hilago kaba hu epoloto nohugo haya mekele'ahana yabe. To mono bukugu keye'ahanamofihi kaga mone ule'ale hilibe luto logo hepa'mofihi nasana bo, ai'a moneko'isi ya'ma fakene huto huto hu'ehina.

2 Pita 1:21

Ya'ma lu huto hu'ehina ka mone'ya bona'magita kehelite komopa'anitu li bati hilete mone meli'ahabe. Bona'magi enali Hu'mamofihi hetofa Sikalafu'uba enele'mo babahi higo Hu'mamofitogati kaga'a kehelite minete lu yege he'ahanamo ni'ibe.