Aposolo 1:15 - Ka Lamana'a Monoꞌi Lu Mu Tifiꞌehina Ka Yabe

¹⁵ Nunumu hite minana kana'a nesi'a babu luto enebe ligilago mone yupahi 120 bona'i li nupa hite minago Pitau ho tiloto ma luto lu epi'ehina:

Aposolo 1:15 Referans Kwoze

1 Koliti 15:6

Analoti bona'a naga'i 500 enali li nupa hite nehago analo huto hu enebe ligo be ge su he'ahana. Enalitogati asaga enubu hiti nehanaya mone'a fili'ahana ya'ma kanagu nokoyobe.

Huto Hilina Ka 11:13

To ana yupahi kokulumagu tite nemina'igo ana'asi imima'i sipi li'ehina. Noligo ana hepa'i luga'a sibina hu su nohago hepa'i luga'a 9 fa'mene mino'ehina. To bona'i 7 tauseni fili su he'ahana. To enubu hiti minalana'amagihi sipi enelesa nelinogo Hu'mau kokuluma afo'afihi gi'a liyafa hinogo bati hite minalune'mu habe.

Aposolo 21:20

Enali asaga'i ya'ma kehelilete Hu'mamofihi fokehi li'ahabe. To Poluhi kaga ma lu emi'ahabe: Lalalutiga, kehelibo. Ya'ma Yuta bona'magi samahi tite Yesuhi naga'i lolo hi'ahabe. To enali koyapa keya kamu'i amuya melete ule'ale hite mege'i melelata nehabe.

Yoni 21:23

Ana kaga'mu Yesu pana'alobomagi kehelite ya'ma bita hu'ehina pana'amu'i mefililibe lite li'ahana. Yesu ya'ma kaga mefililibe, luto melu'ehinagi ai lu'ehina: Ai minoba minoba huto nani aluna yupapo minenogo ya'ma kai'naka ni'ifiye? ya'ma Yesu lu molo'ehinana ni'ibe.

Huto Hilina Ka 3:4

To Satisi hepatoga bona'i nesi'a nehana lenali i kolo bise'natini oifa'i ilana suhi mehabe. To ya nehana'amagi minete koholi guketetinimofihi hapa'a lilete minalana nani hiti humofa'na hite minete lite hilana'mu yabe. Lenali ya suhi hilana bati hite minete nani hiti minalabe.

Yoni 14:12

Lusiga lu nolepube. Bona'i mone'amagi nanitoga keheli ule'ale hu niminogo ya'ma nani amuya foya'ni suhi hite lilana'mu to, ma'naka luto mone hiti foya'nimofihi be ligite babu lite lilabe. Hena'mube? Nani Afo'nifitoga tito minenogo'ni enehe'menogo babu lite amuya lili'namo lilabe.

Luku 22:32

Ya hu'ehina nani afo'nifihi loka hoto kaitoga kehe'malibe luto ahu'ohube to kai nanitoga komopaka moloto nominatana mehe'mibo. To alihi komopaka i gelehe huto olotomo yalo kaikago'i kai to kogonakamagihi enele'mo amuya molobo.

Matiu 13:31

Yesu fato bame ka mone ma luto lu epi'ehina: Kokulumamofihi kapo'aya nose'na legeya'amofihi suhi luto ni'ibe. To ana nose'na legeya'a masiteti yabe lite lilata nehabe. Ana nose'na legeya'a bo moneuba lito foya'agu nokafabe.

Aposolo 10:23

Ya lite lago Pitau lu epi'ehina: Nonuga tilo. Lali koloto yago etehi bilune. Ya luto ligo kelete eteka'a ho tilete kapo melete nebago Yopa bona'i luga'amagi enemege'i melete bi'ahana yabe.

Aposolo 11:1

Yutia kegi'afi to Galili kegi'a aposolo bona'i hiti to Yesutoga komopa'ani melete minanamagi ya hite fegutoga bona'magi ana hite Hu'mamofihi kaga'a libe lana'a keheli baga i'ahana yabe.

Aposolo 11:12

Ya hago kekesa loe lae meyigito mana bo enemege'i bubo luto Sikalafu'uba lu nimi'ehina yabe. Ya hulago Sisaliati Hu'mamofitoga komopa'ani emite neminana bo luga'amagi hiti Koniliasihi nonuga moneka buto ti'ohuta yabe.

Aposolo 11:26

Ya huto Solihi bu goloto Atioki aku'i le'moto o'ehina. Ya hilete ana hepato kufu mone'a mino baga ite Yesuhi naga'a enele'mo nupa hite sipi luga'a ka mana'a enelepi'aha'ina yabe. Aposolo bomagi Atioki hepato yata'a yupahi Kilisiteni enigi li'ahana yabe.

Aposolo 11:29

Ya hago aposolo bomagi Yesutoga komopa'ani emite minana enalalu'anigi Yutia kegi'a nehanamagihi enehe'malune lite kaga lu keheli'ahana. Ya hilete Yesutoga komopa'ani emite minanamagi efahi ga'i legete li nupa hilete guna ite luga'a enali'ani nemelete luga kegi'a enalitoga mele'ahana.

Aposolo 12:17

Ya nehago Pitau sipi kaga melilo luto yatu babeyafa hu'ehina. Ya huloto Sipi Bouba naga nonuguti le'mo fegutoga molo'ehina kaga lu epi'ehina. Lenali ya'ma kaga lite bite Yemesi hiti lalalutigi hiti lu epi baga ilo. Ya luto lu epiloto Pitau fegutoga limito fato hepatoga bu'ehina yabe.

Aposolo 14:2

To ya hana Yuta bona'magi ana kaga komopa'anigu li memolose minanamagi fegutoga bona'i luga'a faga lu nelepibe lite enalitoga enele'mo melelete Yesutoga komopa'ani emite minana bona'i enipakafa hete faga faga nelabe lite ka epeki'ahana.

Aposolo 15:1

Bona'i luga'amagi Yutia kegi'ati ete Atioki henetilete Yesuhi kaga'a kehelise bona'a kaga ma lite enelepi'ahana: Lenali Mosehi keya ka lu'ehina'a hite mege'i melete lenugufa laga mehilana lenugufatini li lenubuto mebilana'mu yabe, lite ya'ma kaga'ani lu epite hapi fi'ahana.

Aposolo 15:3

Yesuhi kaga kehelise bona'magi ana hepatogati enoho lifigo enali Fonisia kegi'a bite to Samalia kegi'a bilete li'ahana: Fegutoga bona'magi Hu'mamofitoga komopa'ani emi'ahanamofihi kaga lu epi'ahana. Enalalu'anigi ya'ma kaga kehelilete enegelo sipi bi'ahana yabe.

Aposolo 16:2

Asaga Hu'mamofihi naga'amagi Lisitala hepalugu hiti to Ikoniu hepalugu hiti Timoti kumu hetofa pana'i yabe lite fokehi lilata nehana pana'i yabe li'ahana.

Aposolo 16:40

Ya hago Polugo Silasiugo naga nonuguti fegutoga limilete Litiaha nonuga bi'aha'ina. Analo Hu'mamofitoga komopa'ani emite minana bona'i Hu'mamofitoga amuya melete komopatini aitogago emite minalo lite amuya kaga lu epilete he'mi epelete bi'aha'ina yabe.

Aposolo 17:6

Ya hana etali meneha'igo Yesoni hiti lalu'agi luga'a hiti enayato lite gamani bona'i enubulo bilete nogo'ani sipi ma lite li'ahana: Enali ya'ma bomagi asaga hepa'i li sibina nehana yatai ma hepati li sibina hilune'mu nehabe.

Aposolo 17:10

To ana folugu'i sinihi ginogo Yesutoga agoya hu emi'ahana bona'magi Polunogo Silasinogo Belia hepato mele'isi etoho lifi'ahana. Ya hago etali Belia hepato henetilete Yuta bona'magi mono li gehesa huse nonuga bite ti'aha'ina yabe.

Aposolo 17:14

Ya nehago Yesutoga agoya hu emi'ahana bona'magi Poluhi mele'isi le'mo he'migo hege nagami beletoga limi'ehina. Ya nohigo Silasiugo Timotiugo etali Belia hepatoga mine'aha'ina.

Aposolo 18:18

Polu Koliti hepato lalu'agi hiti babu kana minoloto Pilisilanogo Akuilanogo Silia metoga botigu tite bilune'mu bi'ahana. Ai mebu'ohuto lama'naka nolube luto Senikilia hepalugu golagalo yahi ti'ehina'mu luto oka'a laga hu'ehina yabe.

Aposolo 18:27

Alihi Apolosiu Gilisi metoga bilube'mu nohigo Efeso Yesuhi agoya hu emi'ahana bona'magi he'mete fayahi mone Gilisi hepalugu minela bona'anitoga Apolosihi ya hepatoga be tigite le'mo bati hilo lite fayahi gete emi'ahana. Apolosiu ana hepatoga nehetiloto luga'a bona'i Hu'mau enele'mo koyone huloto komopa'ani aitoga emite minalanana ai'a epi'ehina. Enali Hu'mau enehe'mo'ehina bona'i ya'ma Yesutoga komopa'ani emi'ahanamagi Apolosiu kaba hu epoloto hetofana huto enehe'mo'ehina.

Aposolo 21:7

To Taiya hepatogati he'mito buto Tolemesi hepato nehetito anaga neminana bonati Yesuhi kaga'a kehelise nehanamagihi enebe tigitoti enali hiti minoto moneko yegegu ko'ohune.

Aposolo 21:17

Yelusale hepato nehetugo anaga nemina bonatimagi lebe tigite soso hi lete'ahana.

Aposolo 22:5

Ya'ma mamufa gilata bo, sipi bo to mono kanisole bona'i hiti enali asaga'i ya'ma hapa'ni koyapa ya huto ni'igo ma'naka nolibe keheli'ahabe. Enali fayahi keye'ahanana nimiloto noho lifilago buto Tamasiko hepato buto Yuta lalu'anifihi epiloto ana hepato Yesuhi kaga kehelise bona'i naga'i epito seni naga'i sa gi epoloto Yelusale hepatoga enele'moto oto osahi epilabe luto bu'ohuna yabe.

Aposolo 28:14

Ya'mana hepato Hu'mamofitoga komopa'ani emite neminana bona'i bu enogonogo ana bona'magi lali hiti salele mone minete bilabe lite lele'mo mele'ahana. To ya huloto Lomu hepato o'ohuta yabe.