Aposolo 1:14 - Ka Lamana'a Monoꞌi Lu Mu Tifiꞌehina Ka Yabe

¹⁴ Ya'ma bo asaga'i enali komopa'ani monetoga melete li nupa hite numuna hite minelata hi'ahana. To ana'i luga'a hiti to Maliau Yesuhi ito'afi hiti to gonamu tamu'a enali ana hite moneko ete li nupa hite nunumu hite mine'ahana yabe.

Aposolo 1:14 Referans Kwoze

Efeso 6:18

Ya nehite lenali silaga kanagu Hu'mamofihi Sikalafu'uba lenehe'menogo Hu'mamofitoga minete lehe'mobo lite buka tite minalo. To iyo iyo hite kosele'i kasele'i melenehenogo kaba hite minalo. Ya nehite Hu'mamofihi bona'i yege yege'namu'i yabe lite nunumu foya lite minalo.

Aposolo 6:4

Ya hinogo laliti nunumu huse'na hiti to boana'i kaga lu yege hose'namofihi lili'na'asigo li eto huto lito bilune.

Kolose 4:2

To kosele'i mehose amuya melete Hu'mamofitoga fokehi nelite nunumu hite Hu'mamofihi loka holata nehite minalo.

Aposolo 2:42

Enali aposolo pana'magi kaga'ani mone'a hiti kehelilune lite amuya mele'ahana, to enigibo nagabo enehe'mola, nose'na monekolugu li nupa hite nela hite to nunumu monekolugu li nupa hilete hilata hi'ahana yabe.

Romu 12:12

Lenali Hu'mamofihi bu galana yupahi mineme bite geba hilananauba lenele'mo amuya melenogo lenofokehi lilo. To keta huse'nauba lenalitoga huto nohinogomo komopatinigu fulu huse'na'mu Hu'mau lenehe'malinamofihi geba hite minalo. To asaga yupahi kosele'i melenehenogo Hu'mamofihi loka hete nunumu hilo.

Luku 18:1

To kosele meenehenogo ute etehi nunumu hilana bame ka Yesu lu epito ma luto lu epi'ehina:

Matiu 21:22

Lenali komopatini Hu'mamofitoga melelete ana'ina mone kumu'i nunumu hilana ana nunumutinilo nona'a lilana'mu yabe, luto Yesu lu epi'ehina yabe.

Aposolo 2:1

Sikalafu'i limise kana'a olago enali moneko nonuga ete li nupa hite mine'ahana.

Luku 11:13

Yalo ana huto lenali bo foipa'amagita yagapanatini enele'mo hofa telete ana'ina bati hu'ehina enegelo bite epilata nehabe. Ya suhi lito ana huto kokulumalugu nohina bo, Afotinifu, ai'a hapa'a sipi hetofana ni'igo aitoga loka halune'mu nehana Hetofa Sikalafu'a epilina'mu yabe, luto Yesu koko panana'a lu epi'ehina.

Aposolo 2:46

Asaga yupahi utehi etehi moneko naga'i lolo hite sipi mono nonuga li nupa hite bilata hi'ahana, to noha'anigu nose'na monekolugu nupa hite nelata hi'ahana, to fuluna kiya yokolo'nagu minete nose'na nelata hi'ahana yabe.

Luku 24:53

Ya hilete enali asaga yupahi sipi mono nonugu nehite Hu'mamofihi gi'a liyafa hiba hiba hite mine'ahana yabe.

Matiu 12:46

Yesu babu boana'i kaga lu epito nohigo ito'afi hiti gona'a hiti aitoga e'ahana. Bona'magi Yesuhi le'mo bego hi'ahago enali enemegesaga nehite Yesuhi kaga lu emilune'mu nohune lite bona'i enoloka he'ahana yabe.

Luku 24:10

To ana ana'i enali anana huto hina bu ge'ahanaya Malia ya'ma Magatala hepato a'i yagi Yoana yagi to Malia, Yemesihi ito'afu yagi to luga'a ana'i hiti bite bu ge'ahanamagi Yesuhi aposolo pana'a ya huto asaga'na huto hu'ehibe lite lu epi'ahana yabe.

Luku 23:55

To ana'i enali Galili kapoguti ho tilete Yesuhi mege'i lifite e'ahana ana'i enali Yosefehi mege'i melete bi'ahana yabe. Ya hilete enali efaha muli'i bu ge'ahana yabe. To ana bite Yosefeu Yesuhi gufa'a hena hena huto malafi lite bu go bati hi'ahana yabe.

Luku 23:49

Yesuhi lalu'agi luga'a hiti to ana'i luga'a hiti Galili kapoguti Yesuhi mege'i lifite e'ahanamagi nesi'asi foto'i mino melete mine'ahana enali asaga'na Yesuhi hu etanana bu ge'ahana yabe.

Maki 16:1

Fuli yupahi su holago, Malia Magatala a'i to Malia Yemesihi ito'afu to Salome, enaligo Yesuhi gufa'alo mesebe falalune lite bite hetofa mesebe mina fi'ahabe.

Maki 15:40

To ana'i mone'amagi foto'i nehite bu gete mine'ahabe. Mone gi'a Malia, ai Magatala a'i yabe. To mone ana huto gi'a Malia, ai Yosese hiti to lagaso Yemesi hiti ito'atitifu yabe. To mone gi'a Salome yabe.

Matiu 27:55

Babu ana'i Galili hepa'i he'milete Yesuhi he'malune lite mege'i lifite e'ahana anaga mine'ahana. Ya'mana ana'magi foto'i ho tilete nehite gili gili hi'ahana yabe.

Luku 24:33

Etali ya lite lilete ana'asilo ho tite i behe hite Yelusale hepatoga bi'aha'ina. Etali nehetilete nayahi luga luga su hoto nigigusagati mone heleko malago Yesuhi aposolo pana'a hiti to luga'a bona'i hiti li nupa hite nehago bu enege'aha'ina.

Luku 8:20

Ya hite nehago mone kene'uba bu enogoloto Yesuhi kehe i emito lu'ehina: Kai itokafumo to kogonamu tamukamomagi bu kagalune lite ma fegutoga ho tilete nehabe.

1 Koliti 14:13

Ya hu'ehina'mu fato enonogoguti kaga fa'mene ana'asi lilana bona'magi hapa'a bati hilete lu hokolo hite lu epilanamofihi amuya lilune litemo Hu'mamofitoga kehe ilabe.