Aposolo 1:13 - Ka Lamana'a Monoꞌi Lu Mu Tifiꞌehina Ka Yabe

¹³ Ya hu'ehigo enali Yelusale'i nehetilete minelata nehana nohi hasagu ti'ahana. Enali enigi'ani, Pitau, Yoniu, Yemesiu yagi to Batolomu, Filipiu yagi to Tomasi, Atulu yagi to Matiu, Alifiasihi pana'a Yemesi, Simoni gimi bo yagi, to Yutasiu Yemesihi pana'a ya hite enali asaga'i mine'ahana.

Aposolo 1:13 Referans Kwoze

Aposolo 20:8

To lali li nupa hu'ohuna hasagu ifo nopogu mino'ohuna. Yanagu libi'i babu luto li kulu ti'ahabe.

Luku 22:12

To ai sipi hasa mone ifolo hita hiti to sia hiti ni'ilina letelepinogo letali anaga asaga Pasa nose'na li loloba hiliyo.

Maki 14:15

To ai ifo nonugu letele'moto tilibe. Anagu sipi nohi mone ai'a ale'mo bati hu'ehinana letelepilibe. Ana nonugu letali Pasa nose'nati li nupa hite le'mo bati hiliyo.

Maki 2:14

To anagati he'mito buto Alifiasihi pana'a Libai takisi nonugu nohigo bu goto ma lu emi'ehina: Ma bo yale. Kai nemege'i obo. To ya ligo, ai ho tito mege'i bu'ehina yabe.

Yemesi 1:1

Nani Yemesita Hu'mamofihi koko pana'a to Sipi Bo Yesu Kilisitohi pana'amofita nani'ni fayahi nokoyobe. Lenali Isilaeli bona'magihi naga'i nayahi luga luga su hoto nigigusaga loemo leke ho malago tili tele hite bi'ahana bonatogati Yesuhi naga'a lolo hi'ahanamagihi keke'i lu epoloto ya'ma fayahi nokoyobe.

Aposolo 12:17

Ya nehago Pitau sipi kaga melilo luto yatu babeyafa hu'ehina. Ya huloto Sipi Bouba naga nonuguti le'mo fegutoga molo'ehina kaga lu epi'ehina. Lenali ya'ma kaga lite bite Yemesi hiti lalalutigi hiti lu epi baga ilo. Ya luto lu epiloto Pitau fegutoga limito fato hepatoga bu'ehina yabe.

Aposolo 2:38

Pitau ka'anilo ma luto lu epi'ehina: Lenali mone'isi mone'isi komopatini i gelehe hilete Yesuhi gilo nagami'i falalana lenali foipanatini li he'minogo Hu'mamofitogati amuyana Sikalafu'a lepilibe.

Yute 1:1

Yuteita nani Yesu Kilisitohi kele kele'a to Yemesihi gona'amofita, afotifu Hu'mau elesa molo lepito komopa'a lepilata nohina'mu lenele'mo moloto Yesu Kilisitohi kabalo lenele'mo molo'ehinamo lenali fayahi ya'ma koyoto nolepube.

Galesia 2:9

Ya hulago Yemesiugo Pitaugo Yoniugo mono'mofihi enikibina bo nehafihe lite keheli'ahana yamagi Hu'mau pa sose foya'alo le'mo hetofa hu'ehibe lite nani kumu ya lite keheli'ahana. Kehelilete lalalutifu yabe lite Banabasi hiti le'eyanugu li'ahana. Ya hilete lenali fegutoga bona'magitoga Hu'mamofihi foya nelinogo laliti Yuta bona'magitoga nelinogo huto minalune lite lu mele'ahana.

Galesia 1:19

Ya huto nohu'igo aposolo bo luga'a bu meenogobe. Sipi Bomofihi gona'a Yemesihi ya'ma aigo bu go'ohuna yabe. Yana bona'magi aposolo nele'mo ho meti'ahanagi Hu'mau ai'ago nele'mo ho ti'ehina.

Aposolo 15:13

Etali ka'atiti ali su hela'igo Yemesiu ho tito lu'ehina: Nani liluna kaga kehelilo, nalalu'nigita.

Aposolo 4:19

Ya lite lago Pitaugo Yoniugo ma lite kanisole bomagihi ka'anilo lu epi'aha'ina: Lenalitini loko hite hiya kagauba Hu'mamofihi bulo bati hilifi lite kehelilo. Lenali kagamofihi mege'i malalu'ifi to Hu'mamofihi mege'i malalu'ifi lenaligo kehelilo lite li'aha'ina yabe.

Aposolo 4:13

Pitaugo Yoniugo etali koli mehise amuya melete kaga lu yege ha'ina enali bu ge'ahana. To etali babafi bomale'i memina'ina fa'mene bole neha'ibe lite kanisole bomagi akeheli'ahana. Ya'mu lite enali kaba kanisole bomagi enekesa yigi babu lilete ma lite akeheli'ahana, koyapa'i etali Yesuhi mege'i melete moneka mine'ahana yabe.

Aposolo 2:14

Ya lago Pitau hiti to nayahi luga luga su hoto nigigusagati mone heleko malago nehana aposolo naga'i hiti asaga'i ho tilete kehe sipi iloto kaga lu hokolo huto asaga boana'i ma luto lu epi'ehina: Lenali Yuta bona'i hiti to asaga boana'i lenali Yelusale ete li gehesa hite nehanamagita nani kaga mone'ya lilube'mu nohunagi kehelilete ya'mananamofihi hapa'a keheli bati hilabe.

Yoni 21:2

Pana'alobo'amagi Simoni Pitagi Tomasigi fato gi'a Loe Lae eteketo'ehina yabe nelana to Natanieligi ai Galili kapomofihi Kena hepato bo to Sepetihi pana'amale'i hiti to Yesuhi fato pana'alobo'a loemo etali hiti li nupa hite ana hefuhi nagami beletoga mine'ahabe.

Yoni 18:17

Ana palala'uba Yesutoga bu go saga huto Pitahi lu emi'ehina: Miya bomofihi pana'a mone nohapi menohane? luto ligo: O'e, nanimoya menohube, luto Pitau lu'ehina yabe.

Yoni 11:16

Ya ligo Tomasiu fato gi'a Ubabeya yabe lalu'agihi pana'alobo lu epi'ehina: Ke, bati huto babafi boti ai hiti lali hiti binogoti loho fililabe.

Maki 14:33

Ya luto ai Pitagi Yemesigi Yonigi, enaligo enele'moto nobigo, komopa'agu sipi keta higo ipa'agu gabu'i gofa gigo ma luto lu epi'ehina:

Maki 9:2

To yalo, loeyagi loeyagi loeyagi yege yupahi su holago, Yesu Pitanogo Yemesinogo Yonigihi enele'moto buto sipi kosagu tito'a, anaga enubu'anilo gufa'a gulu foto besa lago yege fise'na huto mino'ehibe.

Maki 5:37

To ya luloto Pitagi Yemesigi to Yemesihi gona'a Yonigi enaligo enele'moto buto mono nohi kaba bomofihi noha'aga neheti'ahabe.

Matiu 9:9

Yesu ana hepa'i he'miloto kapo moloto binaga takisi nolina bo mone gi'a Matiu yabe lite helata nehana bo ai takisi lilata nohina nonuga nohigo Yesu bu goloto ma luto lu emi'ehina: Nemege'i molobo. Ya ligo Matiu ho tiloto Yesuhi mege'i lifito bu'ehina yabe.

2 Yoni 1:1

Oho, kai Sipi Bouba kele'mo eto hu'ehina a'ise. Olopa bo kohe'amofita nani fayahi koyo nokumube. To kai paka panaka fayaha nasana ya'ma koyoto noepube. Nani komopa'ni lepito koyoto nolepube. To nani'nisigo meni'ibe. Ka'a lamana'a kehelite komopa'anigu melelata nehana bona'i enali asaga'i komopa'ani lepilata nehana ni'ibe.

1 Koliti 15:7

Analoti gona'a Yemesihi huto hu be li'ehina analoti aposolo asaga'i huto enebe li'ehina.

Yoni 14:22

Yesu ya luto ligo Yutasiu, fato Yutasi ya'ma Isikelioti menohina, ai loka ho'ehina: Sipi Bo yale, henabe luto noto noto bona'i kai'naka meenelepise lalisigo nolelepine?