2 Timoti 4:8 - Ka Lamana'a Monoꞌi Lu Mu Tifiꞌehina Ka Yabe

⁸ To ya hugo ya'ma kokulumaguti be ligi'ohutamofihi mina sekele mamu'a hiti kakili'i lamana'a Sipi Bouba ya'ma hetofa nona'a guna malalina bo ai anana nimilibe. Minoto kana'a sipi yupahi Sipi Bouba ai'a le'mo bebe soto guna mololata bouba nani hiti silaga bona'i ai nehetilina kana'amu fifa ito geba hulata nohuta bona'i ya'ma ana kakili'i bi letalina'mu yabe.

2 Timoti 4:8 Referans Kwoze

Yemesi 1:12

Kalana'i nemele lepelenogomo fili tegi hite meminalana'a yamagi enegelo bite minalana'mu yabe. Fi taga hi epelenogomo su nehenogo yamofihi Hu'mamofitoga komopa'ani emite minalana bona'i epilube luto lu molo'ehina nasana yamofihi babeyafa'a minoba minoba huse'na liluta'mu yabe.

Huto Hilina Ka 2:10

Lenalitoga keta'a huse'na aku'i huto hu lepilube'mu higo lenelesa melino. Keheli'ahafiye? Satau ai enimi'i mololata nasana huto hu lepilibe luto lenalitogati luga'a ya'ma naga nonugu lenele'mo malalina'mu yabe. Ya hulenogo keke'i luse'na keta huse'namofihi kana'a 10 yupapogu huto hu epilina'mu yabe. Lenali ya'ma mono ka li pili kete lite fililafi fa'mene minalafi lite minete kehelilenogo sekele mamu'a hiti kakili tegi huto ule'ale huto minolata nohinamofihi lito bi lepalalube'mu hube.

1 Pita 5:4

To minoto kaba bo Sipi Bouba nehetito sekele mamu'a hetofana ni'ilina yanamofihi fana tose'na'a sipi'a amuya moloto minolatamofihi yana'a ifi to lepelenogo minalabe.

1 Pita 1:4

To fili'ehinaguti le'mo ho ti'ehina'mu luto kokulumagu amuya fe'nohi fulupa meilina'a to sibi mehilina'a to fenene mehilina'a molo lepolo'ehina yabe. To fililata'namofihi ya'ma geba hulata nohuta yamofihi minete kokulumagu tilabe luto lenele'mo babahi nohu lepalabe.

2 Timoti 1:12

To nani keke'i luse'na kehelilatana yamofihi nugupisalo tilata nohina yana'mu nubuya'ni menohibe. Nani nokehelugo amuya molo'ohuna bo ya'ma keheli'ohube. To negekesa loegu mekehelise ya'ma luto keheli fe nolube. Hu'mau amuya afo'afu nohinaya komopa'ni emi'ohuna. Ya'mu kaba hu netoto nobibe. To nani emi'ohunana ya'ma kaba huto buto kana'a molo'ehina huto hilina'mu yabe.

1 Koliti 9:25

Yagapana'i yokolo'na hilana enali enugufa amuya malalune lite hapi fite fato fato legege hite elata nehabe. Lilune'mu nehite enali sekele mamu nasana fa'menena'mu ya suhi hilata hi'ahana yabe, lali ya'ma sekele mamu'a minoba minoba nasana'mu ya suhi hilune.

Kolose 1:5

To lenali Hu'mamofihi hetofa kaga, ya'ma ka lamana'a lenalitoga kohe toto o'ehina kanaguti Hu'mamofihi bati hina'a kokulumaga molo lepolo'ehina'a alihi lilune lite bu mege'ahana'mu geba hite neminabe.

Huto Hilina Ka 1:7

Bu galo. Sopohi gupisalo alina'mu yabe. To bona'i asaga'magi enubutu bu galana'mu yabe. To Yesuhi magolohi fi'ahana bona'i hiti enali bu galana'mu to noto noto bona'i asaga'i enali ai'i bu gelete ai ka'a keheli meemi'ahana'mu yabe lite sipi yibi hafili hilana'mu yabe. Ya'ma ka'a ya huto huto hino. Lama'na ka.

Taitasi 2:13

Ya nohuto Sipi Boti, Hu'mau lubuto bilata bo, to Yesu Kilisitou fana meha'a hiti huto hilina kana'amu geba hulata nohuta, yamofihi sekele mamu'a hiti nasanamo ni'inaya yana'mu fifa ilata nohune.

Huto Hilina Ka 19:11

Ya noligo nani nubu bu golago buto kokuluma hokolo nohigo hosi yaga koholi mone bu go'ohuna. Ya nohugo megesa'alo mino'ehina ai gi'a keheli ule'ale huse lina'a huto minolata hu'ehina to lama'na ka lulata hu'ehina yabe. Ai kaga'ani loko hilata foya to luba'a hiti foya li sibi mehuse fotogo huto bo lilata nohibe.

2 Timoti 2:5

To ana huto hololu lilanagu ya'ma bo moneuba ana yokolo'namofihi kaba bouba hololu nelana'mu lu laga hu'ehina ka'a hauta halina yamofihi mina'a huto mehilina'mu yabe.

2 Timoti 4:1

Nani Hu'mamofihi bulo to Yesu Kilisito ai hiti minoto bona'i lubu hiti nohuta'a fili'ahana'a asaga'i ka foya lito guna molo letalina bo ai bulo ya'ma Yesu kaba huse'i to kapo'a hiti huto hilina nehetito kaba hu letalina'mu yabe luto ya'ma luto kaga lu moloto huto kelepilugi kehelibo.

1 Timoti 6:19

Ya nehite ya'ma mono ka legeya'a li huto hilanauba lufusa'ani ule'ale huto lolo hulenogo aliha'a mino lito buto minalinamo ni'ibe. Ya nohigo enali enemehi lamana'amofihi legeya'a lite mino kosaba huse'na lilana'mu yabe.

1 Koliti 2:9

Ya hu'ehina'mu kaga mone ma lite mono bukugu fayahi keye'ahanamo ni'ibe: Bona'magi bu mege'ahana to enegekesatu mekeheli'ahana nasana, to bona'magihi komopa'anigu mekeheli'ahana nasana, ya'ma Hu'mamofihi komopa'ani emi'ehilana bonatoga le'mo huto hilina'mu yabe.

Huto Hilina Ka 22:20

Ka'a huto hu'ehina ya'ma lusiga lulata bo ai'a ma luto nolibe: Lama'naka. Lenalitoga ma'asi alube'mu nohube. Lama'naka. Sipi Boti, Yesuo. Kai obo.

Huto Hilina Ka 4:10

To olopa bona'i luga'a 24 sekele mamu'a hiti kefalo minolata nohinaga bite enalapusa fi emite ya'ma minoba minoba nohina aitoga foke ka lu emite sekele mamu'a hiti kakili'ani ya'ma sigitete nemelete ma lite lilata nehabe:

Huto Hilina Ka 4:4

To sekele mamu'a hiti kefa hisa napa'a fi bego hite ya'ma fato kefa hisa mone kegi'a 24 kefa ni'igo bu go'ohuna. Kefamofihi gupisalo olopa kaba bona'i luga'a 24 enali koholi gukete'ani fayaha'a hiti lite hekelete mine lite bite mine'ahana to kakili'mofihi sekele mamu'a golitu lolo hi'ahana ya'ma lataha'aniga ni'igo bu go'ohuna.

Hibulu 9:28

Kilisitou ai ana huto kana moneko'i silaga bona'magihi foipana'ani ai gupisalo tigo he'mu kito Hu'mamofihi kuguhi koyo emiloto fili'ehina. Aku'i foipa nasana li su halibe luto ni'igopa aimofihi geba hite fifa ite minelata nehana bona'i Kilisitou enubuto bise foya aliha'a li su haluna'mu yabe luto aku'i kokulumaluguti limito huto hilube'mu hibe.

2 Timoti 1:18

To Efeso hepatoga minona kanagu hiti mehi nimito foya lito mino'ehina yamofihi fa'menena meni'ibe. Yamofihi lama'naka keheli'ahane. Ya hu neto'ehina'mu Sipi Bouba kehelinogo ya'ma napa yupahi Sipi Bouba huto hilina kana'agu keke'i luse'na emilibe luto nolube.

1 Tesalonika 1:10

Ya nehite pana'a fili'ehinaguti le'mo ho ti'ehina bo, Yesu minomo buto kokulumaguti limilina'mu geba hite nehabe. Ai Yesu, Hu'mau alihi foipana'momu'i osahi epilina'aloti lubuto bilata nohibe. Ya'ma kamofihi noto noto bona'i kehelilata nehite lu limilata nehabe.

Romu 8:23

To asaga melugu neminana usegi asegi hite hilata neminago enali'anigo menehabe. Lali hiti Hu'mamofihi Sikalafu'i kohe toto limi'ehina bona'magita komopatigu yibi bena huto yibi huto usegi asegi ilata nohune. Ya nohuto Hu'mau lugufati kosaba'na lolo huto lele'mo bati hilina kana'amu geba nohunogo keta huse nagaluguti gulu ho letalibe.

Romu 2:5

Kai komopaka ule'ale huto higo Hu'mamofihi kaga mekehelise nohatogo foipanaka munu munu suhi huto hilibe. Ya'mu'i Hu'mau ka foya malalina to kaga loko hilina yupahi noenogo ai bona'magihi sipi enipakafa enohoto to kai hiti osahi kimilina ya'ma huto hilinagi bu galune.

Matiu 24:36

Anana huto hilina yupahifi to kana'afi bo moneuba mekeheli'ehibe, kokulumalugu agelouba ana huto mekeheli'ehibe, to nani Hu'mamofihi pana'a nani'ni hiti ana huto mekeheli'ohube. Hu'mau aisigo anasi ana kana'a keheli'ehibe.

Matiu 7:22

Ana kana'a huto hilina yupahi babu boana'magi ma lite lilana'mu yabe: Kibina bo'nio, Kibina bo'nio, kai kigilo Hu'mamofihi mono ka'a lu epi'ohuta yabe, to kai kigilo babeyafana sipi lili'na li huto huloto to foipa fele enoho lifi'ohuta yabe lite lilana'mu yabe.

1 Tesalonika 5:4

Lalalutigita, lenali Kilisitohi naga'a nehanagi ya'ma metepunagu menehabe. Ya higo ya'mu Sipi Bomofihi kana'a mele'isi guminalo bona'magi nehe netilana suhi huto lenalitoga nehetinogo henabe lite katiya'i hite lenelesa lilibe?

2 Koliti 5:2

To lali ya'ma ya hu'ehina'mu kokulumagu nohi li huto huto lelepilibe luto laga'a keheli'ohuto amuya nomolo fa'mene lugufamo hiti minolata nohuta'mu yabe luto kiligi ito minolata nohune.

Luku 10:12

To nani lu nolepuna, ya'ma Hu'mau asaga bona'magihi kaga loko hilina yupahi Sotomu hepa'i ginaga fi noepito to hepa'mofihi bona'i lenele'mo bati mehilanamagi kumu ginaga fi meepilina'mu yabe.

1 Koliti 3:13

Minoto Kilisitohi Sipi Yupahi alina kanagu hapa'a huto hilina'mu yabe. Ya nehinogo logo sipi i kulu tilube'mu hibe. To ana logouba nohi negite lili'na li'ahanamofihi hapa'a li huto hilina'mu yabe.

Filipai 3:11

To henabe lutobe? Ya huloto'ni buto fili'ehinaguti ho ti'ehina li huto hilufihe? luto kehelito nohube.

2 Tesalonika 2:8

To foipa bo huto hulenogo Sipi Bo Yesu bagaguti mutiya'auba ho fililina'mu yabe. Sipi Bo nehetilina yupahi besana'a hiti silifisa maloha'a hiti nooto foipa bomo le'mo sibina hilina'mu yabe.

2 Timoti 1:10

Legeya'a halinagu yamofihi ya'ma kana'alo lubuto bilatanamofihi afo'afu Yesu Kilisito limilago ana nasana ho filito amuya moloto mino kosaba huse nasana mefilise'na yamofihi ka lamana'atu yatai li huto hu leto'ehina.

Hibulu 12:11

Osahi limito lele'mo bati hulata nasana ya'ma huto hulenogomo kana'a kehelinogo laga menohigo keke'i luse'na'a hiti lolo hulata nohibe. To aliha'aga ya'ma mino bati hulata'nagu minolata nohutamofihi legeya'a ya'ma i tili tele huto lalitoga fulunamofihi nasana huto hilina'mu yagi to hapati lamana'a lolo hulata nohibe.