2 Timoti 4:5 - Ka Lamana'a Monoꞌi Lu Mu Tifiꞌehina Ka Yabe

⁵ Enali ya hilanamoya kai ya'ma kana'amu kana'amu kekesa keheli bebe soto minobo. Keke luse nasana gupisalo notinogomo amuya moloto minobo. Ka lamana'a lu yege hose foya'a ya lito li gu ito ana ka lu epibo. Hu'mamofihi foya'a lilata bo kai ya'ma li su hoto libo.

2 Timoti 4:5 Referans Kwoze

2 Timoti 1:8

Ya'mu'i Sipi Botimofihi ka lamana'a lu huto hilata'mu kubuya mehino. Ya huto ai kumu yabe luto naga nonugu nohugi yamofihi nani kumu kubuya mehino. Hu'mau ai amuyana'a kimilenogo ka lamana'amu yabe kalana'i mele ketenogo kai hiti ananamofihi gupisa'alo fa'mene minobo.

1 Pita 1:13

Ya'mu komopatini li hokolo hite lenegekesa kehelilo. Kaba hu bati hite minete Yesu Kilisitou alihi huto hinogo ya'ma lusa gi lepalalina'a yalo'i geba hilete asaga'i keheli ule'ale hite fifa ilete minalo.

2 Timoti 2:3

Kai Yesu Kilisitohi lusi gimi mage bo'a bati huto lolo huto nohitogo kai hiti kalana'i mele letalana'mu yabe luto kosele'i mekeheno.

Kolose 4:17

To mone bo, Akipasi, ma lite lu emilo: Sipi Botiu kimi'ehina lili'na yamofihi mehe'mise li baga ibo.

1 Timoti 4:12

Enali ya'ma pana'i kosaba bo nohane li lilagi. Yamofihi bona'magi enali ka'mu keheli sibina hi lalabe. Kai amuya moloto minetogo hapaka fu linogo Hu'mamofihi keheli ule'ale hilata to komopaka fana toto minenogo Kilisitohi kemehi emilata to mono ka lilatamofihi keheliya ilana bona'magi ya'ma kapogu bilune'mu hana enelepibo.

Aposolo 21:8

Koloto etepo anagati he'mito buto Sisalia hepatoga nehetito kaga lamana'a lu epilata bo, gi'a Filipi yabe, ai'a noha'agu ti'ohune. Ya'mana bo koyapa kanagu Yelusale hepalugu mono bona'magi ai'a hiti to lalu'afu 6 enali hiti enele'mo ho ti'ahana.

1 Timoti 4:15

Asaga bona'magitoga mono ka luto moloto hu'ahata napa humo nobina yamofihi bu genogo laga epesilibe luto nani lu nokumuna kaga ya'ma komopakagu molo hetofa huto lito minalane.

1 Tesalonika 5:6

Ya'mu bona'i luga'a enali enubu'i kelata nehana suhi lite meminalo. Komopatini lenegekesa hekini melenogo lenalitini kaba hite gili gili hite minalo.

Huto Hilina Ka 3:2

Ya hu'ehina'mu lenali ya'ma mopo hite ho tilete kosaba'i luga'a fililune'mu nehana yamagihi komopa'ani le'mo hetofa hi epalalo. Nani afo'nifu Hu'mamofihi bulo lolo hite melete hite nehanamofihi bu nogogo mone'a bati mehibe.

Efeso 4:11

To hetofana limi'ehinamofihi hapa'a ma ni'ibe. Kilisitou lehe'mose'na'a fato fato'na limi'ehina ni'ibe. Lali luga'a aposolo lele'mo molo'ehinamo ni'ibe. To luga'a ai ka'a lu yege holata bo, to luga'a ya'ma ai'a ka leli'ali bo, to luga'a babafi minete ya'ma ka lamana'a lu ha'i fise bo, to luga'a mono kaba bo, lele'mo molo'ehinamo ni'ibe. Ana fato fato lili'nalo lehe'mose'na'a limi'ehina ni'ibe. To hena'mube? Lali Hu'mamofihi bona'a nohutamagita lili'natilo lele'mo amuya nohutamagita lele'mo hofa to su halibe luto yabe.

Hibulu 13:17

Kaba botinimagihi ka'ani kehelite agoya hu epite enali enigi'aluga limite minalo. Enali ya'ma lenemehatinimofihi nasana'mu kehelite babeyafalo kaba hi lepelete le'mo fu lite neminete enabasu mebilata nehabe. Ya'ma foya'animofihi hapa'amu alihi kanalo ya'ma foya lilatana Hu'mamofihi bulo li huto hilana'mu yabe. Ya hu'ehina'mu foya'ani komopa'a le'mo bati hite lilabe linogomo agoya hi epelete ya suhi ma suhi li epalalo. To lenali pelesa ilenogomo enali keke'i nelite foya lilabe. Ya hinogo ya'ma lenele'mo bati hilina nasana lenalitoga huto mehilina'mu yabe.

2 Timoti 2:10

Yana'mu nani keke'i luse foya asaga'i Hu'mau enele'mo eto hu'ehina bona'i enali kumu yabe luto baga'a hiti nasana ya'ma kofilata nohube. Ya nohugo enali ya'ma Yesu Kilisitou enubuto bilata nohina to fana talina hiti mino kosaba huse'na ya'ma lilabe luto ya hulata nohube.

Luku 12:37

To kaba bo'aniuba oto koko panana'a bu enagalina enubu'i mekese geba hite nehinogomo yalo ana koko pana'alobo enofokehi halabe. Nani lu nolepube. Sipi bouba ai'a kata'a li hupa mone huto hepiloto'a to gilimi'a iloto hitalo enele'mo moloto ai'a nose'na gabu ito epilina'mu yabe.

Maki 13:37

Nani ya'ma lu nolepuna ka asaga bona'magihi ana huto lu noepube. Bu go bati hite kaba hite minalo.

Kolose 1:25

Hu'mau nani Kilisitohi naga'i nehana bona'magihi koko pana'ani nele'mo'ohuto'a noho lifigo buto lenali Yuta gegisaguti fegutoga nehana bonatoga buto Hu'mamofihi suguna ka lu lepilube'mu hunogo keheli bai talana'mu yabe.

Romu 15:19

To huse mehuse suhi huto ule'ale nasana lito oto mololoto nohuto Sikalafu'amofitogati amuya liloto topa hose'na'a hiti lilenogo kehelilabe. To nani Yelusale hepatogati hapi fito Kilisitohi ka lamana'a asaga'i lu huto holito buba buba huto ya'ma me'i le'mo bego bego huto Ililikamu metoga buto lu yege ho'ohuna.

Maki 13:34

Ma huto anana huto hilibe. Bo moneuba hepato he'mito fatoga bilube'mu nohuto'a lili'na bona'magihi lili'na'ani'mu lu epito to bihu kasito minoto kaba nohina bomofihi lu emilina: Kaba huto minobo, luto bufa hilibe. Ya suhi lenali ana hite kaba hite minalo.

2 Timoti 4:17

Sipi Bouba mehi nimito nele'mo hetofa hu netoto ka lamana'a lu yege hoto lu epito lu su halane luto to fegutoga bona'magi keheli baga ilabe luto lufusa'ni amuya molo neto'ehina. To lubanamofihi bagaguti Sipi Bouba nubuto bito gulu ho neto'ehina yabe.

Matiu 25:16

Ai ana kaba bo'ani abufa hulago 5,000 kina lina bouba hololu luto ana efatoti bisinisi mololoto 5,000 kina aku'i molo emito mone'a hiti efahi huto li'ehina yabe.