Biblia Todo Logo
Bib sou entènèt

- Piblisite -




2 Timoti 4:2 - Ka Lamana'a Monoꞌi Lu Mu Tifiꞌehina Ka Yabe

2 Kai ya'ma mono ka lu yege hoto lu epilata ya'ma bona'i enali kumu kebesilina'a mekebesilina'a asaga kanagu sibigopa lu epibo. Enegekesa lito, sibina hilana'mu ka epekito enele'mo bati huto komopa'ani enele'mo babahi huto mono ka lu epiba epiba huto kosele'i mekehenogo enele'mo lehe talane.

Gade chapit la Kopi




2 Timoti 4:2
36 Referans Kwoze  

Lalalutigita, lenegekesa li hokolo huto lenogo'na bito lu nolepune. Bona'i luga'amagi foya melise nehanogo enali enegekesa lilo. To luga'amagi enelesa nelinogo neminana enele'mo hetofa hilo. To luga'amagi keheli ule'ale mehise loe lae nehinogo enali enele'mo amuya hilo. Ya hite asaga bona'magitoga legeso hite minalo.


Kaga ya'ma lu nokumuna yamofihi lu enelepilata huto minobo. To bona'i enali kai kumu fa'mene bo nohibe lite li lalagi Hu'mau amuya'a hiti molo keto'ehina bo'amaka enegekesa lito sibina nehinogomo ka epekito enele'mo bebe soto hubo. To bati nehinogo kai bebe sose ka lu epito komopa'anigu enele'mo amuya molobo. To kai kumu kehelinogo notinogomo kebe meligino.


Mono bukugu fayahi ge'ahanana bona'magihi enubulo leka soto lu epilata foya to mono ka hapa'a lu huto hulata foya to mono ka lu yege holata foya ya'ma Hu'mamofihi mono foyalo komopaka hetofa huto emilatagihe. Ya huto mino lito buto minetogo nani mone hiti nehetilube.


Nani komopa'ni epi'ohuna bona'i ya'ma ka epekito osahi epito enele'mo bati hulata nohube. Ya hu'ehina'mu lenali amuya melete foipa hapatini he'mite komopatini li gelehe hilo.


Nani ya'ma kagamu'i nokehelugo lamana'a lolo hibe. Ya'mu ka babu luto ka epekito enegekesa linogo keheli bati huse ka'a ya'ma ho ti fefe luto minelenogo,


To bona'i mone'amagi ya'ma sibi sabana li he'milete ya'ma enali komopa'ani gulu gulu lilinamagi lape'i lamana'a suhi huto lolo hilenogo nohi afo'afu Hu'mau lusa gito enele'mo ho tito fi hetofa hulenogo fato fato foya yamofihi li etalune'mu habe.


Kilisitohi mono ka kehelite neminana bo lenali ana ka le'mo eto eto nehana bo lenali ana'ina guna ite epilabe.


Lenali Hu'mamofihi bu galana yupahi mineme bite geba hilananauba lenele'mo amuya melenogo lenofokehi lilo. To keta huse'nauba lenalitoga huto nohinogomo komopatinigu fulu huse'na'mu Hu'mau lenehe'malinamofihi geba hite minalo. To asaga yupahi kosele'i melenehenogo Hu'mamofihi loka hete nunumu hilo.


To kaiba, nani hapa'ni akeheli'ahane. Nani minoto hu'ohuna kai ya'ma minoto lolo huto moloto hu'ohuna to mono ka fi lehe toto moloto hu'ohuna, foya li'ohuna yamofihi hapa'a kelepi'ohuna, to keheli amuya moloto mino'ohunamofihi ana'ina asaga'i kosele'i menehago amuya moloto mino'ohuna kai keheliloto nemege'i molo'ahane. To nemehi epito mino'ohuna, to baga'a hiti yamofihi nugupisalo tilago amanapa huto ho tito mino'ohuna, to kalana'i mele netago komopa'nigu gabu gise'namofihi komopa'agu mino'ohuna akeheli'ahane.


Bo moneuba foipana linogomo luga'amagi enali kehelilete enelesa linogo foipana li lalibe luto bona'magihi enogobisalo lu huto huto le'mo bebe salane.


Hu'mau nani Kilisitohi naga'i nehana bona'magihi koko pana'ani nele'mo'ohuto'a noho lifigo buto lenali Yuta gegisaguti fegutoga nehana bonatoga buto Hu'mamofihi suguna ka lu lepilube'mu hunogo keheli bai talana'mu yabe.


To Hu'mau kaga'a lu yege hose bona'i ho melifinogo kaga tili tele mehinogo kiyi'afu ana kaga lu enelepilibe? Yana'mu mono bukugu fayahi ge'ahanamo ni'ibe: Enali kapo melete hekili hekili hite hetofa kaga'a lite neana bona'magihi enigigusalo soso hu epoloto gepohi lilune.


To lali minoto salele yupahi mone yatama nohi ifo hasagu tito li gehesa huto Yesuhi ka'a beto huto beleti nose'na li gofa huto nalube'mu nohuto, Polu li nupa hi'ahanamagihi kaga lamana'a lu epiba lu epiba nohuto yago lenehe'mito bilunagi luto kaga lu noepibe.


Fuli kanagu lali hepaluguti he'mito fegutoga limito nagami beletoga bu'ohuto ya'mana nagami beletoga Yuta bona'magi nunumu hilata nehilana hepa'i ni'ilifi luto bu'ohuta yabe. Lali melugu mino labasu bilototi analo ana'i li gehesa hi'ahana kaga lu epi'ohuta.


Yesu ma luto lu'ehina: Kai he'mitogo filise bona'i suhi hite komopa'ani menimise'namagi fili'ehina bona'i keli halabe. Kai buto Hu'mamofihi kapo'a kumu lu yege homofa'na hubo, luto Yesu ana bo lu emi'ehina yabe.


To enali Yesutoga enoho lifigo bana bona'i Yesu nohinalo bilete enali amuya melete eniginaga fina ka lu emi'ahana: Ya'ma bo lalalutifube, ai hetofa bouba kai nehe'malane luto nolinaya bati huto he'malata ni'ifiye?


Hu'mamofihi bagaguti ka lu'ehina kehelinogo ya'ma melimino.


To bona'i enali nani kumu enekesa keheli loe lae menehana bati hite enofokehi lite neminabe.


Enali mono kamu'i kenasabo bi'ahana'amagihi ya'ma fulu huto enele'mo bebe salabe. Hu'mau ai'a enele'mo lito limilenogo komopa'ani li gelehe hite ka lamana'a keheli bebe salafihe lite ya hi epalalune'mu habe.


Nigibo nalalu'nigita, nani kaga mone lu lepi'ohuna'a yatama meni'ibe. Lenali lenegekesa lito lufusatini li hetofa hilina ka'a ya'ma lu nolepugi lenekesa li hokolo hite kehelite minalo.


Lomu hepato nehetulenogo Poluhi ai'asigo gimi bo moneuba kaba hu etenogo minalibe luto Lomu gamani bouba lu'ehina yabe.


Ya hilete etali Salamisi hepato henetite Yuta bona'magi li nupa hite minete kaga lu keheli fa keheli nehana nonugu tite Hu'mamofihi ka lamana'a lu epi'aha'ina. To etali Yoni Makiu ana lili'na etehe'moto lilibe lite le'mete bi'aha'ina yabe.


To lali kumu luto loka nehete Hu'mau ai ka lamana'a suguna ka'a Yesu Kilisito kumu ana kaga babu bona'i lu epiluta kapo hokolo hu letalibe lite loka halo. Nanimoya yatai ana ka lamana'a lu yege hose'na'mu naga'i li'ohuna yabe.


Ya hulotogo moloto minoto hu'ohuta ya suhi mege'i melete minete hi'ahana. Sipi Bouba hu'ehina ya suhi kehelilata hi'ahanamo ni'ibe. Ya hite minete bona'magi ka lamana'a kumu lenele'mo sibina nehanogo lenali kosele'i mehose ka lamana'a keheliya ilune lite komopatinigu sabiyana lolo higo keheli'ahana ni'ibe. Hu'mamofihi Sikalafu'uba lenele'mo bati higo mine'ahana yabe.


Swiv nou:

Piblisite


Piblisite