2 Timoti 4:16 - Ka Lamana'a Monoꞌi Lu Mu Tifiꞌehina Ka Yabe

¹⁶ To Yuta bona'magi nifisa i'ahana'mu ka foya nolugo yata'a hapi huto nani'i hapa'ni lu noepugo bona'i moneuba nele'mo bati huto nele'mo memolo'ehinamo ni'ibe. Yamofihi sibina'a ya'ma Hu'mau nona'a li epololata mehino.

2 Timoti 4:16 Referans Kwoze

Aposolo 7:60

Ya noluto ai lapusa noto minoloto mone'a hiti kehe sipi iloto ma luto lu'ehina: Sipi Bo, enali ya'ma li huto nehana foipana'ani'mu luto kekesa mekehelibe. Sitifeniu ya luto luloto ana'asilo fili'ehina yabe. Ya hite, Sitifenihi hanana'mu Soliu keheligo gufaluga bati hu'ehina yabe.

Yoni 16:32

Kana mone hupamone hilube'mu huto ana kana'a ma'asi a'nohinogo lenali he'mi netete tili tele hite hepatiniga bi su halune'mu nehabe. Bilenogo nani'nisigo minalube. To Afo'nifi hiti minalu'ibe'mu nohu'ibe. Yamofihi nani'nigo meminaluna'mu yabe.

Maki 14:50

Ya ligo, pana'alobo'amagi asaga'i aitogati he'mite koli fele'ahabe.

1 Pita 3:15

Komopatini nokala hite le'mo bati hilenogo Kilisitou ai pa solata sipi bo lolo hu lepeleno. Ya hilenogo ai kaga'amu komopatinitu fifa ilata nehana yana'mu loka nehi lepelenogo keta mehuse hite hapa'a lu hokolo hu lepilune lite nelite le'mo bati hite minalo.

2 Timoti 4:10

Temasiu ai ya'ma melugu nasana'mu laga besigo keheligo tigo he'mi netoto Tesalonika metoga bu'ehinagi kai oletogo bati hu netalibe. Keleseniu ai Galesia metoga bu'ehina. To Taitasiu ai Talamesia metoga bu'ehina yabe.

2 Timoti 1:15

Esia metoga bona'i Hu'mamofihi naga'i luga'amagi malo e'ahanamagi enali asaga'i nani kumu enekesa mekehelite aku ahe'mi nete su he'ahabe. Figelasigi hiti to Hemogenegi hiti etali ana hite he'mi nete'aha'inamofihi akeheli'ahane.

Filipai 1:17

To luga'amagi faga hiti pebisa hete bite enali'ani enigi'ani lelite netite Kilisitohi gi'a helata nehana yamagi enali naga nonugu nominona yamofihi gupisalo keke'i luse foya nimilune'mu ya hilata nehabe.

Filipai 1:7

Lenali komopa'nigu mine'ahanamo ni'inagihe. Nani lenali asaga'i ma luto keheli lepilata hu'ohunamo bati nohibe. Nani maga naga nonugu nohugo to ka lamana'amu yabe luto ka foya lito li hetofa huto nolugo lenali hiti nani hiti moneko nohuto Hu'mamofihi lehe'mose'na'a guna moloto lito minolata nohune.

2 Koliti 7:11

Bu galo. Ginaga fise'na ya'ma lapa mebi'ehibe. Yamofihi lenalitoga legeya'a nesi'a huto mehu'ehibe. Legeya'a sipi'a ahuto hu'ehibe. Hu'mamofihi kagalugu lenele'mo babahi huse'na to hapatini bati huto le'mo huto huse'na to foipa nasana fitu fose he'milata huse'na sipi'a to Hu'mamofihi ita bise'na lenelesa luse'na to nani kumu keheliya ite amuya molose'na, to foipanamofihi mone kegi'a epilata'na ya'ma nasana ya hina'a li huto hu'ehina ya'ma lenalitoga nona'a huto hulago lenali foipana memino'ehinamofihi hapa'a huto nohibe.

1 Koliti 9:3

Hapa'nimu lilata nehana enali kaga ya'ma lu gelehe ito lu epilata nohube.

Aposolo 25:16

Ya lago nani ka'anilo nona'a ma luto lu'ohuna: Lali Lomu bona'magita hapatiya bo mone'mofihi fa'mene fisa ilata menohune. Bo mone'mofitoga kaga ni'igomo yata'a ka foya lu epololata bomofihi bulo ho tigo lali geba hu'ohunogo ana bouba kaga fisa neinamofihi keheli bati hulata nohibe.

Aposolo 22:1

Lenali afo'nigi nogona'nigi nalalu'nigitase. Kaga'nimofihi hapa'a lu lepilunagi keheli'ehilo.

Luku 12:11

To enali ka foya lilune'mu nehite mono nonugu lenele'mete bite gamani bona'i to kibina bona'i nehilana enubulo lenele'mete nebinogomo lenali koli hilete lenegekesa yigi yigi hite ma lite mekehelilo: Lali hena huto kaga'anilo lilune? Lali hena kaga lu epilune?

1 Koliti 13:5

Eniginaga fise nehilana bona'magi enali bebe mesose hapa'ani melise, yogo fe'nohi li pili mekose, hipa mehi epelese, bona'magihi foipana lu gehe meli epelese,

2 Timoti 4:15

Ai'a kele'mo sibi sibi hu laligi kaba hu bati huto minobo. Ai luba huto amuya moloto lali mono kati'mu hega hoto keye lu'ehina.