2 Timoti 4:12 - Ka Lamana'a Monoꞌi Lu Mu Tifiꞌehina Ka Yabe

¹² Tikikuhi ya'ma ho lufugo Efeso hepatoga nobibe.

2 Timoti 4:12 Referans Kwoze

Efeso 6:21

Minoto lito nohuna yamofihi hapa'a to foya'a lilata nohuna yamofihi kehelilabe luto Tikiku ai'ya buto ka lu lepilube'mu nohibe. Ai lalalutifu lamana'a Sipi Bomofihi agoya pana'a foyagu amuya moloto mino'ehina bo yabe.

Aposolo 20:4

To ai hiti bi'ahana bona'i Belia hepato bomo, gi'a Sopata, Pilasihi pana'a, ai yagi to Tesalonika hepato bona'i loemo, etigi'atiti Alisitaka yagi Sekatasiu yagi to Tebe hepato bo mone gi'a Gaiyasi hiti to Esia meto bona'i loebe monebe enigi'ani Timotiu yagi Tikiku yagi Tolofimu yagi enaligo yabe.

Taitasi 3:12

Nani Atemasigo Tikikugo etali neha'inaga kaitoga mone ho lifinogo'ni nehetilenogo yamofihi Nikopoli hepatoga nohiluna'mu yabe. Nanitoga alube luto ka amuya molobo. Nani ana huto ana hepatoga yasi hilina kanagu minalube luto lu keheli'ohube.

Kolose 4:7

Lalalutifu mone gi'a Tikiku nani lenalitoga ho lifilube. Ai ana huto Sipi Botimofihi lili'na bo nohuto kosele'i mehose nehe'molata nohina yabe. Ai lenalitoga buto lali kumu lu lepilenogo kehelilete komopatini keta holatana'mu babahi huto higo lenali lenegelo bilabe.

1 Timoti 1:3

Nani ya'ma Masetonia metoga bilube'mu nohuto kegekesa lito lu kimi'ohuna ana suhi hubo. Ya nohuto ya'ma Efeso hepatoga ya'ma aku'i molo emito minobo. Nohuto bona'i hapi fite faga faga mono kaga lu nepina yamofihi he'milo luto lu epibo.

Aposolo 20:25

To ka mone hiti lu lepilugi keheli'ehilo. Lenali okaba'ni aku'i be megalabe. Nani lenalitoga bula ola nohuto ya'ma Hu'mamofihi Kapo'a kumu'i lu hokolo hu letoto humofa'na hu'ohuna bomofita okaba'ni alihi be megalabe luto akeheli'ohube.

Aposolo 18:19

Enali Efeso hepalugu henetilete Pilisilanogo Akuilanogo he'mi etoto'ehina. Ya huloto Yuta bona'magi li nupa lite mono kaga beto hilata nehana nonugu ai tiloto Yuta bona'i hiti kaga lu keheli fa keheli hi'ahana.

Aposolo 18:21

Ya luto ka'ani pelesa iloto ma luto lu epi'ehina: Ai Hu'ma linogomo nani aku'i lenalitoga oto bu lenagalube. Ya luloto botigu tiloto Efeso hepa'i he'mito bu'ehina.

Aposolo 19:1

Apolosiu Koliti hepatoga minana kana'aluga Polu kosa ubago hina kapo luga kapo moloto oto Efeso hepato neheti'ehina. Ya huloto Efeso hepalugu Yesutoga agoya hu emi'ahana bona'i luga'a bu enogoloto enoloka ho'ehina:

Efeso 6:22

Ai lali malo nominana ka asaga'namofihi lenali kagalo lu lepito komopatini le'mo amuya hilibe luto ho lufugo foiya nobibe.